Nya ǹ dín 5:9 - LAWA A BOO SONBORE

⁹ Piɛrɛ tɔ́n wusoo á pɛ nɛ: «A na á saa lɔn ka kɔn wɔ ma kɛnɛn, ka wɔ Dɛnaa a Yiri Fu lon? Haya! Minin mɛnɛn nə wo n zuũ gere bĩ, bɛn nə́ wusoo ǹ nə́ daa, ma á ke ǹ gòã wuu miɛ kiɛnlɛ-a, maǹ die n dɔ gere siɛ.»

LAWA A BOO SONBORE 2011

⁹ Piɛrɛ tɔ́n wusoo á pɛ nɛ: «A na á saa lɔn ka kɔn wɔ ma kɛnɛn, ka wɔ Dɛnaa a Yiri Fu lon? Haya! Minin mɛnɛn nə wo n zuũ gere bĩ, bɛn nə́ wusoo ǹ nə́ daa, ma á ke ǹ gòã wuu miɛ kiɛnlɛ-a, maǹ die n dɔ gere siɛ.»

Nya ǹ dín 5:9 ပူးပေါင်းရင်းမြစ်များ

Siin Giala 20:13

Lawa bɛ́ á masɛ bíi, á ma bɔ wɔ dikion, a masɛ baa bibiə̃ wole lɛa lɔn, má pɛ Saaraa-n kɛnɛn: «Wɔ bɛ́ re woe bǎã woo bǎã nɛ, ma bɛ́ n nyankoe, máa n sii sonbore mɛn zɛnaa ma nɛ, bɛ n ka kɛ nɛ: A pɛ, mà n miãgiĩ n ka masɛ nɛ.»

Kiin2 6:32

Yiliizee na á goã giã-n tán a piɛ, min golen nə́ tán a genli. Kii lɛ min dia a nyɛɛnɛ. Sɛnɛ bɛa dɛnaa lɛ laan bɛ̀ a n doe Yiliizee li, Yiliizee pɛ min golen lɛn man kɛnɛn: «Ka ga! Gɛ̀-dɛle kɛ na á min dia, mà a da masɛ mìi na. Bɛ̀ bɛa dia dí-a wole kɛ lɛ dɔ lɔn gɔrɔ, ka kiɛnlɛ lɛ tã a nyɛɛnɛ, ka n da lɛ nɛ! A dɛnaagiĩ lɛ dinmaa wɔlɔ á die goɛ̃ kunu a kio.»

Loen 50:18

Bɛ̀ ń wurumu yɛ lɔn, n nə koe bɛ lɛ, n naarɛ-baalin yii, n nə n kun ka bɛn nɛ.

Loen 78:56

Bɛ tumaa kio, Izirayeli tɔrɔn nə́ n gòãn dii Lawa ganaa, ǹ nə́ n da Lon a Lawa Gole kɛ gɔ́ɔ̃ li, ǹ kɔ a da ǹ boon lɛ wa.

Bɔ bɛ̀rɛbaa nɛ 17:2

Zaman lɛ zia da Muizu ganaa, ǹ nə́ pɛ nɛ: «Mu kɔ wɔ la wɔ mi.» Muizu pɛ ǹ nɛ: «Wàa na á baa ka tá zia diɛ ma ganaa? Wàa na á baa ka tá n diɛ Dɛnaa gɔ́ɔ̃ li?»

Bɔ bɛ̀rɛbaa nɛ 17:7

Á bɛa bǎã kɛ lɛ bíi mà Maasaa ka Meribaa, bɛn giala mà "Damagɔ́ɔ̃ li" laanka "Zia da ma-a". Izirayeli nɛnyaanan zia kɛ lɛ a lɛa, ka ǹ da Lawa gɔ́ɔ̃ li kɛ nɛ, bɛ̀ ǹ bɛ́ ǹ nə́ pɛ mà Dɛnaa lɛ tá ǹsɛn bii hinlaa a banban.

Suusun 11:21

Sàabaa ba la wa, sii baraa zɛnaa wole wɔ n ka dɔlɔ nɛ. Sɛnɛ, min mɛnɛn bɛ́ sii sonbore zɛnɛɛ, bɛn tá re kirisibiɛ.

Suusun 16:5

Din gole-kɔlin tìĩ n boe-n Dɛnaa Lawa nyin ni, ǹ dɔlɔ bɔ ma-a a sàabiɛ wa.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Minin nimi 14:22

Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Matiə 4:7

Yezu tɔ́n pɛ nɛ: – Lawa a boo lɛ pɛ dɔn: «N baran n da n Dɛnaa Lawa gɔ́ɔ̃ li wa.»

Luku 16:2

á ǹ dia ǹ nə lɛ dia la. Á tɔ́n nɔ̀n da la mà a na á wàa sii zɛnaa ke? Mà a na a dí nya ǹ gɔn nyaa asɛ nɛ. Mà a kũ sisia ganaa mà a ba re asɛ gɔn mànan sii yɔrɔ boe doo wa.

Nya ǹ dín 15:10

Bɛ lɛ tɔ ganaa, a ba siĩni wɔsɛn nə wɔ Lawa lon wa. Wɔsɛn dinin laanka wɔ digolon bɛ́ wɔ boo la wɔ́ guĩ mɛn gũ wa, wɔsɛn ba siĩni wɔ bɛ da tɔrɔ kɔsɔ Lawa-nyankɔlen kɛn mìi-n wa.

Nya ǹ dín 5:6

Tɔntɔraan nə́ yoo ǹ nə́ màn pɛnɛ a gere ganaa, ǹ nə́ saa ǹ nə́ woo bĩ.

Rɔmu minin 10:15

A boo nə n diɛ lɔn, bɛ̀ á daa yaa min kɔ́n nə n dia bɛa dí lɛ tɔ ganaa wa? Ka a bɛ́ kiɛ̃-n lɔn: «Kɛ n foo kɔɔ̃n lɛa, dia dí-a wole mɛn bɛ́ die ka Boo Tii Kɔɔ̃n nɛ.»

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Korɛnti1 10:9

Wɔ nyan toa wɔ n da Dɛnaa gɔ́ɔ̃ li, ka ǹ dɔn min tɛnɛn bɛ́ ǹ nə́ zɛnaa lɔn wa. Bɛ lɛ nɛ, miɛ̃ nə́ ǹ tumaa yaga ǹ nə́ gã.