Rɔmu minin 1:20 - LAWA A BOO SONBORE

²⁰ Sonbore, min ba boe la a Lawa yɛ wa, sɛnɛ, a nə n din nyɛɛ minin manɛ ka a nya ǹ dín ni, a kũ kanaa diɛ biikoo ganaa. Bɛ lɛ taman yii, minin tá boe la ǹ na a pàã nyabaã wole kɛ dɔ̃, ka a Lawabaa kɛ nɛ, yǎa ǹ baran n yiin tã wa. Bɛ lɛ nɛ, sonbore yɛ ǹ gɔn kɔ́n ba ǹ lon wa.

LAWA A BOO SONBORE 2011

²⁰ Sonbore, min ba boe la a Lawa yɛ wa, sɛnɛ, a nə n din nyɛɛ minin manɛ ka a nya ǹ dín ni, a kũ kanaa diɛ biikoo ganaa. Bɛ lɛ taman yii, minin tá boe la ǹ na a pàã nyabaã wole kɛ dɔ̃, ka a Lawabaa kɛ nɛ, yǎa ǹ baran n yiin tã wa. Bɛ lɛ nɛ, sonbore yɛ ǹ gɔn kɔ́n ba ǹ lon wa.

Rɔmu minin 1:20 ပူးပေါင်းရင်းမြစ်များ

Siin Giala 1:1

Lɛlɛ-lɛlɛ Lawa na á lon laanka kanaa da.

Siin Giala 21:33

Abrahamu da kɔ́n zumu Bɛɛr-Sebaa, yiri koamanɛ ǹ sii lɛa. Maǹ da lɛ bíi Tamarisi. Lawa mɛn bɛ́ a tan yǎa duduu, á bɛ lɛ nyankɔ walan, bɛ̀ á bíi "Dɛnaa".

Zɔbu 12:7

Sɛnɛ, ga tɔɔn ganaa, ǹ tá re doree koe n la, ga lon a bàanan ganaa, ǹ tá re daraa koe n la.

Loen 104:31

Dɛnaa Lawa, n gugurubaa kɛ die a goã yǎa duduu. N die n nə n nyɛnyɛɛ n nya ǹ dín kɛn lɛa.

Loen 104:5

N din nə́ ń tán giala wɔ a bǎã nɛ, a ba n boe a bǎã-n wa.

Loen 119:90

N din nə bɔlɔgoondɛnaa lɛa biikoo tumaa li. N din nə ń tán giala koa, a dɔ́ golee.

Loen 139:13

N din nə ń ma gɔ́ɔ̃ zɛnaa, ń ma gùn wɔwɔ kɔn lɛ ma dan gɔ́ɔ̃ nɛ.

Loen 8:3

Min mɛnɛn bɛ́ kiɛɛrɛ, kiɛɛrɛ ka nɛnyaanan bɛ́ lɔn, bɛn dinin man loe loe lɛa, ǹ tá sìi diɛ n zɔ́ɔn ganaa, ń giɛ min mɛnɛn bɛ́ yɔ boe n ganaa bɛn baran boo da ǹ bǎã yɛ doo wa.

Loen 90:2

N laan bɛ̀ n kelen da, n laan bɛ̀ n kanaa laanka a gɔ́ɔ̃gɔ́ɔ̃ ǹ mànan da, n din nə Lawa lɛa haalɛ lɛlɛ, n nə n Lawa lɛa yǎa duduu.

Izayii 26:4

Ka n foo doa Dɛnaa Lawa ganaa yǎa duduu. A giala, a din nə gɛ̀fu kaka lɛa, a na a tan duduu.

Izayii 40:26

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 5:21

Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

Zeremii 51:15

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Marki 10:6

Bɛ̀ bɛ bie wa, haalɛ kanaa a giala kɔ waáraa, a kiɛ̃maa-n Lawa a boo ne mà «Lawa na á giĩ laanka lɔ zɛnaa.»

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 15:22

Bɛ̀ ma bie má daa lɛlɛ má boo da ǹ nɛ wa, bɛ̀ sii baraa ba ǹ mìi-n wa. Sɛnɛ, sisia, ǹ sii baraa kɛa sabara banban.

Nya ǹ dín 17:29

Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa.

Nya ǹ dín 22:1

«Ma dɔɔ̃nɔn lɛn ka maa diin ni, sisia, ma bɛ́ re boo mɛn diɛ ma din si ǹ wɔ lɛa, ka n too kɔ bɛ ganaa.»

Rɔmu minin 1:19

A giala, minbuiin nɛ á boe la a màn mɛn dɔ̃ Lawa wɔ gɔn la, a tá bɛ siére-a. Lawa dinmaa na á bɛ nyaa nɛ.

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Rɔmu minin 2:1

Nsɛ min ke, nsɛ mɛn bɛ́ n miãn zɛ̀rɛ biɛ, sonbore yɛ ǹ bǎã goon ba n lon wa. N bɛ́ n miãn zɛ̀rɛ biɛ, ma nə n din dɔ zɛ̀rɛ biɛ, a giala, nsɛ mɛn bɛ́ n miãn zɛ̀rɛ biɛ, n din dɔ n bɛa siin lɛn zɛnɛɛ.

Rɔmu minin 2:15

Ǹ dinin tɔ wɔ ǹ gɔn nə nyɛɛ kɛnɛn, mà dí-pɛn bɛ́ giɛ màn mɛn li, mà bɛ n kiɛ̃ nɛ ǹ gɔ́ɔ̃ nɛ. Ǹ dinin foo n bɛa siére pii, ǹ taasiɛn manə ǹ zɛ̀rɛ biɛ biikoo tɛn li, ǹ sonbore kɔ ǹ la biikoo tɛn dɔ li.

Korɛnti1 1:20

Ka bɛ nɛ, Lawa nyaa ǹ nɛ, mà kanaa a sii-doɛ̃ siin kɛn lɛn dinin man gàãnaabaa lɛa. Sii-dɔ̃lin man pii mà wàa? Sɛ́wɔ-dɔ̃len man pii mà wàa? Boo doɛ̃ wole dadaran kɛn dɔn man pii mà wàa?

Timəə dí-pɛn 33:27

Lawa mɛn bɛ́ a tan yǎa duduu, a din lɛ n duru n bǎã lɛa, A din lɛ gɔn nə ka li yǎa duduu. Á kaa zɔ́ɔn loo á ǹ bɔ ka nyɛɛnɛ, á pɛ ka nɛ, mà ka ǹ dɛ lenlen.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Kolɔɔsi minin 2:9

Sɛnɛ Krita lɛ sɛ n màn dadaran laanka a goledɛnan kɛn tumaa mìi la. Lawa a Lawabaa din tumaa na á kaa kun, á minbuiin baa asɛ nɛ, á giã a nɛ ka a lɛ-piɛ̃maa nɛ. Kasɛn dɔn kaa-kun ka Krita-n lɛ barka nɛ, ka Lawa a sii tumaa lɛ-piɛ̃ yɛ.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Ebrəə 11:27

Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.