Ozee 2:15 - LAWA A BOO SONBORE

¹⁵ A wúlu mànan tã Baali ganaa lɛawaan mɛnɛn li ma á re bɛn dɔlɔ boe a ganaa. A na á goã a gɔn ganaa ǹ zanan kɛn laanka a bɔlɔ-a ǹ gii kɛn we, bɛ̀ a baa si a tɔntɔraan lɛn kio. Ma dinmaa ke, a yiri bɔ ka ma nɛ! Dɛnaa Lawa a da ǹ boo ne.

LAWA A BOO SONBORE 2011

¹⁵ A wúlu mànan tã Baali ganaa lɛawaan mɛnɛn li ma á re bɛn dɔlɔ boe a ganaa. A na á goã a gɔn ganaa ǹ zanan kɛn laanka a bɔlɔ-a ǹ gii kɛn we, bɛ̀ a baa si a tɔntɔraan lɛn kio. Ma dinmaa ke, a yiri bɔ ka ma nɛ! Dɛnaa Lawa a da ǹ boo ne.

Ozee 2:15 ပူးပေါင်းရင်းမြစ်များ

Kiin1 16:31

A bie á kɔ Nebaati a nɛgiĩ Zeroboamu a sii zɛnaan dininsɔɔ̃nɔn lɛ wa, sɛnɛ á woo ǹ daa Sidɔn minin kii Etibaali a nɛlɔ Zezabɛli la, á saa lɔ lɛa. Ka bɛ dɔ nɛ, á woo dì *Baali kɛ guguru kɔ, á kaa tán a giulun.

Loen 106:12

Bɛ́ toa Izirayeli minin lɛn nə́ golee Lawa a boon kɛn li. Ǹ nə́ goã loe loe a tɔ boe.

Loen 129:1

Wo Zeruzalɛmu loe. A kũ maa tenmaa waáraa ganaa, ǹ nə́ bɔ ma yii-n parsiini. Izirayeli minin, ka bɛ lɛ pɛ:

Izayii 65:10

Maa zaman lɛ a min mɛnɛn bɛ́ re wusii ǹ da ma li, Saarɔn a nyankɔrɔ basa kɛ á re wuru biɛ bɛn wɔ lɛa, sèren nə buu sɔ̃ a nɛ, Akɔɔrɔ a nyankɔrɔ basa kɛ diin zìã baa.

Izayii 65:21

Ǹ tá re kionən doe, ǹ giã ǹ nɛ. Ǹ tá re *rezɛ̃ dan zumi, ǹ nà a nɛ bii.

Zeremii 2:1

Dɛnaa Lawa boo da ma nɛ, á pɛ:

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Zeremii 29:11

Hiĩ, masɛ Dɛnaa Lawa, ma sii mɛn yɔrɔ bɔ kaa wɔ lɛa, ma á bɛ doɛ̃: «Baraa bie wa, bǐɛ̃ lɛ piɛ̃ nɛ. Ma á re toɛ kaa biɛ̃ ǹ n biɛ̃ kɔ.» Dɛnaa Lawa a da ǹ boo ne.

Zeremii 3:4

Kanna kəni, ma nə n lɛ dii masɛ ganaa n nə́ pii: «Maa díi, maa tenmaa waáraa a giaára!»

Zeremii 32:15

Dɛnaa Lawa Pàãyiidɛnaa Izirayeli a Lawa n kɛ pii: «Gána kɛ nɛ, minin tá re wusii ǹ kionən pii, wurun ni, ka rezɛ̃ wurun ni.»

Busii pɛ 3:21

Sɛnɛ, taasiɛ mɛn bɛ́ die ma yiri ni, á ke, bɛ lɛ n toɛ ma foo á doa nɛ:

Ezekieli 16:22

N sii bɔbɔnɛɛ zɛnaa kɛ lɛ tumaa laanka n kɔrɔbaa ǹ siin kɛn lɛn gɔ́ɔ̃ nɛ, n nə n yiri kɔ ka n lɛlɛ ǹ kɛ-n wa. Táa n gɔ̀nɔn kooro na á goã, n goã n din pɛsɛ̃ tán mà li.

Ezekieli 16:60

Sɛnɛ, ma lɛ kɔ kɔn la mɛn wɔ ka n nɛ n tenmaa waáraa, ma á re n yiri koɛ bɛ li. Man die lɛ kɔ kɔn la duduu we ka n nɛ.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Ezekieli 28:25

Masɛ Dɛnaa Lawa n kɛ pii: «Izirayeli tɔrɔn kɛn bɛ́ pɛsiɛ̃-n tɔrɔ kɔsɔn mɛnɛn bii, bɛ̀ masɛ nə́ ǹ waa bɛn bii ma ǹ sɔkɔn ǹ mɛn waáraa, ma á re nyɛɛ tɔrɔ kɔsɔn kɛn manɛ, máa masɛ din nə Lawa sonbore lɛa. Izirayeli minin lɛn tá re giɛ̃ ǹ dinin tán la, masɛ goã má bǎã mɛn lɛ kɔ maa dí-nyali Zakɔba la.

Ezekieli 28:26

Ǹ tá re giɛ̃ a nɛ ka là nyantoro ne, ǹ kionən dɔdɔ, ǹ *rezɛ̃ da zuzumu. Ǹ tá re giɛ̃ a nɛ ka là nyantoro ne, a giala, ǹ lɛkoro lɛ-a minin mɛnɛn tumaa bɛ́ ǹ puusə koe, masɛ á re dɔlɔ boe bɛn ganaa. Ǹ tá re doɛ̃ kəni, mà masɛ din Dɛnaa Lawa nə ǹ Lawa lɛa.»

Ozee 11:1

«Má Izirayeli narɛ bɛ̀ a bɛ́ tɔn nɛ ten lɛa má maa nɛgiĩ bíi á bɔ Ezipti gána nɛ.

Ozee 12:13

Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.

Ozee 12:9

Efrayimu pɛ: Sonbore, má pàãma baa. Má gɔn màn gigiã yɛ. Ma dí mɛn tumaa nya, sii baraa zɛnaa ǹ paǹ kɔn yɛ ma-a wa.

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Ozee 2:12

Sisia kəni, man die a sìi boe ma da kanaa a tɔntɔraan lɛn yii ni: Min kɔn dɔ a re boe la a si ma la wa.

Amɔɔsi 9:14

Man die wusii ma maa zaman, Izirayeli minin lɛn sii bɔyaa ma da a giala la. Kiwin mɛnɛn nə ziziɛ̃, ǹ tá re wusii ǹ bɛn dɔ, ǹ giã ǹ nɛ. Ǹ tá re *rezɛ̃ dan zuzumi ǹ bɛa duvɛ̃ mi. Ǹ tá re dù gɔrɔn boboe, ǹ bɛa mànan bii.

Zakarii 9:12

Kòso nɛ foo doa wolen lɛn, ka n bɔyaa ka da kaa kiwi tamaa wole ne! Pelo dinin, man pii ka nɛ, màn mɛn bɛ́ ka lon, man die bɛa la ma-n paa koe ka la.

Minin nimi 21:17

Izirayeli minin lɛn nə́ tɔ́n loe kɛ lɔ: «Mu bɔ, tù! Ka a para pɛ!

Zaã a sɛ́wɔ 10:9

«Masɛ n kiɛnlɛ lɛa. Bɛ̀ min mɛn nə́ bɔ ka masɛ nɛ á tɔ́n wɔ kion, ka sèren bɛ́ boe ka kiɛnlɛ-n lɔn bɛ̀ ǹ tɔn wɔ kion, bɛa dɛnaa á die kirisibiɛ. Á die we bɛ̀ a soo, á die a too ǹ màn-bii dɔ yii.

Nya ǹ dín 14:27

Ǹ bɛ́ ǹ nə́ dɔ Antiɔsi, ǹ nə́ Lawa a sɔmɔ minin lɛ sɔkɔn. Lawa sii mɛn din tumaa zɛnaa ǹ gɔn, ka bɛ dɔ nɛ, a n dɔ ǹ lɛ lɔn tɔrɔ kɔsɔn nə́ lɛ kɔ ǹ nə́ wɔ golee Lawa li ǹ zii kɛ nɛ, ǹ nə́ bɛ laakalaa.

Zozoe 7:26

Bɛ kio, ǹ nə́ kɔlɔ da kɔn la Aakan lalan ka telee-n, Dɛnaa Lawa foo tɔ́n basã. Bɛa kɔlɔ dakɔnla lɛ á tɔn na a tan haalɛ tɔn pelo. Bɛ lɛ na á toa, ǹ tá tɔn bɛa bǎã kɛ lɛ bii haalɛ tɔn pelo mà "Akɔɔrɔ" bɛ giala mà "bɔ̀n da ǹ nyankɔrɔ basa".

Sii yɔrɔ-bɔlen 8:34

Izirayeli minin nə n yiri kɔ Dɛnaa Lawa li doo wa. A din Lawa lɛ dɔ na á goã á ǹ si ǹ zɔ́ɔn lɛn tumaa la, ǹ mɛnɛn nə goã ǹ lɛnpɛnɛ.