Nya ǹ dín 8:3 - LAWA A BOO SONBORE

³ Sooli sɛ, asɛ na á goã n doɛ, mà asɛ Lawa a sɔmɔ kɛ nya. A na á goã we kionən ne, a giĩn laanka lɔn baã a soo ǹ ne, bɛ̀ a wo ǹ zũ kòso-n.

LAWA A BOO SONBORE 2011

³ Sooli sɛ, asɛ na á goã n doɛ, mà asɛ Lawa a sɔmɔ kɛ nya. A na á goã we kionən ne, a giĩn laanka lɔn baã a soo ǹ ne, bɛ̀ a wo ǹ zũ kòso-n.

Nya ǹ dín 8:3 ပူးပေါင်းရင်းမြစ်များ

Nya ǹ dín 16:19

Minin mɛnɛn bɛ̀rɛlɔ bɛ́ nɛ, bɛn bɛ́ ǹ nə́ yɛ mà ǹsɛn màn yɛ ǹ gɔn na á woo ka bɛ nɛ, ǹ nə́ Pooli laanka Silaasi kũ, ǹ nə́ ǹ baã ǹ nə́ woo ǹ ne zaman paã ǹ bǎã nɛ, kiri-wɔlen yɔrɔ-a.

Nya ǹ dín 22:19

Má pɛ: «Dɛnaa, táa ǹ nə́ dɔ̃ mà masɛ din nə má goã woe lɛsɔkɔn kionən ne, min mɛnɛn bɛ́ ǹ nə́ golee n din li, bɛ̀ ma bɛn kũ má ǹ zũzũ kòso-n, ma ǹ dɛ ka bàlà nɛ.

Nya ǹ dín 7:58

Ǹ nə́ nyanyanaa ǹ nə́ soo ne ǹ nə́ n bɔ-n kiwi, ǹ nə́ mɛ la ǹ nə́ dii ka kɔlɔn nɛ. Minin mɛnɛn nə kɔlɔ zũ Itian nɛ bibinaa nɛ, ǹ nə́ ǹ bíi mà siéren, bɛn nə́ ǹ mɔnaan koa tɔntɔraa goon li, a tɔ n Sooli.

Nya ǹ dín 8:2

Nyɛ́ɛbaa Lawa yii-n wolen nə́ Itian gere saa ǹ nə́ bĩ, ǹ ná a gɛ̀ wuu pɛ parsiini.

Nya ǹ dín 9:21

Min mɛnɛn tumaa goã a lɛ miɛ bɛa boo kɛ lɛ diɛ, bɛn nə́ goã n kaãbiɛ, bɛ̀ ǹ nə́ pii: «A din kɛ lɛ bie á goã, a n golee Yezu tɔ li wolen kɛn lɛn nɔmiɛ parsiini Zeruzalɛmu kiwi wa? Táa a na á daa kànaa a din mìi goon kɛ lɛ ganaa, a bɛa golee Lawa li wolen kɛn lɛn kũ, a biɛn kaa ǹ-a, a wo ǹ kɔ wúlu-bɔlen goledɛnan la.»

Korɛnti1 15:9

A giala, ma din nə Yezu a dia dí-a wolen tumaa a boɛɛndɛnaa lɛa. Ma a kɔnboe dinin, ǹ ma bíi dia dí-a wole wa, a giala, man má goã boe Lawa a sɔmɔ minin yii-n lɛlɛ.

Galaasi minin 1:13

Ma goã doa-n kɔn ka Zuifun zii-n biikoo mɛn li, maa zɛnaa ǹ sii bɛ́ ka yɔrɔ mɛn nɛ, ká bɛ boo ma. Ma goã boe Lawa a sɔmɔn lɛn minin yii-n lɔn, má n wen waa máa yǎa ǹ ziziɛ̃, ka á bɛ doɛ̃.

Filipi minin 3:6

Ma yii goã kaka a gɔ́ɔ̃ nɛ, yǎa má goã boe Lawa a sɔmɔn yii ni. Bɛ̀ ga peperebaa li ni, landa a dí-pɛn lɛ-si gɔ́ɔ̃ nɛ, man má goã ka te, sã ná a ba ma ganaa wa.

Timote1 1:13

Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.

Zaaki 2:6

Sɛnɛ, kasɛn bɛ́ ka doobaa yii puusə kɔ! A da yaa paãman lɛn man fuu nyɛɛ ka nɛ, bɛ̀ ǹ ka bíi, ǹ wo kiri wɔ ka ganaa, ta mà lɔn?