Filemɔn 1:14 - LAWA A BOO SONBORE

¹⁴ Sɛnɛ, ma a giɛ li ma sii kɔ́n zɛnaa a wɔ gɔn la, bɛ̀ n nə́ n lɛ kɔ wa. Maa taasiɛ n ka kɛ nɛ, bɛa bǐɛ̃ kɛ lɛ, man giɛ li n zɛnaa ma nɛ, a baran pàã sii baa wa, sɛnɛ, a bɔ n din foo ganaa.

LAWA A BOO SONBORE 2011

¹⁴ Sɛnɛ, ma a giɛ li ma sii kɔ́n zɛnaa a wɔ gɔn la, bɛ̀ n nə́ n lɛ kɔ wa. Maa taasiɛ n ka kɛ nɛ, bɛa bǐɛ̃ kɛ lɛ, man giɛ li n zɛnaa ma nɛ, a baran pàã sii baa wa, sɛnɛ, a bɔ n din foo ganaa.

Filemɔn 1:14 ပူးပေါင်းရင်းမြစ်များ

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Korɛnti1 9:17

Bɛ̀ ma din nə má bɔ maa nya ǹ dí lɛa, bɛ̀ ma tá n yii diɛ saraa la. Sɛnɛ, a na á n kɔ ma la, Lawa na á da ma mìi-n dí lɛa, mà ma nya.

Korɛnti1 9:7

Die n kun ka sɔraasin ni zia-baali lɛa, a ná a din dɔ a màn-bii boe? Die n dù gɔrɔ dí nyɛɛ, a ná a ba a da nɛ bii wa? Hinlaa, die n tɔɔn lɛduĩ, a ná a ba tɔɔn lɛn nyɔ mii wa?

Korɛnti2 1:24

Goleemali wɔ paǹ li, wɔ ba li wáa wɔ sii kɔ́n da ka mìi-n wa. A giala, mà ka gòã doa parsiini goleemali gɔ́ɔ̃ nɛ. Sɛnɛ, wɔ ǹ taasɛ wáa wɔ dí nya kun ka nɛ kaa yii-nyɛɛ a lɛa.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Korɛnti2 9:5

Má ga a ganaa, máa a n siĩni, ma wɔ dɔɔ̃nɔn kɛn nyankɔ, ma ǹ dia ma nyɛɛnɛ, ka lɛ kɔ ka bǐɛ̃baa ǹ sii mɛn nɛ, ǹ da bɛ yɔrɔ bɔ. Bɛ̀ á n baa miɛ̃, ma á re die yiɛ bɛ̀ ká n yɔrɔ bɔ ká nya, bɛ tɔn nyaa, mà ka ǹ ká kɔ ka foo kɔɔ̃n nɛ, pàã ná a yɛ a-n wa.

Korɛnti2 9:7

Didie tumaa lɛ kɔ lɔn, a màn kɔ a kɔnpɛ bɛ nɛ. A kɔ bɔ a din ni, a nyan pàã baa wa. A giala, bɛ̀ min màn kɔ ka foo kɔɔ̃n nɛ, Lawa n bɛa dɛnaa narɛ.