Rɔmu minin 1:24 - LAWA A BOO SONBORE

²⁴ Bɛ lɛ na á toa, Lawa nə́ ǹ toa bɛa sii gɔgɔrɛ zɛnaan kɛn lɛn nɛ, á kɔnpɛ ǹ dinin foo dùũsiin ni, màn mɛn bɛ́ toɛ, ǹ sàn kɔ ka ǹ dinin gɔ̀nɔn nɛ.

LAWA A BOO SONBORE 2011

²⁴ Bɛ lɛ na á toa, Lawa nə́ ǹ toa bɛa sii gɔgɔrɛ zɛnaan kɛn lɛn nɛ, á kɔnpɛ ǹ dinin foo dùũsiin ni, màn mɛn bɛ́ toɛ, ǹ sàn kɔ ka ǹ dinin gɔ̀nɔn nɛ.

Rɔmu minin 1:24 ပူးပေါင်းရင်းမြစ်များ

Lawa a wúlu-bɔlen 18:22

Min kɔn baran toa a giã kun ka giĩ ni, ka ǹ bɛ́ giɛ̃ kun ka lɔ-n lɔn wa. Bɛ̀ min mɛn bɛ zɛnaa, sii bɔbɔnɛɛ nɛ.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Nya ǹ dín 14:16

Lɛlɛ á tɔrɔn tumaa toa walan, didie kɔ a din a zii lɛ.

Nya ǹ dín 7:42

Bɛ lɛ na á toa, Lawa tɔ́n nə n yɔrɔ bɔyaa á bɔ ǹ la, á ǹ toa ǹ nə́ leeren guguru kɔ. Ka a bɛ́ á n kiɛ̃ Lawa a boo gii-dalin sɛ́wɔ-n lɔn: «Kasɛn Izirayeli minin, lɛ̀ pusi gɔ́ɔ̃ nɛ don bii, ka tɔɔn bɔ *wúlu mànan lɛa, sɛnɛ, ka bie ká ǹ bɔ masɛ ganaa wa.

Rɔmu minin 6:12

Ka baran toa sii baraa goã kii lɛa ka gɔ̀nɔn siĩ gã wole kɛ la doo wa. Ka baran kɔ dùũ sii babaraan kɛn lɛ doo wa.

Korɛnti1 6:13

Ka á pii doo: «Màn-bii n nɔ̀ wɔ lɛa, nɔ̀ dɔ n màn-bii wɔ lɛa.» Hiĩ, Lawa á re ǹ dinin paanan ziziɛ̃. Sɛnɛ, minbuiin gɔ̀nɔn bie á n zɛnaa din kũ doɛ̃baã siin lɛa wa. Gɔ̀nɔn nə Dɛnaa wɔ lɛa, Dɛnaa dɔ n gɔ̀nɔn wɔ lɛa.

Korɛnti1 6:18

Ka baa si din kũ doɛ̃baã nyɛɛnɛ! A giala, mà min bɛ́ sii baraa gialakun mɛn kɔsɔ zɛnɛɛ, mà bɛ n kanaa, a we a gɔ̀nɔn nɛ wa. Sɛnɛ, min mɛn bɛ́ n din koe din kũ doɛ̃baã sii la, bɛ n sii baraa zɛnɛɛ a din gɔ̀nɔn kɛ nɛ.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Tesaloniki1 4:4

Didie na a din a lɔ yɛ yɔrɔ sonbore la, koa-kun mɛn bɛ́ yoreen ne Lawa laanka mìnbuiinin yɔrɔ-a, a bɛ wɔ kun ni.