Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ozee 9:17 - LAWA A BOO SONBORE

17 Maa Lawa á re n piɛ̃ ka Efrayimu minin kɛn nɛ, a giala, ǹ nə n too kɔ a lon wa. Ǹ tá re n binbirin boe tɔrɔ kɔsɔn bii.

အခန်းကိုကြည့်ပါ။ ကော်ပီ

LAWA A BOO SONBORE 2011

17 Maa Lawa á re n piɛ̃ ka Efrayimu minin kɛn nɛ, a giala, ǹ nə n too kɔ a lon wa. Ǹ tá re n binbirin boe tɔrɔ kɔsɔn bii.

အခန်းကိုကြည့်ပါ။ ကော်ပီ




Ozee 9:17
34 ပူးပေါင်းရင်းမြစ်များ  

Misee ná a lɛ si: «Dɛnaa Lawa Yiikoonaa tɔ lɛ taman yii, Lawa bɛ́ re boo mɛn pii ma nɛ, man die bɛ lɛ dinsɔɔ̃ pii.»


Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.


«Ee maa Lawa, ma sii mɛn tumaa zɛnaa zaman kɛ nɛ, n yiri kɔ ma li, n bǐɛ̃ zɛnaa ma nɛ bɛ taman yii.»


Min mɛnɛn bɛ́ soɛ kɛ diɛ masɛ la, bɛn nə́ mɔnaa. Nyɛ́ɛ n ma ganaa paǹ yii li. Ǹ nə́ kɔn yɛ maa sii-a, maǹ giɛ li ǹ ma nyin bɔ.


Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.


Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,


Izayii tɔ́n pɛ kəni: «Davida tɔrɔn lɛn, ka bǐɛ̃ kɔ ka n too kɔ! Ka n kaa zaman nɔmɛɛ, bɛa doe ka yii li wa ka n zoɛ̃ li ka maa Lawa dɔ nɔmaa?


Maǹ bɛa minin kɛn lɛn bíi: "wɔrɔ bɔbɔnɛɛ". A giala, maǹ màn bɔbɔnɛɛ lɛa Dɛnaa Lawa yɔrɔ-a.


Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.


Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.


Ǹ tá re màn-bii, sɛnɛ ǹ ba re kiɛ̃ wa. Ǹ tá re kɔrɔbaa zɛnɛɛ, sɛnɛ, ǹ ba re nɛ yii wa. A giala, ǹ nə́ Dɛnaa Lawa guguru kɔ toa walan.


Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.


Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!


Á tɔ́n nɔ́n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Ma yii n da nɛ mərə ganaa, kaka piɛ̃.» Dɛnaa Lawa tɔ́n pɛ ma-n kɛnɛn: – Maa zaman, Izirayeli minin lɛn goa biikoo dɔ, ka da nɛ mərə kɛ wɔ bɛ́ lɔn ma a re ǹ toɛ walan doo wa.


Sonbore, á ke: «Man die bìn diɛ Izirayeli tɔrɔn kɛn ganaa tɔrɔ kɔsɔn bii, ka ǹ bɛ́ màn zazaaboe ka tɛ̀mɛ-n lɔn, kɔlɔ boɛɛn kɔn din ba re soe a mɛnaa tán wa.


Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.


Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.


Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»


Toomaa tɔ́n pɛ nɛ: «Maa Dɛnaa! Maa Lawa!»


A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?


Min woo min ba re n too koe bɛa Lawa a boo gii-dali kɛ lɛ lon wa, bɛ á re n boe a n bɔ zaman lɛ bii.»


A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.


Bɛ̀ ká giã gána lɛ nɛ á belebɔ, yǎa ka nɛnyaanan laanka nɔ̀ɔnɔn yɛ, ka nyan màn nyín zɛnaa ka ka dinin ziziɛ̃-n wa, haalɛ ta màn mɛn din nyín ni. Sii mɛn bɛ́ baraa kaa Lawa, Dɛnaa Lawa yii li, ka nyan bɛ zɛnaa, ka a foo yoo-n wa.


Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.


Maa Lawa á re giɛ ka laadoo tumaa walan sɔnbɔraanɛ, a kɔnpɛ ka a din a pàãmabaa gole kɛ nɛ, Yezu Krita wɔ gɔ́ɔ̃ nɛ.


Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ