Nya ǹ dín 8:5 - LAWA A BOO SONBORE

⁵ Bɛa gɔn kɛ lɛ la, Filipi woo Samarii kiwi. Á pɛ bɛa kiwi lɛ a minin manɛ, mà Lawa bɛ́ mà á re Minin Nyin-sili mɛn diɛ, mà Yezu lɛ n bɛ lɛa.

LAWA A BOO SONBORE 2011

⁵ Bɛa gɔn kɛ lɛ la, Filipi woo Samarii kiwi. Á pɛ bɛa kiwi lɛ a minin manɛ, mà Lawa bɛ́ mà á re Minin Nyin-sili mɛn diɛ, mà Yezu lɛ n bɛ lɛa.

Nya ǹ dín 8:5 ပူးပေါင်းရင်းမြစ်များ

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Nya ǹ dín 21:8

A lɛawaa wɔ́ yoo doo, wɔ́ zii tɔ wɔ wɔ́ woo dɔ Sezaaree kiwi. Wɔ́ woo n yu Lawa a boo tii kɔɔ̃n pɛle Filipi a piɛ. Ǹ min sɔbaa mɛn bɔ Zeruzalɛmu sii yɔrɔ-bɔlen lɛa, bɛn lɛn goon ne, wɔ́ woo giã a piɛ.

Nya ǹ dín 5:42

Baraabaraa, Lawa a kion gɔ́ɔ̃ nɛ hinlaa ǹ dinin piɛn nɛ, ǹ goã minin daraa laanka Yezu Minin Nyin-sili boo kɔɔ̃n kɛ a pɛ lɛ diɛ wa.

Nya ǹ dín 6:5

Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.

Nya ǹ dín 8:26

Dɛnaa a lon a dia dí-a wole boo da ka Filipi ni: «Zii saa n wo Ezipti gána paǹ li, zii mɛn bɛ́ boe Zeruzalɛmu á woe Gaazaa kiwi, minin nə́ ǹ ba koe lɛ wa, wo bɛ saa.»

Nya ǹ dín 8:30

Filipi baa si á n mɔrɔ a ganaa, á giĩ lɛ lɛ ma Lawa a boo gii-dali Izayii a sɛ́wɔ pii, yǎa a pɛ nɛ: «N bɛ́ màn mɛn pii, n tá bɛ giala miɛ taãn-taãnɛ?»

Nya ǹ dín 8:40

Filipi sɛ́ woo n din yaa Azɔti kiwi. Á soo walan á zii kũ, bɛ̀ a n Yezu boo pii kiwin tumaa nɛ, yǎa á woo dɔ Sezaaree kiwi.

Nya ǹ dín 8:6

Zaman lɛ tumaa kɔn bɔlɔ ma, ǹ nə́ n too kɔ Filipi a boo li sɔnbɔraanɛ. Maǹ nə n too koe a lon, bɛ̀ ǹ tá giɛ a kaãbaa ǹ sii zɛnaan kɛn dɔn ganaa.

Nya ǹ dín 9:20

A ná a giala kɔ gɔrɔ á woe lɛsɔkɔn kionən ne, á pii mà Yezu n Lawa a Nɛgiĩ lɛa.

Korɛnti1 1:23

Sɛnɛ, Krita mɛn bɛ́ ǹ nə́ dere gɔn ganaa, wɔsɛn man bɛ boo diɛ. Bɛ n sii kaka lɛa Zuifun ganaa, a n gàãnaabaa lɛa tɔrɔ kɔsɔn yii li.

Korɛnti1 2:2

A giala, ma biikoo mɛn zɛnaa ka li, ma ga li máa ma màn kɔsɔ nyaa ka nɛ, á kiɛ̃ Yezu *Krita boo la wa, sanparɛ a dere gɔn ganaa boo kɛ din.

Korɛnti1 3:11

A giala, a gòã na á n daa ka Yezu Krita nɛ; min kɔ́n ba boe la, a na a gòã daa ka màn kɔsɔ-n wa.