Nya ǹ dín 7:25 - LAWA A BOO SONBORE

²⁵ A na á goã mà a n nyɛɛ ǹ dɔɔ̃nɔn lɛn manɛ, mà Lawa n die ǹ mìi sii ka asɛ pàã nɛ, sɛnɛ, bɛn na a giala ma wa.

LAWA A BOO SONBORE 2011

²⁵ A na á goã mà a n nyɛɛ ǹ dɔɔ̃nɔn lɛn manɛ, mà Lawa n die ǹ mìi sii ka asɛ pàã nɛ, sɛnɛ, bɛn na a giala ma wa.

Nya ǹ dín 7:25 ပူးပေါင်းရင်းမြစ်များ

Kiin2 5:1

Siirii gána a kii a sɔraasin goledɛnaa n ka Naaman nɛ. Barka goã a sii ni kii lɛ gɔn parsiini. Kii lɛ goã sàn koe ka a sii-n wa. A giala, Naaman lɛ din ni, Dɛnaa Lawa goã á gɔ̀lɔ̀baa kɔ Siirii minin la a gɔn. Sɛnɛ, Naaman lɛ, bɛa zia-baali sonbore kɛ lɛ, gɔ̀nɔn ki busu babaraa na á goã a ganaa.

Loen 106:7

Wɔ digolon nə goã, ǹ nə́ màn kɔn giala ma, n kaãbaa ǹ siin kɛn zɛnaa gɔ́ɔ̃ nɛ Ezipti wa. Ǹ yiri bɔ ka bǐɛ̃ gigiã kɛ nɛ, ń zɛnaa ǹ nɛ. Ǹ bɛ́ ǹ nə́ dɔ Sawɛɛ tà kɛ lɛ-a, ǹ nə́ n gɔ́ɔ̃ tii Lon a Lawa gole kɛ ganaa.

Bɔ bɛ̀rɛbaa nɛ 2:12

A bɛ́ á n yɔrɔ bɔyaa á ga a paran tumaa li, á dɔ̃ mà min banban, á Ezipti gána min lɛ dɛ, a ná a gere duru nyɔɔsɔ̃ giulun.

Marki 9:32

Sɛnɛ, a kialandɛnan nə bɛa boo kɛ lɛ giala ma wa, a nɔ̀n damala dɔ na á goã nyɛ́ɛ lɛa ǹ ganaa.

Luku 18:34

Sɛnɛ, kialandɛnan lɛn nə bɛa boon kɛn lɛn giala ma wa. Bɛa boo kɛ lɛ na á goã tì ǹ yɔrɔ-a. Yezu bɛ́ màn mɛn pii ǹ ni, ǹ ba a giala miɛ wa.

Luku 9:45

Sɛnɛ, a kialandɛnan lɛn nə bɛa boo kɛ lɛ giala ma wa. A na á goã boo-durii lɛa ǹ yɔrɔ-a, màn mɛn bɛ́ toɛ, ǹ baran a giala ma wa. Ka bɛ dɔ nɛ, nyɛ́ɛ na á goã ǹ-a ǹ nɔ̀n da Yezu la bɛa boo kɛ lɛ wɔ gɔn la.

Nya ǹ dín 14:27

Ǹ bɛ́ ǹ nə́ dɔ Antiɔsi, ǹ nə́ Lawa a sɔmɔ minin lɛ sɔkɔn. Lawa sii mɛn din tumaa zɛnaa ǹ gɔn, ka bɛ dɔ nɛ, a n dɔ ǹ lɛ lɔn tɔrɔ kɔsɔn nə́ lɛ kɔ ǹ nə́ wɔ golee Lawa li ǹ zii kɛ nɛ, ǹ nə́ bɛ laakalaa.

Nya ǹ dín 15:4

Ǹ bɛ́ ǹ nə́ dɔ Zeruzalɛmu, Lawa a sɔmɔ minin ni, dia dí-a wolen ne, ka nyɛɛnaandɛnan nə́ n da ǹ lɛ sɔnbɔraanɛ. Lawa dí mɛn tumaa nya ǹ gɔn, ǹ nə́ bɛ yii laakalaa ǹ nɛ.

Nya ǹ dín 15:7

Liere lɛ bɛ́ á sasa kɔ, Piɛrɛ nə́ n lɛ bũ á pɛ: «Ma dɔɔ̃nɔn lɛn, táa ka á doɛ̃ mà Lawa na á masɛ bɔ ka bii a giala koe li, màn mɛn bɛ́ toɛ, ma boo tii kɔɔ̃n pɛ tɔrɔ kɔsɔn manɛ, ǹ lɛ kɔ a ganaa ǹ golee Yezu li.

Nya ǹ dín 21:19

A bɛ́ á fòo da ǹ nɛ á nya, Lawa dí mɛn tumaa nya a gɔn tɔrɔ kɔsɔn bii, Pooli bɛ laakalaa ǹ nɛ ka tɛrɛɛ nɛ.

Nya ǹ dín 7:24

Á Ezipti min goon yɛ ǹ dɔɔ̃n goon nɔmiɛ. Á ǹ dɔɔ̃n lɛ a gɛ̀ dòo si, á Ezipti min lɛ dɛ á gã.

Nya ǹ dín 7:26

A lɛawaa, á woo Izirayeli minin min paa yaa zia diɛ. Á wɔ ǹ bii ni, mà a nə ǹ kiɛ kun, á pɛ ǹ nɛ: «Maa giaáran lɛn! Wàa na á baa ka tá fuu nyɛɛ kɔn nɛ, táa ka n dɔɔ̃nɔn lɛa.»

Rɔmu minin 15:18

Masɛ a re n foo taɛ̃ ma màn kɔ́n boo da wa, bɛ̀ á n bɔ Krita din nə ǹ mɛnɛn zɛnaa ma gɔn, á tɔrɔ kɔsɔn bíi, á ǹ kaa Lawa bɔlɔ-sii ganaa. A na á bɛa di lɛ nya maa boo laanka maa sii-zɛnaan barka nɛ,

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 3:9

Wɔsɛn man kun Lawa a dí-nyalin lɛa, kasɛn man Lawa a wuru lɛa, á n kɔsɛ. Lawa bɛ́ kion mɛn dɔ doe, ka ǹ bɛ lɛa.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Sii yɔrɔ-bɔlen 15:12

Ǹ nə́ pɛ Sansɔn nɛ: «Wɔ n wɔ́ daa n kũ wɔ nə́ n yii, wɔ n die n koe Filisiti minin lɛn la.» Sansɔn tɔ́n pɛ ǹ nɛ: «Ka n liɛ, mà ka dininmaan ba re ma dii wa.»

Samayeli1 14:45

Zaman lɛ pɛ Sayulu ni: «Zonaatan lɛ n die giɛ̃ koɛ, asɛ mɛn nə́ ke, á gɔ̀lɔ̀baa gole kɛ yɛ, Izirayeli a lɛa? Bɛ boo bie wa! Dɛnaa Lawa Yiikoonanaa tɔ taman yii, a mìi ka goon ba re papaɛ̃ wa. A giala, a màn mɛn din nya pelo dinin, Lawa a dɔmalɛ nɛ.» Zaman lɛ Zonaatan si bɛa gɔn kɛ lɛ la á da. A gã wa.

Samayeli1 19:5

Á n din kɔ gɛ̀ la, á Filisiti min lɛ dɛ, Dɛnaa Lawa gɔ̀lɔ̀baa gole kɔ Izirayeli minin tumaa la. Ń bɛ yɛ, á n foo kɔɔ̃n kɔ. Davida sii kɔn la wa. Wàa na á baa n tá re Davida dii, n zɛ̀rɛbaãnaa kɛ mà kaa, á sii baraa zɛnaa?»