Rɔmu minin 1:13 - LAWA A BOO SONBORE

¹³ Dɔɔ̃nɔn lɛn, masɛ n giɛ li ka dɔ̃, má a lɛn zɔɔ̃ gunyin damata, máa man die ka li, màn mɛn bɛ́ toɛ, mà maa dí bǎã kɔ́n yɛ ka bii, ka ma bɛ́ má yɛ tɔrɔ kɔsɔn bii lɔn. Sɛnɛ, ma tɔn boo la ka pelo yii-n wa.

LAWA A BOO SONBORE 2011

¹³ Dɔɔ̃nɔn lɛn, masɛ n giɛ li ka dɔ̃, má a lɛn zɔɔ̃ gunyin damata, máa man die ka li, màn mɛn bɛ́ toɛ, mà maa dí bǎã kɔ́n yɛ ka bii, ka ma bɛ́ má yɛ tɔrɔ kɔsɔn bii lɔn. Sɛnɛ, ma tɔn boo la ka pelo yii-n wa.

Rɔmu minin 1:13 ပူးပေါင်းရင်းမြစ်များ

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Zaã a sɛ́wɔ 12:24

Masɛ n taãn pii ka nɛ, bɛ̀ *belee nàn mɛnaa tii li á gã wa, a n goɛ̃ a dinsɔɔ̃. Sɛnɛ, bɛ̀ á gã, a n nàn gigiã boe.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 4:36

Min mɛn bɛ́ a dí nyɛɛ, bɛ n màn nàn soekɔn biɛ̃ ǹ a lɛa. Á ke a saraa yii gɔrɔ, bɛ n ka nyin nyabaã nɛ. Bɛ lɛ nɛ, màn-dali laanka a yawaali ni, manə n nyɛnyɛɛ kun.

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Nya ǹ dín 14:27

Ǹ bɛ́ ǹ nə́ dɔ Antiɔsi, ǹ nə́ Lawa a sɔmɔ minin lɛ sɔkɔn. Lawa sii mɛn din tumaa zɛnaa ǹ gɔn, ka bɛ dɔ nɛ, a n dɔ ǹ lɛ lɔn tɔrɔ kɔsɔn nə́ lɛ kɔ ǹ nə́ wɔ golee Lawa li ǹ zii kɛ nɛ, ǹ nə́ bɛ laakalaa.

Nya ǹ dín 15:12

Zaman lɛ tumaa golee ka kiĩni, ǹ nə́ n too kɔ Barnabaasi laanka Pooli lon. Lawa kaãbaa ǹ sii dadaran mɛnɛn zɛnaa ǹ gɔn tɔrɔ kɔsɔn gána nɛ, ǹ nə́ bɛn laakalaa.

Nya ǹ dín 19:21

Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»

Nya ǹ dín 21:19

A bɛ́ á fòo da ǹ nɛ á nya, Lawa dí mɛn tumaa nya a gɔn tɔrɔ kɔsɔn bii, Pooli bɛ laakalaa ǹ nɛ ka tɛrɛɛ nɛ.

Nya ǹ dín 28:14

Wɔ́ woo wɔ dɔɔ̃nɔn kɔnɔn yaa walan, bɛn nə́ wɔ nyankɔ mà wɔ piizii goon zɛnaa ǹsɛn li. Wɔ n wɔ́ woo Rɔmu kiwi bɛa yɔrɔ kɛ lɛ la.

Rɔmu minin 1:12

Haayii, man die ka li, golee Lawa li goon mɛn bɛ́ wɔ lon, wɔ pàã yɛ kun ka bɛ barka nɛ, kaa wɔ ma foo taã, ma dɔ wɔ ka dɔn foo taã.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 7:1

Ma dɔɔ̃nɔn lɛn, ma bɛ́ re màn mɛn diɛ, ma á doɛ̃ máa ka á re bɛ giala miɛ, a giala, man giɛ ka ganaa Lawa a dí-pɛn dɔ̃lin lɛa. Ka á doɛ̃ mà dí-pɛn man min mìi ni, a yiikoonaabaa dinsɔɔ̃ gɔ́ɔ̃ nɛ.

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Korɛnti1 10:1

Ma dɔɔ̃nɔn lɛn, wɔ digolon nə́ goã tɔ we kun ka Muizu ni. Sii mɛn nə n zɛnaa ǹ nɛ, ma ba li ka yii goã ti bɛ gɔ́ɔ̃-n wa. Labara goã kuə̃ ne ǹ tumaa la, ǹ nə́ yìsi mu gole dɔ kuru ka ǹ gòã-n kun.

Korɛnti1 12:1

Yiri Fu a bǐɛ̃baa ǹ mànan wɔ paǹ li, ma dɔɔ̃nɔn lɛn, ma ba li máa ka yii goã tì ǹ sii gɔ́ɔ̃-n wa.

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Korɛnti1 9:2

Ta ma a dia dí-a wole lɛa min kɔsɔn yii li wa, ma tá a lɛa kasɛn kɔ́n yii li; a giala, kaa tá kun ka Dɛnaa-n lɛ, a n masɛ a dia dí-a wolebaa nyɛɛ.

Korɛnti2 1:8

Ma dɔɔ̃nɔn lɛn, taãn nɛ, man giɛ li, máa ma fuu mɛn yɛ Azii gána nɛ, máa ka bɛ dɔ̃. Fuu lɛ la ma yii ni, á kiɛ̃ ma pàã yii la, ka ma daa ma pɛ, máa man die giɛ̃.

Korɛnti2 2:14

Barka tá Lawa ganaa! A giala, a din nə wɔ kiɛ kun ka Krita a gɔ̀lɔ̀-baalin ni, wɔa tá kun ka Krita-n kɛ pàã ganaa. A n dí nyɛɛ ka wɔ nɛ, ń giɛ ǹ tá Krita doɛ̃ bǎã tumaa nɛ, ń giɛ dɔn Krita boo gìĩ kɔɔ̃n kɛ dɔ kaa bǎã tumaa nɛ.

Galaasi minin 3:15

Ma dɔɔ̃nɔn lɛn, ka daa wɔ ga minbuiinin sii-zɛnaa goon ganaa. Bɛ̀ minin man nə́ lɛ-kɔ kɔn la wɔ, ǹ nə́ zɛnaa a yɔrɔ li, min kɔ́n ba ziziɛ̃ wa, min dɔ a màn diɛ li wa.

Galaasi minin 6:18

Ma dɔɔ̃nɔn lɛn, wɔa Dɛnaa Yezu Krita a bǐɛ̃ die a goã ka li. A n baa miɛ̃.

Filipi minin 1:22

Sɛnɛ, bɛ̀ maa tá kanaa dɔ n toɛ ma dí sonbore nya, ma bɛ́ ǹ mɛn boe kəni, ma a bɛ doɛ̃ doo wa.

Filipi minin 4:17

Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Kolɔɔsi minin 1:6

Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

Tesaloniki1 2:18

A na á goã wɔ gɔ́ɔ̃ nɛ, wáa wɔ wusoo wɔ da bɔ ka li. Ma dinmaa Pooli ná a lɛn zɔɔ̃ gunyin gigiã, sɛnɛ, *Sɛtaan wɔ kurəə a ganaa.

Tesaloniki1 4:13

Dɔɔ̃nɔn lɛn, min mɛnɛn bɛ́ ǹ nə́ gã, wɔ ba li wɔ ka yii toa tì bɛn sii gɔ́ɔ̃-n wa. A giala, wɔ ba li ka goã yɔrɔ-kɔsiɛ gɔ́ɔ̃ nɛ, ka min gialakunun mɛnɛn bɛ́, foo-doa ǹ bǎã ná a ba ǹ lon wa.

Tesaloniki2 2:7

A tá a piã ǹ dí lɛ gialaa nyɛɛ ka durii-n gɔrɔ. Sɛnɛ, màn mɛn lɛ bɛ́ kurii, yǎa bɛ nə n boe bii-a, siin lɛn nə tɔn nə n zɛnɛɛ.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!