Nya ǹ dín 9:21 - LAWA A BOO SONBORE

²¹ Min mɛnɛn tumaa goã a lɛ miɛ bɛa boo kɛ lɛ diɛ, bɛn nə́ goã n kaãbiɛ, bɛ̀ ǹ nə́ pii: «A din kɛ lɛ bie á goã, a n golee Yezu tɔ li wolen kɛn lɛn nɔmiɛ parsiini Zeruzalɛmu kiwi wa? Táa a na á daa kànaa a din mìi goon kɛ lɛ ganaa, a bɛa golee Lawa li wolen kɛn lɛn kũ, a biɛn kaa ǹ-a, a wo ǹ kɔ wúlu-bɔlen goledɛnan la.»

LAWA A BOO SONBORE 2011

²¹ Min mɛnɛn tumaa goã a lɛ miɛ bɛa boo kɛ lɛ diɛ, bɛn nə́ goã n kaãbiɛ, bɛ̀ ǹ nə́ pii: «A din kɛ lɛ bie á goã, a n golee Yezu tɔ li wolen kɛn lɛn nɔmiɛ parsiini Zeruzalɛmu kiwi wa? Táa a na á daa kànaa a din mìi goon kɛ lɛ ganaa, a bɛa golee Lawa li wolen kɛn lɛn kũ, a biɛn kaa ǹ-a, a wo ǹ kɔ wúlu-bɔlen goledɛnan la.»

Nya ǹ dín 9:21 ပူးပေါင်းရင်းမြစ်များ

Loen 51:13

N nyan ma na n ma zũ sɔsɔɔ n din ganaa wa, n nyan nə n yiri sonbore kɛ si ma la wa.

Loen 71:7

Min gigiã yɔrɔ-a, man má goã gama-a ǹ màn lɛa, a giala, n din nə́ ń goã ma tamaali sonbore lɛa.

Izayii 8:18

Á ke, masɛ laanka Dɛnaa Lawa nɛnyaanan mɛnɛn kɔ ma la, wɔ ǹ sii a kɔnboe laanka gɔn waa lɛa Izirayeli gána nɛ ka Dɛnaa Lawa Pàãyiidɛnaa tɔ nɛ, asɛ mɛn bɛ́ giã-n *Siɔn kele la.

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Minin nimi 23:23

Wɔ-kũli ba kun ka Zakɔba tɔrɔn lɛn nɛ wa. Boo baa ǹ dí ba Izirayeli minin lɛn li wa. Lawa bɛ́ sii mɛn zɛnɛɛ, bɛ nə n pii Zakɔba tɔrɔn lɛn nɛ, a nə n pii Izirayeli tɔrɔn lɛn nɛ, a kɔnpɛ a biikoo ne.

Nya ǹ dín 2:12

Ǹ tumaa nə́ n kaãbaa parsiini, ǹ goã doɛ̃ ǹ bɛ́ re màn mɛn taasɛ sii kɛ wɔ gɔn la wa. Maǹ nə́ goã pii kɔn nɛ: «Kɛ n wàa sii lɛa ke kəni?»

Nya ǹ dín 2:6

Bɛa màn wuu kɛ lɛ bɛ́ á bɔ, zaman lɛ nə́ n lɛ sɔkɔn. Á yiri lɔlɔkɔn da ǹ ganaa parsiini, a giala, didie na á goã ǹ lɛ miɛ boo diɛ ka a din a yɛ ǹ bɔlɔ nɛ.

Nya ǹ dín 3:10

ǹ nə́ dɔ̃, liere ná a ba a-n wa, mà a din lɛ na á goã giɛ̃ tán Lawa a kion a "Kiɛnlɛ Siĩn" kɛ lɛ-a bɛ̀ a nyankɔ. Bɛa sii kɛ lɛ a zɛnaa miɛ̃ lɛ nyɛ́ɛ da minin lɛn ganaa parsiini, á kaãbaa dɔ da ǹ ganaa.

Nya ǹ dín 4:13

Zuifun sii yɔrɔ-bɔlen lɛn bɛ́ ǹ nə́ Piɛrɛ laanka ZAÃ a foo doa kɛ yɛ, ǹ yiri gisĩ a nɛ, mà ǹ ba màn kɔ́n lɛa wa, mà ǹ daraa gole dɔ din wɔ wa, bɛ kaãbaa da ǹ-a parsiini. Maǹ nə́ goã ǹ doɛ̃ Yezu a koa-kun wolen lɛa.

Nya ǹ dín 7:59

Ǹ bɛ́ Itian lɛ dii, a na á goã Lawa nyankoe kɛnɛn: «Dɛnaa Yezu, masɛ telenboen si.»

Nya ǹ dín 8:3

Sooli sɛ, asɛ na á goã n doɛ, mà asɛ Lawa a sɔmɔ kɛ nya. A na á goã we kionən ne, a giĩn laanka lɔn baã a soo ǹ ne, bɛ̀ a wo ǹ zũ kòso-n.

Nya ǹ dín 9:22

Sɛnɛ, Sooli na á goã boo diɛ ka pàã nɛ, mà Yezu lɛ n Minin Nyin-sili lɛa Lawa dia, á bɛa boo lɛ da, yǎa Zuifun mɛnɛn bɛ́ ǹ nə́ goã Damaasi kiwi, á bɛn lɛ tã ǹ yii ná a ba boo-a wa.

Tesaloniki2 1:10

Min mɛnɛn bɛ́ a wɔn lɛa ǹ nə́ golee-n li, bɛn tá re a guguru koe, ǹ nə n kaãbaa a ganaa a daa pinaa. Ka dɔn tá re goɛ̃ kun ka bɛa dɛnan kɛn lɛn nɛ, a giala, wɔ siére mɛn pɛ ka nɛ, ká golee li.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.