Ozee 7:11 - LAWA A BOO SONBORE

¹¹ Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

LAWA A BOO SONBORE 2011

¹¹ Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

Ozee 7:11 ပူးပေါင်းရင်းမြစ်များ

Kiin2 15:19

Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

Kiin2 16:7

Ahaazi minin dia woe pii Asiirii gána a kii Tiglati-Falasaara-n kɛnɛn: «Masɛ nə n dí-nyali lɛa, ma nə n nɛ lɛa. Siirii gána a kii laanka Izirayeli gána kii ke, ǹ nə́ yoo masɛ gialaa, da ma si ǹ la.»

Suusun 15:32

Min mɛn bɛ́ n piɛ̃ ka gɔn waa ma-n nɛ, a nə n din puusə koe. Sɛnɛ, min mɛn bɛ́ lɛ koe doroon ganaa, bɛa dɛnaa n sii-dɔ̃li biɛ.

Suusun 17:16

Wɔrɔ n wàa bǐɛ̃ koe baãnaa gɔn? A yiri woorobaa yɛ nɛ? Bɛ boo bie wa. Á gaãnaa lɛa bɛ ganaa.

Suusun 6:32

Sɛnɛ giĩ mɛn bɛ́ naarɛbaa zɛnɛɛ kun ka lɔ mɛn bɛ́ zuũ li, yiriwɛɛnaa nɛ. A na a din a yiikoonaabaa ziziɛ̃.

Zeremii 2:18

Sisia kəni, n wo Ezipti là n ka wàa nɛ, N wo Niili tà mi? Ma nə́ n woo Asiirii là n wàa nɛ, Ma nə́ n woo Efrati tà mi?

Zeremii 2:36

A n siɛ lɔn n tá ziin lon koe n mìi gialaa? Sɛnɛ, Ezipti dɔ n die n foo ziziɛ̃ ka Asiirii bɛ́ lɔn lɛlɛ.

Ozee 11:11

Ǹ tá re n toɛ Ezipti gána nɛ ǹ da ka baa nɛ, ǹ gɔ̀nɔn nə́ bìn diɛ ka bàanan bɛ́ lɔn, ǹ bɔ Asiirii gána nɛ ka kion bàanan bɛ́ lɔn. Ma á re ǹ kiɛ ǹ kionən ne. Dɛnaa Lawa a da ǹ boo ne.

Ozee 12:1

Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

Ozee 12:2

Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 4:11

Kɔrɔbaa laanka yɔ mi a la yii-n nə́ ǹ kũ á ǹ baa gàãnaan lɛa.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.

Ozee 5:4

Ǹ zɛnaa ǹ sii lɛ din ba toɛ ǹ yii wɔ ǹ wusoo ǹ da ǹ Lawa li wa. A giala, kɔrɔbaa ǹ taasiɛ lɛ tá ǹ yiri ni. Ǹ ba masɛ Dɛnaa Lawa doɛ̃ wa.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.

Abdiasi 1:7

Ka bɛ dɔ nɛ, ka n doa kɔn ka min mɛnɛn lɛn nɛ, ǹ nə́ ke ǹ nə́ ka loo, ǹ nə́ ka bɔ kaa bǎã nɛ. Ka kɔn wɔ ma ka min mɛnɛn lɛn nɛ, ǹ nə́ ke ǹ nə́ ka bebele, ǹ gɔn dɔ ka-a. Ǹ nə́ goã kaa màn bii kun ka nɛ, bɛ̀ ǹ nə́ pii: «Yiri goon din ba Edɔmu minin kɛn lon wa.»

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.