Nya ǹ dín 9:18 - LAWA A BOO SONBORE

¹⁸ Màn fɔ́rɔ tɔrɔn kɔnɔn nə́ bɔ Sooli yiin ni bɛa bǎã lɛ-n gɔrɔ, ǹ nə́ mɛnaa, a yiin nə́ wɔlɔ yɛ. Á yoo, ǹ nə́ *batɛmu da a ganaa.

LAWA A BOO SONBORE 2011

¹⁸ Màn fɔ́rɔ tɔrɔn kɔnɔn nə́ bɔ Sooli yiin ni bɛa bǎã lɛ-n gɔrɔ, ǹ nə́ mɛnaa, a yiin nə́ wɔlɔ yɛ. Á yoo, ǹ nə́ *batɛmu da a ganaa.

Nya ǹ dín 9:18 ပူးပေါင်းရင်းမြစ်များ

Nya ǹ dín 2:38

Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Nya ǹ dín 22:13

Bɛa giĩ lɛ na á daa ma yaa, á pɛ ma nɛ: «Ma dɔɔ̃n Sooli ganaa, n yii lɛ wusoo a wɔlɔ yɛ.» A din bǎã-n gɔrɔ, ma yii wusoo á n bũ á Ananiasi yɛ.

Nya ǹ dín 22:16

Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»

Nya ǹ dín 9:17

Ananiasi tɔ́n woo, á wɔ kion lɛ nɛ, á n gɔn da Sooli la, á pɛ nɛ: «Ma dɔɔ̃n Sooli, Dɛnaa na á masɛ dia, Yezu mɛn bɛ́ á n din nyaa n nɛ zii la, bɛ lɛ na á masɛ dia màn mɛn bɛ́ toɛ, ma Lawa nyankɔ nɛ, n yiin nə wusoo ǹ wɔlɔ yɛ, Yiri Fu dɔ gisĩ n la.»

Nya ǹ dín 9:19

A bɛ́ á màn bii á nya, a gù wen nə́ wusoo ǹ nə́ doa. Bɛ kio, Sooli lɛawaan kɔnɔn zɛnaa kun ka Damaasi kiwi a kialandɛnan nɛ.

Nya ǹ dín 9:8

Sooli yoo á n bɔ tán, a laan a yii nànan nə́ goã kanaa, ǹ goã màn kɔ́n yii wa. Ǹ miãn lɛn nə́ kũ a gɔn-a ǹ nə́ wɔ nɛ Damaasi kiwi.

Korɛnti2 3:14

Sɛnɛ, ǹ màn-doɛ̃ boo la a ná a giala ma wa. Haalɛ pelo, bɛ̀ ǹ tá lɛlɛ a lɛ kɔ kɔn la ǹ sɛ́wɔn kɛn pii, a n ka bɛa tapara kɛ lɛ n tɔn koe ne ǹ siã, ǹ ba ǹ giala miɛ wa. Tapara lɛ tɔn nə n bɔ ǹ siã wa, a giala, a nə n boe golee Krita li wole dinsɔɔ̃ siã.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.