Nya ǹ dín 7:44 - LAWA A BOO SONBORE

⁴⁴ Sɛnɛ, don bii, Lawa a Mɔnaa Kion mɛn bɛ́ a dí fù goã koa nɛ a nɛ, táa bɛ dɔ́ goã wɔ digolon gɔn. A na á n dɔ á kɔnpɛ ka Lawa din a boo-diɛ laanka a sii yɔrɔ nyaa nɛ Muizu ni.

LAWA A BOO SONBORE 2011

⁴⁴ Sɛnɛ, don bii, Lawa a Mɔnaa Kion mɛn bɛ́ a dí fù goã koa nɛ a nɛ, táa bɛ dɔ́ goã wɔ digolon gɔn. A na á n dɔ á kɔnpɛ ka Lawa din a boo-diɛ laanka a sii yɔrɔ nyaa nɛ Muizu ni.

Nya ǹ dín 7:44 ပူးပေါင်းရင်းမြစ်များ

KZS2 24:6

Bɛ lɛ nɛ, kii tɔ́n lɛ dia Lawa a wúlu-bɔle gole Zozadaa la á pɛ nɛ: «A na á saa lɔn, Lawa a dí-nyali Muizu goã á Izirayeli a zaman da nyin giɔ̀mɔ mɛn a saraa ganaa, Levii tɔrɔn nə Zeruzalɛmu laanka Zudaa a zaman da bɛa saraa ganaa wa? Bɛa nyin giɔ̀mɔ lɛ n Lawa a mɔnaa kion kɛ wɔ lɛa.

Bɔ bɛ̀rɛbaa nɛ 25:40

Muizu, toa n màn lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.

Bɔ bɛ̀rɛbaa nɛ 26:30

Màn mɛn nə n pɛ n nɛ kele lɛ la, Kion lɛ dɔ, a kɔnpɛ ka bɛ lɛ nɛ.

Bɔ bɛ̀rɛbaa nɛ 27:8

Bɛa wúlu bɔ ǹ bǎã kɛ lɛ, a n die zɛnɛɛ ka gɔn sɛlɛɛn nɛ, a gɔ́ɔ̃ n die goɛ̃ koo. N toa n zɛnaa, ka ma bɛ́ ma a yɔrɔ nyaa n nɛ lɔn kele lɛ la.

Bɔ bɛ̀rɛbaa nɛ 38:21

Màn mɛn nə n ziziɛ̃ Kion sonbore lɛ ganaa, bɛ á ke. Muizu na á pɛ mà ǹ bɛ nimi: bɛ na á goã Levii tɔrɔ minin kɛn dí lɛa, wúlu-bɔle Aarɔn a nɛgiĩ Itamaara nə́ ǹ mìi la.

Minin nimi 10:11

Lɛ̀ a mui paabaa ǹ wɔ a lɛawaa fuəbaa ǹ wɔ pinaa, zaman lɛ a soo a bɔ Ezipti gána-n a lɛ̀ paabaa ǹ wɔ li, tɛmaa bara lɛ yoo á n bɔ lɛ kɔ kɔn la ǹ boo koa ǹ kion lɛ la.

Minin nimi 18:2

A toa, ka dɔɔ̃n Levii a tanlɛ minin lɛn dɔn nə n mɔrɔ Lawa a kion lɛ ganaa kunun n ni. Maǹ die koɛ n la, ǹ dí nya n giulun. Sɛnɛ n din laanka n tanlɛ minin man die golee lɛ kɔ kɔn la ǹ boo koa ǹ mɔnaa zìã lɛ yɔrɔ-a.

Minin nimi 9:15

Ǹ bɛ́ ǹ nə́ kion sonbore lɛ doa ǹ mɛn pinaa, kɔn yɛ ka Lawa nɛ ǹ kion lɛ, tɛmaa bara nə́ n kuməə a ganaa. A saa wasamiɛ̃n ganaa, tɛmaa bara lɛ na á goã kion lɛ la ka tɛ bɛ́ lɔn, yǎa baayɛlɛ.

Ebrəə 8:2

A n wúlu bɔ ǹ dí nyɛɛ *wúlu bɔ ǹ bǎã nɛ, bɛ giala, mà Lawa a kion taãn kɛ nɛ. Lawa din na á bɛa kion lɛ dɔ, min bie á dɔ wa.

Ebrəə 8:5

Bɛn bɛ́ wúlu bɔ ǹ dí mɛn nyɛɛ ke, bɛ n lon gɔ́ɔ̃-n wɔ kɛ a kɔnboe lɛa, a nyín ni. Bɛ na á kɔnpɛ ka sii kɛ nɛ, á n zɛnaa Muizu ni. A bɛ́ re mɔnaa kion lɛ doe, Lawa na á pɛ nɛ: «Toa n sii lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.»

Zozoe 18:1

Izirayeli zaman tumaa nə́ n lɛ sɔkɔn Siiloo. Ǹ nə́ kɔn yɛ ka Lawa nɛ ǹ mɔnaa kion kɛ doa walan. Bɛ á zɛnɛɛ, bɛ̀ ǹ nə́ boo gána lɛ la.

Zozoe 3:14

Zaman lɛ bɛ́ á yoo á n bɔ a giã ǹ bǎã nɛ á n die Zurdɛ̃ tà kuri, wúlu-bɔlen mɛnɛn nə goã lɛ kɔ kɔn la ǹ goo lɛ guĩ bɛn nə́ mɛ ǹ nyɛɛnɛ.