Ozee 2:2 - LAWA A BOO SONBORE

² Zudaa minin laanka Izirayeli minin ni, bɛn tá re wusii ǹ kaa kun. Ǹ tá re kiã goon toto boe, ǹ koa ǹ dinin mìi la, Gána lɛ á re kiɛɛrɛ koe ǹ ganaa. A giala, sii lɛ bɛ́ re n zɛnɛɛ Zizereyɛli ǹ mɛn pinaa, lɛawaa gole ne.

LAWA A BOO SONBORE 2011

² Zudaa minin laanka Izirayeli minin ni, bɛn tá re wusii ǹ kaa kun. Ǹ tá re kiã goon toto boe, ǹ koa ǹ dinin mìi la, Gána lɛ á re kiɛɛrɛ koe ǹ ganaa. A giala, sii lɛ bɛ́ re n zɛnɛɛ Zizereyɛli ǹ mɛn pinaa, lɛawaa gole ne.

Ozee 2:2 ပူးပေါင်းရင်းမြစ်များ

Izayii 11:12

Dɛnaa Lawa n die zanzan zumi, a n gɔn waa bɛa gánan kɛn lɛn manɛ, mà asɛ á re Izirayeli a wo bɛ̀rɛbaa ǹ bǎã-n wolen soekɔn, Zudaa gána minin mɛnɛn tumaa bɛ́ pɛsiɛ̃ nɛ kanaa paǹ tumaa ganaa, a bɛn sɔkɔn.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Zeremii 19:3

A pɛ kɛnɛn: «Zudaan kii laanka Zeruzalɛmu minin, ka n too kɔ Dɛnaa Lawa a boon li. Dɛnaa Lawa Pàãyiidɛnaa, Izirayeli a Lawa a boo á ke: Man die koe gole boe bǎã kɛ ganaa. Min mɛnɛn bɛ́ re a boo miɛ, nyɛ́ɛ gole á re bɛn kuĩ.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 3:18

Bɛ lɛ nɛ, Zudaa minin lɛn, ka á re n kiɛ kun ka Izirayeli minin ni. Ka á re boe gɔsɛ a lɛ̀gɔn la gána kɛ nɛ kun, ka wo gána kɛ nɛ ma kɔ ka digolon la, máa ǹ baa ǹ wɔ lɛa.

Ezekieli 16:20

Zeruzalɛmu, n nɛgiĩn laanka n nɛlɔn nɛ, n nə ǹ mɛnɛn lɛn yɛ masɛ wɔn lɛa, ń wusoo ń wúlu bɔ ka bɛn nɛ, bɛa dìn lɛn ganaa. N bɛ kɔrɔbaa mɛn zɛnɛɛ, bɛ na a goã n boe wa?

Ezekieli 16:25

Ń *wúlu bɔ ǹ bǎã dɔ zii tumaa a giala kɔ ǹ bǎã nɛ. N nə́ n din a siĩnbaa kɛ ziziɛ̃ walan. Ma n nə́ n din kɔ kiɛ̃ wolen tumaa la, ń wusoo ń màn da n din a kɔrɔbaa li.

Ezekieli 20:4

Minbuiin a nɛ, n doamaa bie n kɛn toa walan wa. Ǹ zɛ̀rɛ baa. Ǹ digolon nə sii bɔbɔnɛɛn mɛnɛn zɛnaa, bɛn pɛ ǹ nɛ.

Ezekieli 23:43

Bɛ lɛ nɛ, ma tɔ́n kɛ pɛ ma din gɔ́ɔ̃ nɛ: «Ǹ mɛn dɔ din bɛ́ á ziziɛ̃ naarɛbaa lɛ gɔ́ɔ̃ nɛ, a n tɔn wusii n din koe kɔrɔbaa dɔ la.»

Ezekieli 23:45

Sɛnɛ, giĩn mɛnɛn bɛ́ pepere, bɛn tá re kiri we ǹ ganaa. Lɔn mɛnɛn bɛ́ kɔrɔbaa zɛnɛɛ ǹ nə́ gɛ̀ dii, ǹ tá re bɛn dɔlɔ kɛ tɔrɔ diɛ ǹ mìi ni. A giala, lɔ naarɛn manɛ, gɛ̀-dɛlen dɔn manɛ.

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Ozee 2:1

Ǹ kɔn pinaa, Izirayeli minin lɛn tá re mɔnɛɛ, ka yìsi mu lɛ-a ǹ nyɔɔsɔ̃ bɛ́ lɔn, min ná a boe la a zɔɔ̃ wa, min ná a boe la a nimi wa. Lawa pɛ ǹ nɛ bǎã mɛn nɛ "Ka bie maa zaman lɛa doo wa", á re wusii a pɛ ǹ nɛ walan "Lawa yiikoonaa a minin"!

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Ozee 4:5

N tá re talɛɛ penleen tiɛɛ̃nɛ, n bɛ́ kun ka Lawa a boo gii-dali mɛn nɛ, bɛ dɔ din tá re talɛɛ a mɛnaa tèlò-n. Ma á re n dan Izirayeli nyin nyɛɛ lenlen.

Misee 2:13

Min mɛn lɛ bɛ́ zii buĩ ǹ ni, bɛ lɛ n woe ǹ nyɛɛnɛ. A zii mɛn bũ ǹ ni, ǹ nə́ bɔ ka bɛ nɛ, ǹ nə́ soo. Ǹ kii lɛ mɛ ǹ nyɛɛnɛ, Dɛnaa Lawa mɛ ǹ nyɛɛnɛ.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.