Nya ǹ dín 7:15 - LAWA A BOO SONBORE

¹⁵ Zakɔba a da Ezipti gána nɛ n ka bɛ nɛ. A na á gã walan, ka wɔsɛn digolon lɛn dɔn nɛ.

LAWA A BOO SONBORE 2011

¹⁵ Zakɔba a da Ezipti gána nɛ n ka bɛ nɛ. A na á gã walan, ka wɔsɛn digolon lɛn dɔn nɛ.

Nya ǹ dín 7:15 ပူးပေါင်းရင်းမြစ်များ

Siin Giala 46:1

Zakɔba ná a mànan tumaa goa, á yoo á zii kũ. A bɛ́ á dɔ Bɛɛr-Sebaa kiwi, á wúlu bɔ ǹ di Izaaki a Lawa-n walan.

Siin Giala 47:30

Bɛ̀ ma gã, n ma gere saa Ezipti, n wo bĩ ma digolon gere bĩ ǹ bǎã nɛ.» Zozɛfu ná a lɛ si: «N pɛ lɔn, ma á re zɛnɛɛ miɛ̃.»

Siin Giala 49:33

Zakɔba bɛ́ á n gɔn waa a nɛnyaanan lɛn nɛ, á nya, á n gòãn zɛnaa, á waa tán a piì la, a fɔfoã kuru, á n ti ǹ digolon ganaa.

Loen 105:23

Bɛ kio, Zakɔba lɛ, a tɔ n Izirayeli dɔn, bɛ́ bɔ Kanaan gána kɛ nɛ, á daa giã Ezipti.

Bɔ bɛ̀rɛbaa nɛ 1:6

Bɛ kio Zozɛfu daa á gã. Ǹ dɔɔ̃nɔn laanka bɛa biikoo minin kɛn lɛn tumaa daa ǹ nə́ gã.

Bɔ bɛ̀rɛbaa nɛ 13:19

Muizu nə́ ǹ digolo Zozɛfu wen goa. A giala, Zozɛfu dinmaa na á goã á laa Izirayeli nɛnyaanan lɛn ganaa, mà ǹ nə n liɛ, mà ǹ tá re woe ka asɛ wen ne. Á pɛ ǹ nɛ: «Sàabaa ba la wa, Lawa á die bǐɛ̃ zɛnɛɛ ka nɛ. Bɛa biikoo li, ka masɛ wen waa, ka ǹ bɔ kànaa.»

Minin nimi 20:15

Wɔ digolon man nə́ goã ǹ nə́ woo Ezipti gána-n lɛlɛ, wɔ́ goã walan wɔ́ belebɔ. Sɛnɛ, Ezipti minin lɛn nə́ bɔ wɔ yii ni, wɔ laanka wɔ digolon lɛn nɛ.

Timəə dí-pɛn 10:22

Ka digolon bɛ́ woe Ezipti, bɛ̀ man min pɔsɔbaa dinsɔɔ̃. Sɛnɛ, sisia, kaa Lawa, Dɛnaa Lawa á ke á ka mɔnaa, ka lon a leeren bɛ́ lɔn.

Timəə dí-pɛn 26:5

Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.

Zozoe 24:32

Izirayeli minin lɛn nə bɔ ka Zozɛfu wen mɛnɛn nɛ Ezipti gána nɛ, ǹ nə́ bɛn dɔn bĩ Sisɛmu. Ǹ nə ǹ bĩ bǎã mɛn nɛ, Zakɔba na á goã á bɛa bǎã lɛ pii Sisɛmu kiwi lɛ a koa wole Hamɔɔrɔ tɔrɔn lon, wɔrɔ we paabiɛ. Bɛ na á Zozɛfu tɔrɔn lɛn kíɛ̃ baa.

Zozoe 24:4

ma tɔ́n Zakɔba laanka Ezawu kɔ Izaaki la. Ma din ni má Seyiiri a kele yii kɛ kɔ Ezawu la má a giã a nɛ. Zakɔba laanka a nɛnyaanan sɛn nə́ woo Ezipti gána nɛ.