Nya ǹ dín 6:14 - LAWA A BOO SONBORE

¹⁴ Wɔsɛn ná a lɛ ma pii, mà Nazarɛtin Yezu dɛnaa kɛ lɛ n die Lawa a kion lɛ wurii, Muizu landa siin mɛnɛn nyaa wɔsɛn manɛ mà wɔ zɛnaa, mà a n die bɛn bɔyɛɛ.»

LAWA A BOO SONBORE 2011

¹⁴ Wɔsɛn ná a lɛ ma pii, mà Nazarɛtin Yezu dɛnaa kɛ lɛ n die Lawa a kion lɛ wurii, Muizu landa siin mɛnɛn nyaa wɔsɛn manɛ mà wɔ zɛnaa, mà a n die bɛn bɔyɛɛ.»

Nya ǹ dín 6:14 ပူးပေါင်းရင်းမြစ်များ

Izayii 65:15

Ma min mɛnɛn bɔ má ǹ koa, ka tɔ n die goɛ̃ lɛn baraa bíi ǹ màn lɛa bɛn gɔn: «Dɛnaa Lawa toa n gã ka min kɛ bɛ́ lɔn!» Sɛnɛ, min mɛnɛn bɛ́ dí nyɛɛ ma nɛ, tɔ kɔsɔ n die n koe bɛn ganaa.

Zeremii 26:12

Sɛnɛ, Zeremii pɛ gána nyɛɛnaandɛnan lɛn manɛ ka zaman lɛ tumaa-n kɛnɛn: «Ka boo mɛn tumaa ma Lawa a kion kɛ laanka Zeruzalɛmu a paǹ li, Dɛnaa Lawa na á ma da a pɛ ganaa.

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Ozee 3:4

A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Zakarii 11:1

Liban gána, n kiɛnlɛn bũ tɛ nə n *sɛdrə dan kɛn kũ!

Zakarii 14:2

Ma á re tɔrɔn tumaa soekɔn ǹ yoo kaa kiwi gialaa. Ǹ tá re Zeruzalɛmu kiwi kuĩ, ǹ na a gɔn mànan kokoo a kionən ne. Ǹ tá re ǹ lɔn kuĩ ka pàã nɛ. Ǹ tá re ǹ zaman talɛɛ goɛ ǹ wo ǹ ne, sɛnɛ, ǹ gialakun kɛ á re goɛ̃ kiwi lɛ nɛ.

Matiə 26:61

ǹ nə́ pɛ: «Giĩ kɛ lɛ pɛ mà asɛ á boe la a Lawa a kion kɛ wuru, asɛ wusoo a kɔsɔ dɔ lɛawaa sɔɔ gɔ́ɔ̃ nɛ.»

Marki 14:58

mà ǹsɛn nə́ ma a lɛ-n, mà minbuiinin nə Lawa a kion mɛn dɔ ka ǹ gɔn nɛ, mà asɛ á die bɛ lɛ wurii, a wusoo a kɔsɔ dɔ lɛawaa sɔɔ gɔ́ɔ̃ nɛ, min gòɛ̃ ná a ba a-n wa.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Luku 21:6

«Lɛawaan tá re die, ka yii bɛ́ kion mɛn-a ke lɛn, a kɔlɔ kɔ́n ba re goɛ̃ ǹ miã lalan wa. A din tumaa á re kiɛ.»

Zaã a sɛ́wɔ 2:19

Yezu tɔ́n pɛ ǹ nɛ: «Ka Lawa a kion kɛ wuru, masɛ n wusii ma dɔ lɛawaa sɔɔ gɔ́ɔ̃ nɛ.»

Zaã a sɛ́wɔ 4:21

Yezu tɔ́n pɛ nɛ: «Lɔ lɛɛ, golee masɛ li. Biikoo kɔ́n tá re doe, ka bie re Díi Lawa guguru koe Samarii kele kɛ la wa hinlaa Zeruzalɛmu kiwi wa.

Nya ǹ dín 15:1

Min tɛnɛn nə́ bɔ Zudee gána nɛ ǹ nə́ daa Antiɔsi kiwi. Maǹ Lawa-nyankɔlen darɛɛ mà bɛ̀ ǹ nə n dinin kuru á kɔnpɛ ka Muizu a dí-pɛn kɛn nɛ wa, mà ǹ ba boe la ǹ kirisibaa wa.

Nya ǹ dín 21:21

Sɛnɛ, maǹ boon kɛn diɛ n wɔ gɔn la: Mà n daraa lɛ n toɛ Zuifun mɛnɛn bɛ́ giã-n tɔrɔ kɔsɔn bii, bɛn tá Muizu a dí-pɛn lɛn toɛ walan, mà ma n pii ǹ ni mà ǹ baran ǹ nɛnyaanan kuru doo wa, mà ǹ baran kɔ ǹ landa siin lɛn dɔn lɛ wa.

Nya ǹ dín 25:8

Pooli na á goã pii a din wɔ gɔn la: «Ma sii kɔ́n zɛnaa á Zuifun landa ziziɛ̃ wa, ma Lawa a kion kɛ a soɛ̃ sii kɔ́n zɛnaa wa, ma màn kɔ́n da Rɔmu a kii gole gole lɛ dɔ ganaa wa.»

Nya ǹ dín 26:3

A giala, n din tá wɔsɛn Zuifun landa siin tumaa doɛ̃ taãn-taãnɛ, ka wɔa liere kɔ ǹ siin ni. Ma nə n nyankoe n foo kũ n nə n too kɔ ma lon.

Nya ǹ dín 28:17

Lɛawaa sɔɔ bɛ kio, Pooli lɛ dia Zuifun nyɛɛnaandɛnan la. Ǹ bɛ́ ǹ nə́ daa n lɛ sɔkɔn, á boon kɛn da ǹ nɛ: «Ma dɔɔ̃ngiĩn lɛn ganaa, ma sii la ma tɔrɔ minin la wa, ma wɔ digolon landa sii kɔ́n sàabaa wa, sɛnɛ, maǹ nə́ masɛ kũ ǹ nə́ ma da kòso-n Zeruzalɛmu, ǹ nə́ ma wɔ Rɔmu minin gɔn.

Galaasi minin 3:19

Dí-pɛn man nə́ daa wàa mɛn a lɛa kəni? Maǹ nə́ daa, ń giɛ màn mɛn bɛ́ sii baraa lɛ lɛa taãnɛ, wɔ bɛ dɔ̃. Lon a dia dí-a wolen man nə́ bɛa dí-pɛn kɛn lɛn kɔ. Ǹ nə́ min goon baa zɛlɛ lɛa, Muizu ni. Maǹ nə́ dí-pɛn lɛn kɔ, mà ǹ goã yǎa Abrahamu tɔrɔ kɛ lɛ a daa doe, lɛ-kɔ nə n wɔ asɛ mɛn lɛ nɛ.

Galaasi minin 3:23

Goleemali biikoo bɛ́ a tɔn dɔ wa, wɔ n wɔ́ goã bɛ̀rɛn lɛa dí-pɛn gɔn. Wɔ ǹ wɔ́ goã n yii diɛ bɛa goleemali kɛ lɛ la.