Piɛrɛ1 4:18 - LAWA A BOO SONBORE

¹⁸ Lawa a boo n pii: «Lawa bɛ́ lɛ koe min mɛn din ganaa min pepere lɛa, bɛ̀ bɛa kirisibaa kɔɔ̃-a-pɛsiɛ̃ sii baa, sii baraa-zɛnaali piã ka Lawa-n wole ke, bɛ wɔ n die n biɛ lɔn kəni?»

LAWA A BOO SONBORE 2011

¹⁸ Lawa a boo n pii: «Lawa bɛ́ lɛ koe min mɛn din ganaa min pepere lɛa, bɛ̀ bɛa kirisibaa kɔɔ̃-a-pɛsiɛ̃ sii baa, sii baraa-zɛnaali piã ka Lawa-n wole ke, bɛ wɔ n die n biɛ lɔn kəni?»

Piɛrɛ1 4:18 ပူးပေါင်းရင်းမြစ်များ

Siin Giala 13:13

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

Suusun 11:31

Min mɛnɛn bɛ́ sii sonbore zɛnɛɛ, maǹ a saraa yii. Min bɔnɛɛn laanka sii baraa-zɛnaalin dɔn nə kɔn bɔ ka màn mɛn nɛ, ǹ tá re bɛ yii.

Zeremii 25:29

Á ke, man dɔlɔ boe kiwi kɛ ganaa má bɔ má koa maa wɔ lɛa. Man die kasɛn toɛ walan dɔlɔ baã? Haayii! Ka a re goɛ̃ dɔlɔ baã wa. Man yui zia-n ka ganaa, masɛ Dɛnaa Lawa Pàãyiidɛnaa a da ǹ boo ne.

Ezekieli 18:24

Sɛnɛ, bɛ̀ min pepere ná a peperebaa toa walan, a n kɔkɔrɔbaa ǹ sii zɛnɛɛ, a n sii bɔbɔnɛɛ zɛnɛɛ ka min baraan kɛn bɛ́ zɛnɛɛ lɔn, bɛa dɛnaa lɛ yii á boe la a goã koo sonbore? Haayii dɛ! A sii sonbore mɛn tumaa zɛnaa, bɛ kɔn a taasiɛ ba re die min yiri-n wa. A n die giɛ̃, a giala, á bɔlɔ tii sii zɛnaa, á sii baraa zɛnaa.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Luku 15:1

Wusuru-sili gigiã goã n mɔrɛ Yezu ganaa, ǹ nə́ n too koe a lon, ka min kɔsɔn dɔn nɛ, ǹ tɔ baraa n minin lɛ-n.

Luku 23:31

Bɛ̀ n yaa da buruu din nə́ kuĩ, da gere wɔ tɔn nə baa lɔn?

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Nya ǹ dín 27:24

Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

Nya ǹ dín 27:31

Pooli pɛ sɔraasin laanka ǹ mìilandɛnaa lɛ nɛ: «Bɛ̀ minin kɛn nə giã goo lɛ gɔ́ɔ̃-n wa, ka ba boe la ka la wa.»

Rɔmu minin 1:18

Sonbore, Lawa nyaa mà asɛ a foo-busii á re gisĩ min tumaa la, a giala, minbuiinin ba Lawa guguru koe wa, ǹ ba pepere wa. Minin tá Lawa a sonbore lɛ doɛ̃, sɛnɛ, maǹ pìi koe lɛ ka ǹ zɛnaa ǹ sii baraan nɛ.

Rɔmu minin 5:6

Wɔ bɛ́ sii baraa pàã giulun ǹ mɛn waáraa, Lawa din biikoo mɛn bɔ á koa, Krita na á gã bɛ li Lawa a zɔ́ɔn lɛa.

Rɔmu minin 5:8

Sɛnɛ, Krita sɛ na á gã wɔsɛn lɛa, bɛ̀ wɔ bɛ́ tɔn Lawa a zɔ́ɔn lɛa. Lawa na á bɛ zɛnaa, á nyaa wɔ nɛ, mà asɛ á wɔ narɛ á la yii ni.

Korɛnti1 10:12

Bɛa yɔrɔ kɛ lɛ la kəni, min mɛn bɛ́ taasɛ mà asɛ n golee-n lon, bɛ nə n doa a nyan toa a bɔ a mɛnaa wa.

Timote1 1:9

Sɛnɛ, wɔ ǹ siĩni wɔ kɛ giala ma. Landa bie á n koa sii sonbore-zɛnaalin taman yii wa. A na á n koa landa tamaabaã wolen taman yii ka piã-wɔlen ne, Lawa bɔlɔ tii wolen ne, sii baraa-zɛnaalin ni, yii wɔ Lawa la wolen laanka zín bɔ Lawa-n wolen ne, ka díi laanka náa-dɛlen ne, ka gɛ̀-dɛlen tumaa nɛ.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Zaaki 5:6

Min mɛnɛn bɛ́ ǹ sii la wa, ka dɔlɔ da bɛn mìi ni, ka ǹ dɛ ǹ nə́ gã, ǹ zia dɔ baa ka ganaa wa.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Zude 1:15

màn mɛn bɛ́ toɛ, a kiri kuru min tumaa la. Á die dɔlɔ diɛ piã-wɔlen mìi ni, ǹ gɔ́ɔ̃ tii Lawa ganaa siin kɛn lɛa, ka ǹ boo bɔnɛɛn kɛn tumaa nɛ, ǹ nə́ ǹ da Lawa gana.»

Samayeli1 15:18

Dɛnaa Lawa bɛ́ n diɛ woe, a na á pɛ n nɛ: «Woo, n zia da bɛa Amalɛki tɔrɔ sii baraa-zɛnaalin kɛn ganaa, yǎa n nə ǹ tumaa dii lenlen ǹ nyɛɛ.»