Nya ǹ dín 9:31 - LAWA A BOO SONBORE

³¹ Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

LAWA A BOO SONBORE 2011

³¹ Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Nya ǹ dín 9:31 ပူးပေါင်းရင်းမြစ်များ

KZS1 22:18

«Dɛnaa Lawa, kaa Lawa bie kũ ka ka nɛ wa? A na á là nyantoro kɔ ka la paǹ tumaa li. Á bɛa gána lɛ a giãman wole kɛn wɔ ma gɔn. Pelo maǹ Dɛnaa Lawa a pàã giulun ka a zaman wɔ nɛ.

KZS1 22:9

Á ke, nɛgiĩ á re yii n la, bɛ lɛ n die goɛ̃ là nyantoro min lɛa. Ma á re là nyantoro diɛ a bii ka zɔ́ɔn mɛnɛn tumaa bɛ́ a lɛnpɛnɛ. A tɔ n die goɛ̃ Salomɔn. Man die là nyantoro ka yii nyɛɛ koe Izirayeli la a yiikoonaabaa tumaa gɔ́ɔ̃ nɛ.

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Nehemii 5:9

Má tɔ́n pɛ: «Ka bɛ́ sii mɛn zɛnɛɛ, a siĩn wa. Ka doamaa nɛ ka tɔ wɔ, bɛ̀ ka tá nyɛ́ɛ biɛ wɔa Lawa lɛ yii ni, màn mɛn bɛ́ toɛ, tɔrɔn mɛnɛn bɛ́ wɔa zɔ́ɔn lɛa, sìi baran wɔ kũ bɛn bii wa.

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 86:11

Dɛnaa Lawa, n zii nyaa ma nɛ, ma á re tɔ we, a kɔnpɛ ka n sonbore ne. Bɛ lɛ dinsɔɔ̃ da ma foo ne, màn mɛn bɛ́ toɛ, ma nyɛ́ɛ baa n tɔ kɛ nɛ.

Loen 94:13

Asɛ n goɛ̃ susui la minin nɔmaa pinaa, bɛ á zɛnɛɛ, bɛ̀ min baraan man mɛnɛɛ koe ne, ǹ tá bɔ̀n biɛ.

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Suusun 23:17

Ń foo nyan wuu pɛ sii baraa-zɛnaalin li wa. Sɛnɛ, nyɛ́ɛ baa Dɛnaa Lawa yii ni.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Zakarii 8:20

Dɛnaa Lawa bɛ́ boo mɛn pii á ke: Taãn nɛ, tɔrɔ kɔsɔn ka kiwi gigiã minin tá re wusii doo ǹ da Zeruzalɛmu.

Nya ǹ dín 12:24

Lawa a boo lɛ sɛ na á goã n diɛ wɔlɔ la woe.

Nya ǹ dín 16:5

Màn na á goã miɛ Lawa a sɔmɔ minin lɛn golee Lawa li li woe nyɛɛnɛ, bɛ̀ min kɔsɔn dɔn tá miɛ ǹ dinin li baraabaraa.

Nya ǹ dín 2:47

Maǹ nə́ goã Lawa tɔ boe, min tumaa dɔ goã boo sonbore diɛ ǹ wɔ gɔn la. Lawa bɛ́ min mɛnɛn kirisibiɛ, a na á goã bɛn kiɛ a din a zaman lɛ li baraabaraa.

Nya ǹ dín 20:32

Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Nya ǹ dín 5:11

Bɛa sii kɛ lɛ a zɛnaa nyɛ́ɛ da Lawa a sɔmɔ minin ganaa parsiini, ka a ma wolen tumaa nɛ.

Nya ǹ dín 6:7

Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Korɛnti1 14:12

A din goon ne ka ka dɔn wɔ nɛ. Ka bɛ́ giɛ Yiri Fu a bǐɛ̃baa ǹ mànan li, ka ga ǹ li taãn-taãnɛ, sɛnɛ, ka zɛnaa Lawa a sɔmɔ kɛ a dɔmalɛ taman yii.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Korɛnti2 10:8

Dɛnaa din pàã mɛn kɔ ma la, ta má n din laakalaa ka bɛ-n boɛɛnɛ, bɛa sìi diɛ ma ganaa wa. Bɛa pàã lɛ n kaa sii a wo nyɛɛnɛ ǹ giala lɛa, a bie ka ziziɛ̃ wa.

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Korɛnti2 13:10

Bɛ lɛ n toɛ, ma bɛ́ tɔn sɔsɔɔ ka ganaa, ma á siɛ lɛlɛ má n sɛ́wɔ kɛ diɛ ka la, ń giɛ bɛ̀ má daa ka li biikoo mɛn li, ma nyan sii zɛnaa ka-n ka baraabaa-n wa. Dɛnaa pàã mɛn kɔ ma la, a bie á kɔ ma la, mà ma dɔlɔ bɔ-n ka ganaa wa, sɛnɛ, mà a pàã kɔ ka la.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Efɛɛzi minin 4:12

A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ.

Efɛɛzi minin 4:16

A din nə toɛ, gù totoron mɛnɛn bɛ́ gɔ̀nɔn ganaa, ǹ nə́ doa-n kɔn ka kaka gɔ̀nɔn goon lɛa, didie tumaa tá a din a doa kɔn-a ǹ bǎã nɛ. Ka bɛ nɛ, bɛ̀ gù gogoon tumaa tá a dí nyɛɛ, ka a bɛ́ kɔnboe-n lɔn, gɔ̀nɔn lɛ tumumaa n gole koe, màn nə́ miɛ li ka kɔn-narɛɛ nɛ.

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Efɛɛzi minin 5:21

Kasɛn mɛnɛn bɛ́ nyɛ́ɛ biɛ Krita nɛ, ka kɔn lɛ si.

Timəə dí-pɛn 12:10

Sɛnɛ, ka á re Zurdɛ̃ tà kuri, kaa Lawa, Dɛnaa Lawa bɛ́ gána mɛn lɛ koe ka la kaa wɔ lɛa, ka wo giã walan. Kaa zɔ́ɔn mɛnɛn bɛ́ ka lɛnpɛnɛ, á re ka kanbiɛ bɛn ganaa, á re là nyantoro koe ka la.

Filipi minin 2:1

Bɛ̀ foo-doa á yii Krita nɛ, bɛ̀ foo tãbaa á yii a kɔn-narɛɛ nɛ, bɛ̀ koa-kun tá ka laanka Yiri Fu bii, bɛ̀ bǐɛ̃baa laanka sii toa kɔn nɛ á yii a nɛ,

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Tesaloniki1 5:11

Bɛ lɛ taman yii, ka kɔn foo doa, ka kɔn gù we yii, ka ka bɛ́ zɛnɛɛ lɔn gɔrɔ.

Timote1 1:4

Mà ǹ baran n paraa lɛlɛ boon kɛn ganaa, ka digolon tɔrɔ basa bɔ ǹ boo punpunun kɛn nɛ wa. Bɛ lɛ n die ka liere gigiã nɛ, a da yaa ǹ ba Lawa a dí nya ǹ gɔn kɛ nyɛɛ wa. Goleemali dinsɔɔ̃ n bɛ doɛ̃.

Ebrəə 4:9

Bɛ̀ á miɛ̃, Lawa a minin lɛn susui biikoo n tɔn nyɛɛn die.

Zozoe 21:44

Dɛnaa Lawa là nyantoro kɔ ǹ la paǹ tumaa li, ka a bɛ́ á goã á pɛ ǹ digolon man lɔn. Ǹ zɔ́ɔn lɛn tumaa, ǹ kɔn boo la á golee ǹ nyɛɛn wa. Dɛnaa Lawa nə́ ǹ zɔ́ɔn lɛn tumaa wɔ ǹ gɔn.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.

Sii yɔrɔ-bɔlen 3:30

Bɛa pinaa kɛ lɛ nɛ, Izirayeli minin nə́ sìi da Moabu minin ganaa, gána lɛ tɔ́n goã susui la lɛ̀ pɔkiwisi gɔ́ɔ̃ nɛ.