Nya ǹ dín 9:5 - LAWA A BOO SONBORE

⁵ Sooli tɔ́n nɔ̀n da: «Dɛnaa, die n ka nsɛ nɛ?» Boo-diɛ lɛn lɛ pɛ nɛ: «Yezu n ka masɛ nɛ, n bɛ́ fuu nyɛɛ Yezu mɛn nɛ ke lɛn.

LAWA A BOO SONBORE 2011

⁵ Sooli tɔ́n nɔ̀n da: «Dɛnaa, die n ka nsɛ nɛ?» Boo-diɛ lɛn lɛ pɛ nɛ: «Yezu n ka masɛ nɛ, n bɛ́ fuu nyɛɛ Yezu mɛn nɛ ke lɛn.

Nya ǹ dín 9:5 ပူးပေါင်းရင်းမြစ်များ

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Izayii 45:9

Min mɛn bɛ́ zia diɛ a zɛnaali ganaa, bɛa dɛnaa wɔ n ka bɔ̀n nɛ. Minbuiin nɛ n ka tii donkolon bɛ́ lɔn ǹ miãn bii. Gì tá boe la a pɛ gì-bɔle ne mà a n wàa zɛnɛɛ? Mà a tàan lɛa siĩn wa?

Nya ǹ dín 10:14

Piɛrɛ ná a lɛ si: «Dɛnaa, haayii. A giala, masɛ a yiikoonaabaa din tumaa nɛ, ma tɔn soɛ̃ màn kɔ́n wɔ ma lɛ-n wa.»

Nya ǹ dín 26:14

Wɔ tumaa bɔ wɔ kaa. Masɛ tɔ́n lɛn kɔ́n ma boo diɛ ma nɛ ka wɔ dinin *Ebrəə bɔlɔ nɛ: «Sooli, wàa na á baa n tá fuu nyɛɛ masɛ nɛ? N piã ka masɛ-n lɛ n baraa lɛa n nə́ zɛnɛɛ n din ni, ka tɔɔ wɔ bɛ́ lɔn, tɔɔ mɛn bɛ́ n piɛ̃, a nə n gòã toe a dɛ ǹ bàlà ganaa.»

Nya ǹ dín 26:9

Masɛ dinmaa lɛ n má goã taasɛ, máa ma doamaa nɛ man doa ka yɔrɔ din tumaa nɛ, ma zia da Yezu tɔ kɛ lɛ a goleemali wolen ganaa.

Nya ǹ dín 5:39

Sɛnɛ, bɛ̀ a n boe Lawa li, ka a boe la ka sii kɛ laanka dí kɛ papaã wa. Ka yiri bɔ ka dinin li, ka baran ga zia li Lawa li wa.» Kiri-wɔlen lɛn nə́ lɛ kɔ Gamalieli a doroo lɛ ganaa.

Nya ǹ dín 9:4

Á boo-diɛ lɛ ma pii ni: «Sooli, wàa na á baa n tá fuu nyɛɛ masɛ nɛ.»

Nya ǹ dín 9:6

Sɛnɛ, yoo, n wɔ kiwi, n doamaa bɛ́ nɛ n sii mɛn zɛnaa, ǹ tá re bɛ pii n ni walan.»

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Filipi minin 3:12

Ma bie pii máa má dɔ maa dí mìi ganaa, máa maa sii lɛ pã gɔrɔ wa koe. Sɛnɛ, man tɔn woe nyɛɛnɛ, ma nə n wen wɛɛ, máa yǎa ma lui ma kuĩ, a giala mà Yezu Krita ma dɔ kũ.

Timote1 1:13

Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.