Nya ǹ dín 7:3 - LAWA A BOO SONBORE

³ Lawa na á pɛ nɛ: «Soo n nə n gána toa walan, ka n di a kion ne, masɛ bɛ́ re gána mɛn nyɛɛ n nɛ, n wo bɛ nɛ.»

LAWA A BOO SONBORE 2011

³ Lawa na á pɛ nɛ: «Soo n nə n gána toa walan, ka n di a kion ne, masɛ bɛ́ re gána mɛn nyɛɛ n nɛ, n wo bɛ nɛ.»

Nya ǹ dín 7:3 ပူးပေါင်းရင်းမြစ်များ

Siin Giala 12:1

Dɛnaa pɛ Abramu ni: «Soo n nə n bɔ n gána nɛ, n nə n kiwi laanka ǹ dikion toa walan. Ma bɛ́ re gána mɛn nyɛɛ n nɛ, n wo walan.

Siin Giala 15:7

Á pɛ-n kɛnɛn doo: «Masɛ Dɛnaa din ni má n bíi, má soo n ne, má n bɔ Uuru kiwi *Baabilonii gána nɛ, man die gána kɛ lɛ koe n la, a n wɔ baa.»

Siin Giala 20:13

Lawa bɛ́ á masɛ bíi, á ma bɔ wɔ dikion, a masɛ baa bibiə̃ wole lɛa lɔn, má pɛ Saaraa-n kɛnɛn: «Wɔ bɛ́ re woe bǎã woo bǎã nɛ, ma bɛ́ n nyankoe, máa n sii sonbore mɛn zɛnaa ma nɛ, bɛ n ka kɛ nɛ: A pɛ, mà n miãgiĩ n ka masɛ nɛ.»

Nehemii 9:8

Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.

Matiə 10:37

Min mɛn bɛ́ ǹ di hinlaa ǹ dan narɛ á la masɛ nɛ, bɛa dɛnaa doamaa bie ka masɛ-n wa; min mɛn bɛ́ a nɛgiĩ hinlaa a nɛlɔ narɛ á la masɛ nɛ, bɛa dɛnaa doamaa bie ka masɛ-n wa.

Luku 14:33

Bɛa yɔrɔ kɛ lɛ la, min woo min tá ka bii, a ná a ba n yii boe a gɔn màn-a wa, bɛ ba boe la a masɛ a kialandɛnaa baa wa.

Nya ǹ dín 7:4

Abrahamu tɔ́n soo á n bɔ *Kaldee minin gána nɛ, á daa giã Aaran. Ǹ di a gɛ̀ kio, Lawa tɔ́n bɔ walan á dia gána kɛ nɛ, bɛa gána lɛ n ke ka tá a-n sisia.

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Zozoe 24:3

Ma din ni má ka digolo Abrahamu bɔ tà lɛ kio má soo ne. Ma din ni má mɛ a nyɛɛnɛ má n bibiə̃ ne Kanaan gána tumaa nɛ, má a tɔrɔn mɔnaa: Ma din ni má Izaaki kɔ la,