Rɔmu minin 10:12 - LAWA A BOO SONBORE

¹² Min tumaa n bɛ gɔ́ɔ̃ nɛ, bɔkɔnlɛ banban doo Zuifun laanka tɔrɔ kɔsɔn bii ni wa, a din Dɛnaa goon lɛ nə ǹ tumaa wɔ lɛa, á n bǐɛ̃ zɛnɛɛ a nyankɔlen tumaa nɛ.

LAWA A BOO SONBORE 2011

¹² Min tumaa n bɛ gɔ́ɔ̃ nɛ, bɔkɔnlɛ banban doo Zuifun laanka tɔrɔ kɔsɔn bii ni wa, a din Dɛnaa goon lɛ nə ǹ tumaa wɔ lɛa, á n bǐɛ̃ zɛnɛɛ a nyankɔlen tumaa nɛ.

Rɔmu minin 10:12 ပူးပေါင်းရင်းမြစ်များ

Loen 145:18

Dɛnaa Lawa wɔlɔ á kunu a nyankɔlen tumaa ganaa. Min mɛnɛn tumaa bɛ́ a nyankoe ka ǹ parsiini, a wɔlɔ á kunu bɛn ganaa.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Izayii 55:6

Ka ga Dɛnaa Lawa li, bɛ̀ á tɔn lɛ koe á yii. Ka a bii wɔ, bɛ̀ á tɔn kunun ka ganaa.

Nya ǹ dín 7:59

Ǹ bɛ́ Itian lɛ dii, a na á goã Lawa nyankoe kɛnɛn: «Dɛnaa Yezu, masɛ telenboen si.»

Nya ǹ dín 9:14

Kànaa dɔ-n, pàã tumaa tá a lon, wúlu-bɔlen goledɛnan bɛ́ ǹ nə́ ǹ mɛn kɔ la, minin mɛnɛn bɛ́ koe Dɛnaa din lɛ, a bɛn kũ.»

Rɔmu minin 14:9

A giala, *Krita lɛ na á gã, a yii kaa, màn mɛn bɛ́ toɛ, a geren laanka yiikoonaan Dɛnaa baa.

Rɔmu minin 15:12

Lawa a boo gii-dali Izayii dɔ́ pɛ: «Zesee tɔrɔ lɛ á re die, á re yui a giã gánan dinin tumaa mìi la, ǹ tá re n foo doɛ a din ganaa.»

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.

Korɛnti1 15:47

Min bibinaa Aadã ke, bɛ n kanaa wɔ lɛa, a giala, a na á bɔ tán. Aadã paabaa ǹ wɔ kɛ na á bɔ Lawa li lon á daa.

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Efɛɛzi minin 2:4

Sɛnɛ, Lawa a makara-doɛ̃ á gole. Á wɔ narɛ ka kɔn-narɛɛ gole ne.

Efɛɛzi minin 2:7

Lawa na á ná a bǐɛ̃baa lɛ nyaa wɔ nɛ ka Yezu Krita nɛ. A na á zɛnaa miɛ̃, mà min tumaa dɔ̃ biikoo tumaa li, mà asɛ a bǐɛ̃baa lɛ a golebaa miã banban.

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Efɛɛzi minin 3:6

Bɛa sii-durii lɛ á ke: Boo Tii Kɔɔ̃n kɛ pàã ganaa, Lawa lɛ kɔ a zaman la ka bǐɛ̃n mɛnɛn nɛ, Zuifun laanka tɔrɔ kɔsɔn gii á re yii ǹ ni. Ǹ paanan man gùn lɛa gɔ̀nɔn goon ganaa. Lawa lɛ mɛn dɔ kɔ Yezu Krita wɔ gɔ́ɔ̃ nɛ, tɔrɔ kɔsɔn lɛn gii tá bɛ dɔ nɛ.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Filipi minin 2:11

Ǹ tumaa pɛ mà Yezu Krita n Dɛnaa lɛa, ǹ Díi Lawa tɔ guguru kɔ nɛ.

Filipi minin 4:19

Maa Lawa á re giɛ ka laadoo tumaa walan sɔnbɔraanɛ, a kɔnpɛ ka a din a pàãmabaa gole kɛ nɛ, Yezu Krita wɔ gɔ́ɔ̃ nɛ.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Timote1 2:5

A giala, Lawa goon toto na a tan, zɛlɛ goon toto dɔ na a tan Lawa laanka minbuiinin bii ni, minbuiin nɛ lɛa: Yezu *Krita nɛ.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»