Filemɔn 1:9 - LAWA A BOO SONBORE

⁹ Sɛnɛ, ma a re zɛnɛɛ miɛ̃ wa, màn mɛn bɛ́ soɛ, man die n nyankoe ka sii goon ne, wɔ bii gɔ́ɔ̃ ǹ kɔn-narɛɛ kɛ a lɛa. Masɛ Pooli nə n nyankoe, masɛ mɛn bɛ́ giĩ gole lɛa, ka bɛ dɔ nɛ, man kòso-n sisia Yezu Krita a lɛa,

LAWA A BOO SONBORE 2011

⁹ Sɛnɛ, ma a re zɛnɛɛ miɛ̃ wa, màn mɛn bɛ́ soɛ, man die n nyankoe ka sii goon ne, wɔ bii gɔ́ɔ̃ ǹ kɔn-narɛɛ kɛ a lɛa. Masɛ Pooli nə n nyankoe, masɛ mɛn bɛ́ giĩ gole lɛa, ka bɛ dɔ nɛ, man kòso-n sisia Yezu Krita a lɛa,

Filemɔn 1:9 ပူးပေါင်းရင်းမြစ်များ

Loen 71:18

Lawa! A laanɛ má zizi kɔ kanna, ma mìi ka fulu, n baran n gɔn bɔ ma ganaa wa. N dɔ ma lɛ, ń giɛ ma tá n din a boo sii la laakalɛɛ sisia minin kɛn manɛ, ma n din a Pàãyiidɛnaabaa kɛ pɛ ǹ kiodɛnan tumaa nɛ.

Loen 71:9

Kanna má zizi kɔ, n baran ma daa wa. Ma pàã bɛ́ nyɛɛ, n baran n gɔn bɔ ma ganaa wa.

Suusun 16:31

Nyin sasa n saraa sonbore lɛa, min mɛnɛn bɛ́ sii sonbore zɛnɛɛ, bɛn man yii.

Izayii 46:4

Man miɛ̃ yǎa kaa zizi kɔ waáraa. Man ka guĩ miɛ̃ yǎa ka mìi ka fúli. Má din nə má zɛnaa lɛlɛ, ma din nə die ka guĩ doo. Ma á re ka gɔ̀nɔn kuĩ, ma ka kirisibaa.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Korɛnti2 5:20

Man boo kɛ diɛ ka nɛ Krita bǎã nɛ, ka n pɛ mà Lawa dinmaa lɛ lɛ n boe ka bíi ka masɛ lɛ nɛ: Man ka gòã kuĩ ka Krita tɔ nɛ, ka lɛ kɔ ka n dinin kaa kun ka Lawa nɛ.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Efɛɛzi minin 3:1

Bɛ lɛ taman yii, masɛ Pooli n Lawa nyankoe ka a lɛa. Masɛ n kòso-n Yezu *Krita taman yii, maa dí nya kasɛn tɔrɔ kɔsɔn nɛ kɛ a lɛa.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 6:20

Man Boo Tii Kɔɔ̃n kɛ lɛ a sii yɔrɔ-bɔle lɛa, a laanɛ ma á kòso-n sisia. Ka Lawa nyankɔ mà ma boo la, ma a boo da ka foo tãbaa nɛ, ka ma bɛ́ kɔnboe ma zɛnaa lɔn.

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Tiitii 2:2

A pɛ giĩ zizin manɛ, mà ǹ toa ǹ boo ǹ dinin la, ǹ gugurubaa yɛ, ǹ nə́ mìiwedɛnan lɛa. Ǹ toa ǹ goã piɛ̃-n ka goleemali sonbore ne, ka minin-narɛɛ nɛ, ka foo-kũ ni.

Ebrəə 13:19

Man ka nyankoe ka ma foo din tumaa nɛ, máa ka bɛ zɛnaa, màn mɛn bɛ́ toɛ, Lawa ma dia ka li fufuu.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Sii yɔrɔ-bɔlen 21:22

Bɛ̀ ǹ díin hinlaa ǹ dɔɔ̃nɔn nə́ daa bɛa zia da wɔ ganaa, wɔ á re pii ǹ ni kɛnɛn: «Ka bǐɛ̃ kɔ ka ǹ toa ǹ gɔn, a giala, wɔsɛn nə boo la, wɔ́ lɔ saa wɔ gogoonmaa wɔ lɛa, zia lɛ a biikoo li wa. Ka bɛ dɔ nɛ, ka dininmaan dɔn bɛ́ ka a boe la, ka kaa nɛlɔn kɔ Bɛnzamɛn tɔrɔn lɛn la lɔn lɛa wa. Bɛ̀ ka bɛ zɛnaa, ka dinin zɛ̀rɛ nɛ.»