Kii Salomɔn lɛ Dɛnaa Lawa a kion lɛ a dɔ giala kɔ, bɛ̀ Izirayeli minin soo Ezipti gána nɛ a lɛ̀ biɛsii ka pɔkiwisi (480) ni. Di lɛ na á n giala kɔ *Zibu mui ni, mui mɛn bɛ́ lɛ̀ a mui a paabaa ǹ wɔ lɛa. Bɛa biikoo lɛ li, bɛ̀ Salomɔn dɔ a tá Izirayeli gána mìi la a lɛ̀ siibaa ǹ wɔ nɛ.
Salomɔn pɛ doo: Dɛnaa Lawa boo mɛn da, a ná a lɛ pã. Má ma di Davida a bǎã saa kiibaa lɛ la ka Dɛnaa Lawa goã á da lɔn. Má kion kɛ dɔ Izirayeli a Lawa, Dɛnaa Lawa lɛ tɔ la.
Davida bɛ á giã a kii kion ne biikoo mɛn li, á pɛ Lawa a boo gii-dali Natan nɛ: «Ma á ke má giã da kaka kion ne, sɛnɛ Dɛnaa Lawa a *lɛ kɔ kɔn la ǹ goo kɛ n tɔn bǎã nɛ, mɔnaa kion lɛa.»
Kii Salomɔn Lawa a kion lɛ a doe giala kɔ Zeruzalɛmu, Moriya kele la. Dɛnaa Lawa na á n din nyaa ǹ dí Davida nɛ walan, Ornan a *belee duwəə ǹ bǎã nɛ, ke Zebuzu tɔrɔ lɛa.