Nya ǹ dín 9:27 - LAWA A BOO SONBORE

²⁷ Barnabaasi tɔ́n kũ á da kun ka a din ni, á woo ne dia dí-a wolen lɛn li. Sooli bɛ́ zii tɔ we, Dɛnaa bɛ́ á n din nyaa nɛ, á boo da-n lɔn, Sooli bɛ́ á dɔ Damaasi kiwi doo, a Yezu tɔ kɛ laakalaa ka foo-tãbaa-n lɔn, Barnabaasi bɛ yɔrɔ pɛ dia dí-a wolen lɛn manɛ.

LAWA A BOO SONBORE 2011

²⁷ Barnabaasi tɔ́n kũ á da kun ka a din ni, á woo ne dia dí-a wolen lɛn li. Sooli bɛ́ zii tɔ we, Dɛnaa bɛ́ á n din nyaa nɛ, á boo da-n lɔn, Sooli bɛ́ á dɔ Damaasi kiwi doo, a Yezu tɔ kɛ laakalaa ka foo-tãbaa-n lɔn, Barnabaasi bɛ yɔrɔ pɛ dia dí-a wolen lɛn manɛ.

Nya ǹ dín 9:27 ပူးပေါင်းရင်းမြစ်များ

Nya ǹ dín 11:22

Bɛa sii kɛ lɛ a boo daa kaa Lawa a sɔmɔ minin too ne Zeruzalɛmu kiwi. Ǹ nə́ Barnabaasi bɔ ǹ nə́ dia Antiɔsi kiwi.

Nya ǹ dín 11:25

Barnabaasi tɔ́n woo Tarsi kiwi, á woo ga Sooli li.

Nya ǹ dín 12:25

Barnabaasi laanka Sooli wo Zeruzalɛmu dí mɛn-a, bɛa yɔrɔ bɔ kio, ǹ nə́ wusoo ǹ nə́ woo piɛ. Ǹ nə́ woo ka ZAÃ nɛ, ǹ bɛ́ ZAÃ mɛn bíi Marki.

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Nya ǹ dín 15:2

Á n baa zia lɛa, liere gigiã wɔ Pooli laanka Barnabaasi biin ni ka bɛa minin kɛn lɛn nɛ. Ǹ nə́ tɔ́n pɛ mà Pooli ni ka Barnabaasi ni ka Antiɔsi min kɔsɔn dɔn nɛ, mà ǹ wo Zeruzalɛmu kiwi, dia dí-a wolen laanka nyɛɛnaandɛnan li, bɛa zia kɛ lɛ a boo ganaa.

Nya ǹ dín 4:13

Zuifun sii yɔrɔ-bɔlen lɛn bɛ́ ǹ nə́ Piɛrɛ laanka ZAÃ a foo doa kɛ yɛ, ǹ yiri gisĩ a nɛ, mà ǹ ba màn kɔ́n lɛa wa, mà ǹ daraa gole dɔ din wɔ wa, bɛ kaãbaa da ǹ-a parsiini. Maǹ nə́ goã ǹ doɛ̃ Yezu a koa-kun wolen lɛa.

Nya ǹ dín 4:29

Dɛnaa Lawa, n din ga minin kɛn sisia a taasiɛ baraan kɛn ganaa. N dɔ wɔsɛn lɛ, wɔsɛn mɛnɛn bɛ́ n din a dí-nyalin lɛa, wɔsɛn nə n din a boo kɛ pɛ ka foo-doa gole ne.

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Nya ǹ dín 9:17

Ananiasi tɔ́n woo, á wɔ kion lɛ nɛ, á n gɔn da Sooli la, á pɛ nɛ: «Ma dɔɔ̃n Sooli, Dɛnaa na á masɛ dia, Yezu mɛn bɛ́ á n din nyaa n nɛ zii la, bɛ lɛ na á masɛ dia màn mɛn bɛ́ toɛ, ma Lawa nyankɔ nɛ, n yiin nə wusoo ǹ wɔlɔ yɛ, Yiri Fu dɔ gisĩ n la.»

Nya ǹ dín 9:29

Zuifun mɛnɛn nə goã Grɛki bɔlɔ pii, liere wɔ Sooli laanka bɛn bii ni. Sɛnɛ, maǹ nə́ goã giɛ li mà ǹ dɛ a gã.

Korɛnti1 15:8

A laan masɛ goã min taãn lɛa wa, á n din nyaa ma dɔ nɛ nyɔnyɔɔ.

Korɛnti1 9:6

Hinlaa, masɛ laanka Barnabaasi dinsɔɔ̃ doamaa nɛ wɔ dí nya, wɔ tɔn màn-bii yɛ wɔ bii?

Galaasi minin 2:13

Wɔ dɔɔ̃n Zuifun kɛn dɔn nə́ yoo, ǹ nə́ bɛa fɔ̃madinbaalɛ ǹ sii kɛ zɛnɛɛ ka Piɛrɛ wɔ bɛ́ lɔn. Haalɛ Barnabaasi dinmaa dɔ́ toa ǹ nə́ baã, ǹ nə́ da bɛa fɔ̃madinbaalɛ ǹ sii kɛ lɛ nɛ.

Galaasi minin 2:9

Zaaki ni, Piɛrɛ nɛ, ka ZAÃ nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.