Ozee 5:7 - LAWA A BOO SONBORE

⁷ A giala, ǹ nə́ Dɛnaa Lawa bebele, ǹ nə́ kikio nɛn yɛ. Sisia kəni, kànaa laanka mui goon, ǹ gána lɛ á re yui.

LAWA A BOO SONBORE 2011

⁷ A giala, ǹ nə́ Dɛnaa Lawa bebele, ǹ nə́ kikio nɛn yɛ. Sisia kəni, kànaa laanka mui goon, ǹ gána lɛ á re yui.

Ozee 5:7 ပူးပေါင်းရင်းမြစ်များ

Loen 144:11

ń nə́ n bɛ̀rɛgiĩ kirisibaa, gɔya sa gɛ̀-dɛli kɛ ganaa. Ma kirisibaa, n ma si tɔrɔ kɔsɔ minin kɛn la. Ǹ bɛ́ boo mɛn diɛ, soɛ nɛ. Maǹ nə n liɛ ǹ gusin nə́ Lawa la, sɛnɛ, ǹ ba koe ǹ da ǹ boo lɛ wa.

Loen 144:7

N toa lon, n nə n gɔn dia, n ma kirisibaa. Ma si koe kɛ la, die ma bii ka mu gole bɛ́ lɔn, ma si tɔrɔ kɔsɔ minin kɛn la.

Izayii 1:14

Kaa mui dii zɔ́nɔn kɛn tìĩ bɔ ma nyin ni, ka kaa zɔ́n dadaraan kɛn nɛ. Maǹ guguru ma ganaa, má ǹ si ma ganaa ma nɔmaa ǹ nɛ.

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Zeremii 3:20

Sɛnɛ, ka lɔ bɔlɔgoonbaãdɛnaa bɛ́ lɔn, ká bɔlɔgoonbaãdɛnan baa ma ganaa Izirayeli minin lɛn. Masɛ Dɛnaa Lawa a da ǹ boo ne.

Zeremii 5:11

Zudaa minin nə́ ma yiri sã, Izirayeli minin nə ma yiri sã taãn-taãnɛ. Dɛnaa Lawa a da ǹ boo ne.

Ezekieli 12:28

Bɛ lɛ taman yii, a pɛ ǹ nɛ mà masɛ Dɛnaa Lawa n kɛ pii: Ma a da ǹ boon kɛn kɔn a sii ba re n lɔloɛ doo wa. Ma bɛ́ màn mɛn pii, bɛ lɛ n die n zɛnɛɛ. Ma din Dɛnaa Lawa a da ǹ boo ne.»

Ozee 2:11

Bɛ lɛ na á toa, ma á re maa belee kuĩ ma si la, a kurii biikoo li, ma á re maa rezɛ̃ kuĩ ma si la, a ma biikoo li. Sère ka mɔnaa laanka gɛ̀sɛ sonbore mɔnaa ke, ǹ mɛnɛn lɛn bɛ́ a sìi duri, ma á re bɛn wɛɛ, ma ǹ bɔ a ganaa.

Ozee 2:4

Ka kiri wɔ kaa náa lɛ ganaa, ka kiri wɔ a ganaa taãn-taãnɛ. A giala, a ba maa wɔ lɛa doo wa, ma dɔ ba a dɔ wɔ lɛa doo wa. A kɔrɔbaa ǹ nyaǹan kɛn a yɔrɔ nɛ, yǎa a bɛn tuturi. A naarɛbaa ǹ mànan kɛn a bɔlɔ-a, yǎa a bɛn wɛɛ.

Ozee 6:7

Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

Ozee 7:13

Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Zakarii 11:8

Bɛ kio, ma boo la má n foo kũ sèren-lɛduə̃lin lɛn li wa. Ma dɔ nə́ ǹ dɔn gɔ̀nɔn bɔ. Mui goon gɔ́ɔ̃ nɛ, má sère-lɛduə̃li sɔɔ toa walan.