Ozee 12:8 - LAWA A BOO SONBORE

⁸ Ka Kanaan a pii-kɔlen bɛ́ lɔn, n màn zɔɔ̃ ǹ kilo lɛ a piɛ̃-n ma, mɛnaa n miã la n kɔɔ̃nɛ n ganaa.

LAWA A BOO SONBORE 2011

⁸ Ka Kanaan a pii-kɔlen bɛ́ lɔn, n màn zɔɔ̃ ǹ kilo lɛ a piɛ̃-n ma, mɛnaa n miã la n kɔɔ̃nɛ n ganaa.

Ozee 12:8 ပူးပေါင်းရင်းမြစ်များ

Loen 49:6

Lɛawaa baraa li, bɛ̀ maa zɔ́ɔn kɛn nə́ ma lɛnpɛnɛ ka ǹ zɔ́ɔbaa ǹ siin ni, wàa mɛn nyɛ́ɛ-n ma á biɛ?

Loen 52:7

Bɛ lɛ n ke, Lawa á re n dii a n da tán, á re n kuĩ n kion kɛ nɛ, a n giɛraa a soo n ne kanaa, á re n gòɛ̃ boe a bɔ yiikoonaan kanaa kɛ nɛ. Doa

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Suusun 11:1

Kiri kɔkɔrɔ tìĩ n boe-n Dɛnaa Lawa nɛ. Sɛnɛ, a foo sii n ka kiri pepere ne.

Suusun 30:12

«Min tɛnɛn man taasɛ mà sɔ̀n ba ǹsɛn ganaa wa, a da yaa ǹ gɔ̀ pii ǹ nə́ bɔ ǹ dinin ganaa wa.

Suusun 30:20

Lɔ mɛn bɛ́ ǹ zuũ siɛ̃, a zɛnaa ǹ sii á ke: A n màn bii, a n lɛ turuu a pɛ: «Ma sii kɔn zɛnaa baraa wa.»

Zeremii 2:23

N nə n siɛ lɔn n tá pii mà n nə n din gɔgɔrɛ kɔ wa, mà n Baalin guguru kɔ wa. Ga n giã ǹ gɔn ganaa nyankɔrɔ basa kɛ nɛ. Lɛ kɔ n sãn ganaa. N nə n kɔnbɔ nyɔɔmaa dan ten ne, baa sii paǹ yii li.

Zeremii 2:35

A laan bɛ yii ni, n nə n pii: «Zɛ̀rɛ ba ma-a wa. Dɛnaa Lawa a foo yoo kɛ á re n boe ma kio.» Sɛnɛ, n bɛ́ pii mà nsɛ sii kɔn zɛnaa baraa wa, man die kiri we n ganaa.

Zeremii 5:27

Bàanan kion bɛ́ piɛ̃ lɔn ka bàanan nɛ, ǹ dɔn kionən piɛ̃maa-n ka mànan nɛ, mɛnaa ma la ǹ mànan lɛa. Bɛ lɛ nɛ, ǹ nə́ yii gugurubaa yɛ, ǹ nə́ pàãman baa.

Ezekieli 28:5

N sii-doɛ̃ gole lɛ taman yii, n pii-kɔ lɛ taman yii, n naforo lɛ mɔnaa. N naforo lɛ nɛ, ń nə́ n saa li, ń nə́ n din gole kɔ.

Ozee 13:6

N dɔ buu sɔ̃ ǹ bǎã-n lɔn gɔrɔ, n bòo nya. N bɛ́ n kã, n nə́ n din gole kɔ. Bɛ lɛ nɛ n yiri bɔ ka ma nɛ.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 4:8

Maǹ nə́ n dinin toe ka maa zaman lɛ a wúlu mànan nɛ. Maa zaman a sii baraan kɛn, bɛn man kɔɔ̃nɛ ǹ ganaa.

Amɔɔsi 8:5

Ka dinin lɛn man pii: – Mui dii zɔ́n kɛ n die nyɛɛ biĩ, wɔ tɔn wɔa dɔǹɔn lɛ bũ? *Susu ǹ pii kɛ n die kiɛ̃ biĩ, wɔ tɔn wɔa màn nàn sã? Wɔ n die màn boe a zɔɔ̃ ǹ màn lɛ, wɔ màn da a giɔ̀mɔ li, wɔ a zɔɔ̃ ǹ gɔn bɔyaa wɔ minin koã nɛ.

Abakuku 1:16

Maǹ wúlu mànan koe ǹ zɔ̀ɔn lɛn la, maǹ màn giĩ kɔɔ̃n tiɛ̃ ǹ kokoon wɔ lɛa. A giala, mà ǹ dinin barka nɛ ǹ tá zɔ̀ gigiã kuĩ, ǹ nə́ màn-bii kɔɔ̃n yii.

Zakarii 11:5

Min mɛnɛn bɛ́ ǹ pii ǹ nə́ ǹ dii, maǹ taasɛ mà ǹsɛn ba sii baraa kɔn zɛnɛɛ wa. Ǹ mɛnɛn bɛ́ ǹ siɛ̃, bɛn man pii: «Lawa barka, a giala, wɔ màndɛnan baa!» Ǹ makara dɔ din ba boe ǹ lɛduə̃lin ganaa wa.

Malakii 2:17

Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Malakii 3:13

Dɛnaa Lawa pɛ: – Ka n boo baraa diɛ masɛ ganaa ka n nɔ̀n diɛ: «Wàa boo baraa n wɔ da n ganaa?»

Luku 10:29

Sɛnɛ, giĩ lɛ bɛ́ giɛ li a n din nyaa min pepere lɛa, á pɛ Yezu ni mà bɛa miã kɔsɔ kɛ lɛ, asɛ doamaa nɛ a narɛ, mà die-n dɔn?

Luku 12:19

Ma á re pii ma dinmaa-n bɛ kio kɛnɛn: Á ke, má gɔn màn gigiã sɔkɔn lɛ̀ gigiã wɔ lɛa. Man die giɛ̃ tán-a, man susu, ma màn bii, masɛ yɔ mi, man nyɛnyɛɛ.»

Luku 16:13

«Dí-nyali kɔ́n ba boe la a dí nya biikoo goon li mìinaa paa-n wa. A n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.»

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Timəə dí-pɛn 8:17

Ka nyan taasɛ ka dinin gɔ́ɔ̃ nɛ: mà ka dinin doa laanka ka dinin pàã na á toa, ká bɛa gɔn mànan kɛn lɛn yɛ wa.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Timote1 6:5

ka liere bibiɛn nɛ. Ǹ yiri tumaa ziziɛ̃, ǹ ba sonbore doɛ̃ doo wa. Maǹ taasɛ mà golee Lawa li lɛ n ga màn li ǹ sii lɛa.

Sii-nyaan 3:17

Ma n pii mà ma n pàãma lɛa, mà ń gɔn màn-dɛnaa baa, mà n laadoo ba màn kɔ́n ganaa doo wa. N ba doɛ̃ mà ma n yii koe-yɛle lɛa, makara-bɔle lɛa, ma n doobaa lɛa, n nə́ yii tere-a lɛa, n nə́ gɔ̀nɔn kooro-an dɔ lɛa wa.