Ozee 9:13 - LAWA A BOO SONBORE

¹³ Ma yii n Efrayimu minin ganaa, ka Tiiri bɛ́ lɔn nyankɔrɔ sonbore ne. Sɛnɛ ǹ doamaa nɛ ǹ wo ǹ nɛnyaanan kɔ bɔlɔ-kuruli la.

LAWA A BOO SONBORE 2011

¹³ Ma yii n Efrayimu minin ganaa, ka Tiiri bɛ́ lɔn nyankɔrɔ sonbore ne. Sɛnɛ ǹ doamaa nɛ ǹ wo ǹ nɛnyaanan kɔ bɔlɔ-kuruli la.

Ozee 9:13 ပူးပေါင်းရင်းမြစ်များ

Kiin2 15:16

Menaahɛmu a pàã saa lɛ kio ne, á tɔ́n zia da Tifusaa kiwi ganaa. Min mɛnɛn tumaa goã kiwi lɛ nɛ, á ǹ tumaa dɛ. Á bɔ̀n da lɛkoro lɛ-a bǎãn ganaa, a kũ Tirsaa ganaa a woo. A na á zɛnaa miɛ̃ a giala, maǹ nə́ n piã mà ǹ ba kiwi lɛ a wɔ ǹ kiɛnlɛn buĩ wa. Lɔ mɛn yii tumaa goã nɔ̀nɔ-a lɛa, á bɛ yii nɔ̀ wɔsɔ.

Zɔbu 27:14

Bɛ̀ a nɛnyaanan nə́ mɔnaa, maǹ die gɔya gɛ̀ we. A tɔrɔn ba re màn-bii yii ǹ kã wa.

Zeremii 7:15

Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.

Zeremii 9:21

Nsɛ Zeremii, boo da: Dɛnaa Lawa a da ǹ boo á ke: «Geren man tán ka tɔɔn bù bɛ́ lɔn wuru-n. Ǹ kɔnboe n ka wii mɛn bɛ́ ǹ nə́ kuru ǹ nə́ n la bɔ a ganaa kio min kɔn ná a goɛ wa.»

Busii pɛ 2:22

Ka zɔ́n pinaa bɛ́ lɔn, ń ma miãkɛn babaraan kɛn bíi wɔ. N foo-yoo baraa kɛa pinaa Dɛnaa Lawa, min kɔn nə n bɔ-a n wa. Min kɔn yii goã koo wa. Ma goã má min mɛnɛn too má ǹ gɔ̀nɔn kũ, maa zɔ́ɔ lɛ bɛn tumaa bɔ̀n baa.

Ezekieli 27:3

Kɛ pɛ Tiiri kiwi lɛ nɛ, nsɛ mɛn bɛ́ yìsi mu lɛkoro lɛ-a, pii koe kun ka tɔrɔ kɔsɔn nɛ. Masɛ Dɛnaa Lawa n kɛ pii n ni: Nsɛ Tiiri kiwi, táa ma nə́ n pɛ mà nsɛ siĩn kɔ á la yii ni.

Ozee 10:14

Bɛ lɛ nɛ, bɔlɔ lɔlɔkɔn gole á re yui n zaman lɛ bii, ǹ tá re kaa duru ǹ bǎã kakan kɛn tumaa ziziɛ̃ ka Bɛti-Arbeli á ke Salaman ziziɛ̃ zia pinaa lɔn, bɛ̀ ǹ bɛ́ ǹ nə́ náa yɔyɔrɛ kɔnlɛ ka a nɛnyaanan nɛ.

Ozee 13:8

Ma á re ka kuĩ ka gòon màn babaraa nɛn dan bɛ́ lɔn ǹ ná a nɛ si la, ma á re ka tìãbii toɛ̃ kɔn. Man die ka soɛ̃ ka yàra nɛn dan bɛ́ lɔn, don mànan tá re ka geren wɔ̃woɛ̃ kɔn.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 9:16

Gɔn nə́ Efrayimu minin lɛn kũ. Ka da bɛ́ lɔn, ǹ gòonən nə́ laa. Haalɛ nɛ goon din, ǹ ba re koe doo wa. Ta ǹ gɔ́ɔ̃gɔ́ɔ̃ ǹ nɛnyaanan mɛnɛn nə́ yɛ, ǹ sii n kaka ǹ gɔn, ma á re bɛn dii ma ǹ bɔ kanaa.

Amɔɔsi 7:17

Bɛ lɛ na á toa Dɛnaa Lawa á kɛ pii: N lɔ á re kɔrɔbaa zɛnɛɛ kiwi lɛ gɔ́ɔ̃ nɛ, ǹ tá re n nɛgiĩn laanka n nɛlɔn dii zia la, ǹ tá re n tán zoɛ̃ ka biɛ nɛ, ǹ gii min kɔsɔn bii. N dinmaa kɛ á re giɛ̃ Lawa doɛ̃baã wolen gána nɛ. Ǹ tá re Izirayeli minin kɛn goɛ ǹ wo ǹ ne bɛ̀rɛbaa ǹ bǎã nɛ, ǹ wɔlɔ á re lui ǹ gána kɛ ganaa.»