Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nya ǹ dín 6:7 - LAWA A BOO SONBORE

7 Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

အခန်းကိုကြည့်ပါ။ ကော်ပီ

LAWA A BOO SONBORE 2011

7 Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

အခန်းကိုကြည့်ပါ။ ကော်ပီ




Nya ǹ dín 6:7
25 ပူးပေါင်းရင်းမြစ်များ  

Lawa a wúlu-bɔlen mɛnɛn bɛ́ ǹ tan, ǹ ba mɔnaa nɛ duduu wa, ǹ tɔɔ mɛn tumaa dɛ wúlu màn tiɛ̃ lɛa, ǹ ba boe la ǹ tá a ki boe wa. Ǹ dɔɔ̃nɔn Levii tɔrɔn nə́ n dɔ ǹ lɛ ǹ nə́ dí lɛ gɔn nyɔmɔɔ, bɛ̀ ǹ baa n yii diɛ Lawa a wúlu-bɔle kɔsɔn din yoreen kɔ la. Taãn nɛ, Levii tɔrɔn lɛn nə́ golee din yoreen kɔ li á la Lawa a wúlu-bɔlen manɛ.


Bɛ lɛ nɛ, Zudaan kii Ezekiasi dii gɔ̀lɔ̀ duu goon (1 000) ka sère duu bsɔbaa (7 000) kɔ zaman lɛ la. Kiãn nə́ dii gɔ̀lɔ̀ duugoon kɔ ǹ la, ka sère duu fù (10 000) ni. Ka bɛ dɔ din ni, Lawa a wúlu-bɔle gigiã nə́ n din yoreen kɔ.


Ma din tá re ma pàã koe a wúlu-bɔlen kɛn lɛ, ma ǹ kirisibaa. A min sonboren kɛn tá re n nyɛnyɛɛ ka lɛn gole ne.


N din pàã die a n minin kirisibaa, toa bɛ lɛ kɔ n wúlu-bɔlen kɛn lɛ ka mɔnaa bɛ́ lɔn. N din a min sonboren kɛn, bɛn die ǹ nə n nyɛnyɛɛ ka lɛn gole ne,


Pelo a nyɛɛnaandɛnaa gigiã á re kiodɛnan biɛ, pelo a kiodɛnaa gigiã dɔ á re nyɛɛnaandɛnan biɛ.


Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.


A laan ka bɛ nɛ, nyɛɛnaandɛnan lɛn dininmaan bii, min gigiã golee li. Sɛnɛ, Fariziɛ̃n lɛn taman yii, ǹ yii wɔ ǹ nə nyaa minin yɔrɔ-a wa, màn mɛn bɛ́ toɛ, ǹ baran ǹ loo ǹ nə ǹ bɔ lɛsɔkɔn kion wa.


Lawa a boo lɛ sɛ na á goã n diɛ wɔlɔ la woe.


Sɛnɛ, Bara-Yezu lɛ, a tɔ kɔsɔ n Elimasi, bɛ giala mà "Koe siin-zɛnaali", bɛ́ Barnabaasi laanka Sooli liere kɔ, a na á goã giɛ li a kii lɛ kurəə golee Lawa li ganaa.


Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.


Bɛa yɔrɔ kɛ la, Dɛnaa din a boo kɛ na á goã n pii ka pàã nɛ, a ná a din a boo sii la kɛ nyɛɛ.


Maǹ nə́ goã Lawa tɔ boe, min tumaa dɔ goã boo sonbore diɛ ǹ wɔ gɔn la. Lawa bɛ́ min mɛnɛn kirisibiɛ, a na á goã bɛn kiɛ a din a zaman lɛ li baraabaraa.


Min mɛnɛn nə n too kɔ Pooli lon, bɛn nə́ Lawa tɔ bɔ. Bɛ kio ǹ nə́ pɛ nɛ: «Wɔ dɔɔ̃ngiĩ ganaa, n yii tá a ganaa Zuifu gigiã gigiã Lawa-nyankɔle baa, ǹ tumaa dɔ n Lawa a dí-pɛn lɛn kuĩ ka ǹ foo ne.


Bɛa biikoo kɛ lɛ li, màn mɛ Yezu a kialandɛnan lɛn li, ǹ nə́ mɔnaa. Zuifun mɛnɛn nə́ bɔ bǎã kɔsɔn nɛ, ǹ nə́ Grɛki bɔlɔ pii, bɛn nə́ goã gungunun sii gána gɔ́ɔ̃ wɔn kɛn ganaa, a giala, mà maǹ màn-bii gii baraabaraa, ǹ ba ǹ lɔ giɔɔrɔn goe taãn wa.


A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.


Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.


Yǎa ǹ bɛ́ miɛ min kɔsɔn nə́ pii: «Min mɛn goã boe wɔ yii-n lɛlɛ, á n wɔa goleemali ziziɛ̃, bɛ lɛ din nə goleemali boo laakalɛɛ kanna.»


A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.


Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.


A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.


Bɛa Boo Tii Kɔɔ̃n kɛ lɛ a lɛa nɛ, ma á nɔmiɛ, minin nə́ fɔlɔ biɛn kiɛ ma ganaa, ka man má sii la. Sɛnɛ, ǹ bɛ́ ǹ nə́ masɛ yii lɔn, Lawa a boo bɛ́ a yii-n miɛ̃ wa!


Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.


A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.


Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.


Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ