Nya ǹ dín 6:1 - LAWA A BOO SONBORE

¹ Bɛa biikoo kɛ lɛ li, màn mɛ Yezu a kialandɛnan lɛn li, ǹ nə́ mɔnaa. Zuifun mɛnɛn nə́ bɔ bǎã kɔsɔn nɛ, ǹ nə́ Grɛki bɔlɔ pii, bɛn nə́ goã gungunun sii gána gɔ́ɔ̃ wɔn kɛn ganaa, a giala, mà maǹ màn-bii gii baraabaraa, ǹ ba ǹ lɔ giɔɔrɔn goe taãn wa.

LAWA A BOO SONBORE 2011

¹ Bɛa biikoo kɛ lɛ li, màn mɛ Yezu a kialandɛnan lɛn li, ǹ nə́ mɔnaa. Zuifun mɛnɛn nə́ bɔ bǎã kɔsɔn nɛ, ǹ nə́ Grɛki bɔlɔ pii, bɛn nə́ goã gungunun sii gána gɔ́ɔ̃ wɔn kɛn ganaa, a giala, mà maǹ màn-bii gii baraabaraa, ǹ ba ǹ lɔ giɔɔrɔn goe taãn wa.

Nya ǹ dín 6:1 ပူးပေါင်းရင်းမြစ်များ

Zɔbu 29:13

Min mɛnɛn bɛ́ ka ǹ daa ǹ gã, bɛn man barka diɛ ma ganaa. Maa zɛnaa ǹ sii na á goã kiɛ lɔ giɔɔrɔn foo la.

Zɔbu 31:16

Doobaa bin nyankɔ ma la má nu wa, ma bin toa lɔ giɔɔrɔ nə́ n yii da ma gɔn li á fɔ̃ wa.

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Loen 72:16

Lawa die a gána lɛ a màn-kɔsiɛ bǐɛ̃ kɔ parsiini. A toa a kele mìi ni ǹ wuru màn tumaa ma sɔnbɔraanɛ, ǹ bǐɛ̃ kɔ ka Liban gána a kelen kɛn bɛ́ lɔn. A die a toa kiwin lɛn dɔ nə pã ka minin ni, ka don bɛ́ piɛ̃ ka buu-n lɔn.

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Zeremii 30:19

LOE laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Nya ǹ dín 11:20

Sɛnɛ, ǹ gialakunun mɛnɛn bɛ́ Siipri gána laanka Sirɛni kiwi minin lɛa, bɛn nə́ woo Antiɔsi, ǹ nə́ Dɛnaa Yezu a boo kɔɔ̃n kɛ pɛ tɔrɔ kɔsɔn dɔn manɛ.

Nya ǹ dín 11:26

Á woo yaa á kũ, á daa-n Antiɔsi kiwi. Ǹ nə́ lɛ̀ goon tumu zɛnaa, bɛ̀ ǹ nə́ dí nyɛɛ kun bɛa Lawa a sɔmɔ minin lɛn nɛ Antiɔsi, ǹ nə́ zaman gole darɛɛ. Ǹ Lawa-nyankɔlen bíi Krita wɔn, bɛ na á n giala kɔ Antiɔsi kiwi bibinaa nɛ.

Nya ǹ dín 11:29

Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Nya ǹ dín 2:45

Maǹ nə́ goã ǹ wurun siɛ̃ ka ǹ gɔn mànan nɛ, ǹ ná a giɔ̀mɔ gii kɔn, a n kɔnpii ka didie laadoo ne.

Nya ǹ dín 2:47

Maǹ nə́ goã Lawa tɔ boe, min tumaa dɔ goã boo sonbore diɛ ǹ wɔ gɔn la. Lawa bɛ́ min mɛnɛn kirisibiɛ, a na á goã bɛn kiɛ a din a zaman lɛ li baraabaraa.

Nya ǹ dín 4:35

ǹ nə́ ǹ koe dia dí-a wolen lɛn la. Ǹ nə́ goã gii, didie ná a wɔ gii yii á kɔnpii ka a laadoo ne.

Nya ǹ dín 4:4

Sɛnɛ, minin mɛnɛn nə n too kɔ boo laakalaa lɛ li, bɛn gigiã golee Lawa li. Lawa a zaman lɛ tumaa woo dɔ min duu sooro (5 000) kɛ miã.

Nya ǹ dín 5:14

Màn na á goã miɛ zaman gole kɛ li die golee Dɛnaa Yezu li, giĩ gigiã nɛ ka lɔ gigiã nɛ, bɛn man nə́ goã kiɛ Lawa a zaman lɛ li.

Nya ǹ dín 5:28

«Táa wɔsɛn nə́ pɛ wɔ́ laa ka ganaa, wáa ka baran minin daraa bɛa tɔ kɛ lɛ ganaa wa. Á ke, ka kaa daraa lɛ wɔ Zeruzalɛmu kiwi minin tumaa yiri ni. Ka ǹ li mà giĩ kɛ lɛ a gɛ̀ dɔlɔ wɔsɛn kũ?»

Nya ǹ dín 6:2

Dia dí-a wole fulupaa lɛ lɛ dia kialandɛnan lɛn la lɛsɔkɔn gole ganaa, ǹ nə́ pɛ: «Dɔɔ̃nɔn lɛn, a siĩni wɔsɛn nə Lawa a boo lɛ a pɛ toa walan, wɔ da ga màn-bii sii walan wa.

Nya ǹ dín 6:7

Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

Nya ǹ dín 9:29

Zuifun mɛnɛn nə goã Grɛki bɔlɔ pii, liere wɔ Sooli laanka bɛn bii ni. Sɛnɛ, maǹ nə́ goã giɛ li mà ǹ dɛ a gã.

Nya ǹ dín 9:39

Piɛrɛ bɛ́ á bɛ ma lɔn gɔrɔ, á yoo á woo kun ka min paa lɛ nɛ. A bɛ́ á dɔ Zoopee kiwi, ǹ nə́ woo ne sanabolo kion kɛ nɛ. Lɔ giɔɔrɔ lɛ tumaa na á goã golee ne a yɔrɔ-a wuu pii, bɛ̀ ǹ nə́ dɔnkɛ bɔnboɛɛnɛn laanka a dadaran nyɛɛ nɛ, Dɔrkaasi goã mànan mɛnɛn zɛnɛɛ bɛ̀ a yii bɛ́ tɔn koo.

Nya ǹ dín 9:41

Piɛrɛ kũ a gɔn ganaa, á n dɔ lɛ á yoo lon. Á tɔ́n lɔ giɔɔrɔn lɛn bíi, ka Lawa-nyankɔle gialakunun kɛn nɛ, á Tabita lɛ nyaa ǹ nɛ a yii n koo.

Rɔmu minin 12:7

Bɛ̀ dí yɔrɔ bɔ na á n kɔ min mɛn la, a dɔ dí yɔrɔ bɔ. Bɛ̀ minin daraa na á n kɔ min mɛn la, bɛ dɔ minin daraa.

Korɛnti1 10:10

Wɔ nyan gungunun si dɔn, ka ǹ dɔn min tɛnɛn bɛ́ ǹ nə́ gungunun si lɔn wa. Bɛ lɛ a lɛa nɛ, lon a dia dí-a wole mɛn bɛ́ gɛ̀ dii, bɛ nə́ ǹ tumaa dɛ ǹ nə́ gã.

Korɛnti2 11:22

Bɛ̀ maǹ *Ebrəən lɛa? Masɛ dɔ na a lɛa. Bɛ̀ maǹ Izirayeli minin lɛa? Masɛ dɔ na a lɛa. Bɛ̀ maǹ Abrahamu tɔrɔn lɛa? Masɛ dɔ na a lɛa.

Timəə dí-pɛn 26:12

Lɛ̀ sɔɔ woo lɛ̀ sɔɔ, ka màn mɛn yɛ kaa tán-kɔsiɛ gɔ́ɔ̃ nɛ, ka a fùbaa ǹ wɔ tumaa bɔ. Bɛ̀ ká bɔ, ka kɔ Levii tɔrɔn kɛn la, gùlin ni, nɛ toenən ne ka lɔ giɔɔrɔn nɛ, màn mɛn bɛ́ toɛ, ǹ dɔn nə màn bii ǹ dinin bǎã nɛ ǹ kã.

Filipi minin 3:5

Maǹ nə́ masɛ kuru maa yɛ lɛawaa kiwisibaa ǹ wɔ pinaa, má yɛ Izirayeli min lɛa Bɛnzamɛn tɔrɔ lɛa, *Ebrəə goarɛ n ka ma nɛ. Bɛ̀ Zuifun landa dɔ wɔ a paǹ nɛ, man má goã *Fariziɛ̃ lɛa sɔɔ̃nɛ.

Timote1 5:3

Lɔ giɔɔrɔn mɛnɛn bɛ́ min ná a ba ǹ la wa, ga bɛn walan, n nə ǹ guguru kɔ.

Timote1 5:9

N bɛ́ re lɔ giɔɔrɔ mɛn tɔ diɛ lɔ giɔɔrɔn sɛ́wɔ nɛ, yǎa a kiɛ̃ lɛ̀ pɔsɔrɔ la. Ka bɛ dɔ nɛ, yǎa a goɛ̃ zuũ yɛ giĩ goon li wole lɛa.

Ebrəə 13:1

Ka toa dɔɔ̃nbaa ǹ kɔn-narɛɛ goã ka bii.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.

Zaaki 4:5

Lawa a boo na á pɛ: «Lawa yiikoonaabaa ǹ fɔfoã mɛn da wɔ nɛ, a n zuũ boe bɛ la.» Ka n taasɛ mà boo kooro na á diɛ kən le?

Zaaki 5:9

Ma dɔɔ̃nɔn lɛn, ka nyan kiri da kɔn la wa, màn mɛn bɛ́ toɛ Lawa baran kiri wɔ ka ganaa wa. Min mɛn bɛ́ kiri kuri, bɛa daa dɔ á nya.