Rɔmu minin 1:18 - LAWA A BOO SONBORE

¹⁸ Sonbore, Lawa nyaa mà asɛ a foo-busii á re gisĩ min tumaa la, a giala, minbuiinin ba Lawa guguru koe wa, ǹ ba pepere wa. Minin tá Lawa a sonbore lɛ doɛ̃, sɛnɛ, maǹ pìi koe lɛ ka ǹ zɛnaa ǹ sii baraan nɛ.

LAWA A BOO SONBORE 2011

¹⁸ Sonbore, Lawa nyaa mà asɛ a foo-busii á re gisĩ min tumaa la, a giala, minbuiinin ba Lawa guguru koe wa, ǹ ba pepere wa. Minin tá Lawa a sonbore lɛ doɛ̃, sɛnɛ, maǹ pìi koe lɛ ka ǹ zɛnaa ǹ sii baraan nɛ.

Rɔmu minin 1:18 ပူးပေါင်းရင်းမြစ်များ

Bɔ bɛ̀rɛbaa nɛ 23:7

Ka baran n too kɔ soɛ boon ganaa wa. Ka baran zɛ̀rɛbaãnaa hinlaa min pepere dɛ a gã wa. A giala, masɛ a sonbore koe bɛa sii kɛ lɛ miã a zɛnaali la wa.

Rɔmu minin 1:19

A giala, minbuiin nɛ á boe la a màn mɛn dɔ̃ Lawa wɔ gɔn la, a tá bɛ siére-a. Lawa dinmaa na á bɛ nyaa nɛ.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Rɔmu minin 2:3

Nsɛ mɛn bɛ́ bɛa siin kɛn zɛnaali zɛ̀rɛ biɛ, n din dɔ nə ǹ zɛnɛɛ, ma n taasɛ mà n tá re n sii Lawa a kiri la?

Rɔmu minin 3:9

Man wusii ma din a da ǹ boo kio ya? Wɔsɛn Zuifun lɛn, wɔ á soɛ tɔrɔ kɔsɔn kɛn man ya? Haayii dɛ! Má pɛ gɔrɔ, máa Zuifun laanka tɔrɔ kɔsɔn kɛn lɛn tumaa n sii baraa pàã giulun.

Rɔmu minin 4:15

Lawa a dí-pɛn lɛn man dɔlɔ diɛ min mìi ni, a giala, dí-pɛn bɛ́ ǹ ba bǎã mɛn nɛ wa, dí-pɛn bɔlɔ-tii dɔ banban.

Rɔmu minin 5:6

Wɔ bɛ́ sii baraa pàã giulun ǹ mɛn waáraa, Lawa din biikoo mɛn bɔ á koa, Krita na á gã bɛ li Lawa a zɔ́ɔn lɛa.

Rɔmu minin 5:9

Krita bɛ́ á lɛ kɔ á gã wɔ a lɛa, Lawa lɛ kɔ wɔ ganaa min peperen lɛa, wɔ́ waa la dɔn, wáa á re wɔ kirisibiɛ biɛ̃ ǹ dɔlɔ kɛ ganaa.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Kolɔɔsi minin 3:6

Bɛa sii kɔkɔrɔn kɛn lɛn lɛa nɛ, Lawa a foo-busii á re gisĩ a bɔlɔ tii wolen la.

Tesaloniki2 2:10

Min mɛnɛn bɛ́ re bɔ̀n biɛ, á re baraabaa zɛnɛɛ a yɔrɔ din tumaa li, a bɛn yiri sã nɛ. Maǹ die bɔ̀n biɛ, a giala, sonbore mɛn bɛ́ ǹ kirisibiɛ, ǹ lɛ kɔ bɛ lɛ ganaa lɛlɛ ǹ nə́ narɛ wa.

Tesaloniki2 2:6

Sɛnɛ, màn mɛn bɛ́ bɛa siin lɛn kurii zɛnaa ganaa kanna, ka dinin tá bɛ doɛ̃. A n miɛ̃, yǎa Lawa a Zɔ́ɔ baraa lɛ a biikoo die a tɔ nə n din nyɛɛ.