Nya ǹ dín 9:15 - LAWA A BOO SONBORE

¹⁵ Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

LAWA A BOO SONBORE 2011

¹⁵ Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Nya ǹ dín 9:15 ပူးပေါင်းရင်းမြစ်များ

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Zeremii 1:7

Sɛnɛ, Dɛnaa Lawa pɛ ma nɛ: «N nyan pɛ mà n yii á kiɛɛrɛ á la yii-n wa.» Ma bɛ́ re n diɛ bǎã mɛn tumaa nɛ, n tá re woe. Ma bɛ́ re boo mɛn diɛ n nɛ, n tá re woe bɛ pii.

Matiə 10:18

Masɛ tɔ taman yii, ǹ tá re woe ka nɛ tɔrɔ kɔsɔn pàãdɛnan laanka kiin yɔrɔ-a ka n bɔlɔ pɛ. Bɛ lɛ n die toɛ ka siére baa bɛn laanka ǹ minin yɔrɔ-a.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Nya ǹ dín 21:19

A bɛ́ á fòo da ǹ nɛ á nya, Lawa dí mɛn tumaa nya a gɔn tɔrɔ kɔsɔn bii, Pooli bɛ laakalaa ǹ nɛ ka tɛrɛɛ nɛ.

Nya ǹ dín 22:14

Á pɛ ma nɛ: «Wɔ digolon Lawa lɛ na á n bɔ, mà n na asɛ foo sii dɔ̃, n yii Min Pepere kɛ yɛ, n na a boo-diɛ ma.

Nya ǹ dín 22:21

Sɛnɛ, Dɛnaa pɛ ma nɛ: «Woo, masɛ din ni n diɛ sɔsɔɔ, tɔrɔ kɔsɔn li.»

Nya ǹ dín 25:22

Agripaa tɔ́n pɛ Fɛstusu ni: «Ma dɔ á giɛ li man too kɔ giĩ kɛ lon.» Fɛstusu ná a lɛ si: «Biɛ̃ bɛ á die yɔrɔ boe.»

Nya ǹ dín 26:1

Agripaa pɛ Pooli ni: «N tá boe la n boo da n nə n din a zɛ̀rɛ baãnaabaa nyaa.» Pooli nə́ n gɔn nyɔmaa, á n lɛ bũ á boo da:

Nya ǹ dín 26:32

Agripaa pɛ Fɛstusu ni: «Bɛ̀ Pooli lɛ din bie á pɛ, mà asɛ a sii lɛ a yɔrɔ-bɔ dɔ kii gole gole kɛ li wa, bɛ̀ gɔn tá boe la a n bɔ a ganaa.»

Nya ǹ dín 27:24

Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

Nya ǹ dín 28:17

Lɛawaa sɔɔ bɛ kio, Pooli lɛ dia Zuifun nyɛɛnaandɛnan la. Ǹ bɛ́ ǹ nə́ daa n lɛ sɔkɔn, á boon kɛn da ǹ nɛ: «Ma dɔɔ̃ngiĩn lɛn ganaa, ma sii la ma tɔrɔ minin la wa, ma wɔ digolon landa sii kɔ́n sàabaa wa, sɛnɛ, maǹ nə́ masɛ kũ ǹ nə́ ma da kòso-n Zeruzalɛmu, ǹ nə́ ma wɔ Rɔmu minin gɔn.

Nya ǹ dín 28:28

Ka dɔ̃ kəni, mà Lawa na á bɛa kirisibaa ǹ boo kɛ lɛ dia tɔrɔ kɔsɔn la, bɛn tá re n too koe.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 11:13

Kasɛn mɛnɛn bɛ́ ka a Zuifun lɛa wa, man kɔn kasɛn nɛ sisia. Lawa na á masɛ bɔ, á ma dia tɔrɔ kɔsɔn la, mà ma a din a boo kɛ pɛ. Bɛ lɛ nɛ, ma tá n nyɛnyɛɛ bɛa dí lɛ a nyɛɛ gɔ́ɔ̃ nɛ,

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 9:16

A giala, Boo Tii Kɔɔ̃n kɛ a laakalaa bie din-koa ǹ sii lɛa masɛ gɔn wa. A n pàã lɛa ma ganaa. Bɛ̀ ma a Boo Tii Kɔɔ̃n kɛ laakalɛɛ wa, koe na á bɔ ma ganaa.

Galaasi minin 1:1

Masɛ Pooli n dia dí-a wole lɛa. Bɛ bie á bɔ minbuiin nɛ kɔ́n li wa. Min kɔ́n dɔ na a zɛlɛ baa wa. Yezu *Krita laanka Díi Lawa na á ma bíi, Díi Lawa mɛn Yezu lɛ din yii kaa, á bɔ geren li.

Efɛɛzi minin 3:1

Bɛ lɛ taman yii, masɛ Pooli n Lawa nyankoe ka a lɛa. Masɛ n kòso-n Yezu *Krita taman yii, maa dí nya kasɛn tɔrɔ kɔsɔn nɛ kɛ a lɛa.

Timote1 2:7

Lawa na á masɛ koa bɛa boo lɛ a kalaali lɛa. Á ma dia, mà ma wo tɔrɔ kɔsɔn daraa goleemali laanka sonbore ganaa. Sonbore-n ma á pii, ma bie soɛ boe wa.

Timote2 1:11

Lawa na á masɛ koa bɛa Boo Tii Kɔɔ̃n lɛ a pɛle lɛa, á ma dia mà ma wo minin daraa a ganaa.

Timote2 2:4

Bɛ̀ min tá woe sɔraasibaa ǹ bǎã nɛ, bɛ̀ a tá li a sii kɔɔ̃n kɔ a goledɛnaa ganaa, a ba n taasɛ kanaa kɛ a siin ni wa.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»