Ozee 14:5 - LAWA A BOO SONBORE

⁵ Ma á re Izirayeli a piã ka Lawa-n kɛ boe ma bɔ a ganaa, ma a re narɛ ka ma foo tumaa nɛ. Maa foo yoo lɛ á re n kanɛɛ a n bɔ li.

LAWA A BOO SONBORE 2011

⁵ Ma á re Izirayeli a piã ka Lawa-n kɛ boe ma bɔ a ganaa, ma a re narɛ ka ma foo tumaa nɛ. Maa foo yoo lɛ á re n kanɛɛ a n bɔ li.

Ozee 14:5 ပူးပေါင်းရင်းမြစ်များ

Samayeli2 23:4

bɛ n ka wasa a folon bɛ́ lɔn a bɔ tán biikoo li baayɛlɛ, bɛ̀ labara ba lon ǹ mɛn pinaa wa. A n ka wasa a folon bɛ́ lɔn, buu diɛ bɔ tán ganaa la a kaa kio.»

Kiin2 19:30

Zudaa tɔrɔ gialakun mɛn nə n si á goã, ǹ nə ǹ mɛn toa walan, ǹ gòonən tá re we tán, ka da bɛ́ lɔn, ǹ nɛ kɔ.

Zɔbu 29:19

Man ka da bɛ́ lɔn, mu n doe ma gòonən ganaa, pele n lɛ̀ wɛɛ ma gùrùn ganaa.

Loen 133:3

A n ka Ɛrmɔn kele kɛa pele bɛ́ lɔn, pele mɛn bɛ́ gisĩ *Siɔn kele dɔ la. Walan, Dɛnaa Lawa á re barka diɛ ka ganaa: yiikoonaabaa nɛ, yǎa duduu.

Loen 72:16

Lawa die a gána lɛ a màn-kɔsiɛ bǐɛ̃ kɔ parsiini. A toa a kele mìi ni ǹ wuru màn tumaa ma sɔnbɔraanɛ, ǹ bǐɛ̃ kɔ ka Liban gána a kelen kɛn bɛ́ lɔn. A die a toa kiwin lɛn dɔ nə pã ka minin ni, ka don bɛ́ piɛ̃ ka buu-n lɔn.

Loen 72:6

Toa kii lɛ goã ka la mɛn bɛ́ kiɛ wuru-n, ka la mɛn bɛ́ kiɛ, a mu tán giɛɛra.

Loen 80:9

N din nə́ ń Izirayeli woɛ̃ Ezipti, ka da nɛ-kɔle bɛ́ lɔn, ń tɔrɔ kɔsɔn loo, ń wusoo ń zumu.

Loen 92:12

Ma yii n maa zɔ́ɔn mɛnaa ganaa, ma too nə ǹ lɛ dɛ miɛ, bɛa minin kɛn lɛn giɛ maa bɔ̀n li.

Loen 92:13

Min pepere n yui ka sèwo da bɛ́ lɔn, a n pàã boe a kaka kɔ, ka Liban a da dadaran kɛn bɛ́ lɔn.

Suusun 19:12

Kii a foo-yoo na á kɔnbɔ ka yàra a lɛbaa nɛ, sɛnɛ, a sonborebaa n ka pele bɛ́ lɔn buu ganaa.

Loe kɔɔ̃n kɔɔ̃n 2:16

Ma din foo dùũ wɔ lɛ n maa wɔ lɛa, ma dɔ na a dɔ wɔ lɛa. Da buũ bǎã n kɔɔ̃n a ganaa.

Loe kɔɔ̃n kɔɔ̃n 4:5

N nyɔ màn paa ke, bɛn man ka yuùn nɛ màn paa nɛ, ǹ dan nə́ ǹ yɛ bɛlɛmanan lɛa, maǹ buu soɛ̃ da buũ bǎã nɛ.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 18:4

A giala, Dɛnaa Lawa pɛ ma-n kɛnɛn. Ma bɛ́ giã-n bǎã mɛn nɛ, man zoɛ̃ li ma giã kiĩni, ka kaa-piɛ waáraa labara bɛ́ lɔn. Man zoɛ̃ li ma ga gongon, ka sɛ̀fuu waáraa a wasa bɛ́ lɔn.

Izayii 26:19

Maa zaman, n geren yii á re kiɛ ǹ mɛnɛn bɛ́ yala-n, bɛn yii á re kiɛ. Ka yoo ka n bɔ geren li ka foo kɔɔ̃nbaa ǹ lɛ dɛ kasɛn mɛnɛn bɛ́ gusuũ li! Dɛnaa Lawa á re tɛ fúlu diɛ ka pele wɔ bɛ́ lɔn. Bɛ lɛ pàã ganaa, tán a geren yii á re kiɛ.

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 45:8

Lon, peperebaa pɛsɛ̃ ka pele bɛ́ lɔn. Labaran, ka toa a gisĩ a baa si ka la mu bɛ́ lɔn! Tán, n lɛ bũ, kirisibaa buũ kɔ, peperebaa gii! Masɛ Dɛnaa Lawa n má bɛa màn kɛ tumaa zɛnaa.

Izayii 57:18

Má a giã ǹ gɔn yɛ, sɛnɛ, ma á re a kaka koe, ma a foo taã, asɛ nɛ ka min mɛnɛn bɛ́ gɛ̀ koɛ.

Izayii 57:19

Ma á re foo kɔɔ̃nbaa ǹ loe we ǹ lɛ-n. Min mɛnɛn wɔlɔ bɛ́ sɔsɔɔ, ka min mɛnɛn wɔlɔ bɛ́ kunu foɛɛ̃ nɛ, yii-nyɛɛ n bɛn wɔ lɛa. Hiĩ, man die maa zaman lɛ kaka koe. Dɛnaa Lawa mà miɛ̃!

Zeremii 3:22

Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Misee 5:7

Zakɔba tɔrɔn mɛnɛn yii goã koo, ǹ tá re giɛ̃ gána kɔsɔn minin bii, ǹ tá re giɛ̃ tɔrɔ gigiã kɔsɔn bii, kaka ka yàra bɛ́ lɔn don mànan bii, ka yàra ten bɛ́ lɔn sèren bii. Bɛ̀ á bɔ bǎã mɛn nɛ, a n màn kuĩ a wɔwoɛ̃ kɔn, min dɔ a boe la á sii la wa.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Matiə 6:28

Wàa na á baa ka tá n gɔ́ɔ̃ din bii ka mɔnaa sii ni? Ka ga dan buũ kɔ ǹ gɔn ganaa don. Ǹ ba dí nyɛɛ wa, ǹ ba mɔnaa tiɛ̃ wa.

Luku 12:27

«Ka ga don a da buũn kɛn ganaa. Ǹ ba koara miɛ wa, ǹ ba mɔnaa tiɛ̃ wa. Sɛnɛ, masɛ n pii ka nɛ, kii Salomɔn laanka a naforodɛnaabaa kɛ lɛ din ni, a wɔ ǹ mɔnaan nə goã siĩni, ka da buũn kɛ lɛn kɔ́n bɛ́ lɔn wa.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Timəə dí-pɛn 32:2

Maa doree kɛ n kiɛ ka la bɛ́ lɔn, maa boo kɛ n gisĩ ka pele bɛ́ lɔn, ka la gole bɛ́ lɔn kiɛ wuru-n, ka kaasuun bɛ́ lɔn buu ganaa.