Nya ǹ dín 5:31 - LAWA A BOO SONBORE

³¹ Lawa na á ná a din lɛ saa lon, á koa gugurubaa ǹ bǎã nɛ a din gusin, kii lɛa, kirisibaali lɛa, màn mɛn bɛ́ toɛ, Izirayeli minin nə boo la, ǹ wusoo ǹ sii baraan kio, Lawa nə ǹ sii baraan toa ǹ nɛ.

LAWA A BOO SONBORE 2011

³¹ Lawa na á ná a din lɛ saa lon, á koa gugurubaa ǹ bǎã nɛ a din gusin, kii lɛa, kirisibaali lɛa, màn mɛn bɛ́ toɛ, Izirayeli minin nə boo la, ǹ wusoo ǹ sii baraan kio, Lawa nə ǹ sii baraan toa ǹ nɛ.

Nya ǹ dín 5:31 ပူးပေါင်းရင်းမြစ်များ

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Loen 89:24

A giala, mà ma á re a zɔ́ɔn tuturi a nyɛɛnɛ, ma á re a baa zɔ́ɔbaa wolen dii.

Izayii 43:11

Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Ezekieli 17:24

Bɛa biikoo li kəni, da mɛn tumaa bɛ́ don, ǹ tá re doɛ̃ mà ma din nə Dɛnaa Lawa lɛa. Da mɛn nə́ ke lon, ma din nə boe ma daa. Ǹ mɛn nə́ ke tán, ma din nə siɛ ma da lon. Da mɛn yii bɛ́ koo, ma din nə dii. Da mɛn bɛ́ á gã, ma din nə wusii ma a yii kaa. Masɛ Dɛnaa Lawa, bɛ̀ má boo mɛn da, man bɛ lɛ zɛnɛɛ.»

Ezekieli 34:24

Masɛ Dɛnaa Lawa n die ǹ Lawa biɛ, maa dí-nyali Davida n die ǹ nyɛnaandɛnaa biɛ. Ma din Dɛnaa Lawa má pɛ.

Ezekieli 37:25

Ma gána mɛn lɛ kɔ maa dí-nyali Zakɔba la, ka digolon nə goã ǹ nə́ giã gána mɛn lɛ nɛ, ka dɔn tá re giɛ̃ a nɛ, kaa nɛnyaanan laanka kaa nɔ̀ɔnɔn nə giã a nɛ, yǎa duduu. Maa dí-nyali Davida á re goɛ̃ kaa nyɛɛnaandɛnaa lɛa, yǎa duduu.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Matiə 1:21

A tá re nɛgiĩ yii, nsɛ Zozɛfu na a tɔ kɔ Yezu, bɛ giala mà "Lawa n wɔ boe", a din nə die a tɔrɔn kirisibiɛ ǹ sii baraan ganaa.»

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Marki 2:10

Sonbore, man li ka dɔ̃, mà pàã tá Min a Nɛgiĩ lon kanaa kɛ gɔ́ɔ̃ nɛ, a minin sii baraan toa ǹ nɛ. Yezu tɔ́n pɛ giĩ paǹ tumaa gere-a lɛ nɛ:

Marki 4:12

màn mɛn bɛ́ toɛ, a kɔnpɛ ka Lawa a boo kɛ nɛ: «Ǹ tá re giɛ ǹ yii laa, sɛnɛ, ǹ yii a re wɔlɔ yii wa, ǹ tá re n too koe ǹ nɔmaa, sɛnɛ, ǹ ba re boo miɛ wa. Bɛ bie wa, ǹ tá re wusii ǹ da Lawa li, Lawa dɔ á die ǹ sii baraan toɛ ǹ nɛ, sɛnɛ, bɛ bɛ́ a bie ǹ yii li ǹ sii lɛa wa.»

Luku 2:11

Pelo kɛ lɛ nɛ, Davida a kiwi, Kirisibaali na á yɛ kaa lɛa, Dɛnaa lɛ nɛ, Lawa bɛ́ á pɛ, mà asɛ á re Minin Nyin-sili mɛn lɛ diɛ.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Zaã a sɛ́wɔ 4:42

Ǹ nə́ goã pii lɔ lɛ nɛ mà asɛ a da ǹ boon kɛn dininsɔɔ̃nɔn bie ǹ nə́ toa ǹsɛn nə́ golee li wa. Mà ǹsɛn dininmaan ná a lɛ ma, mà ǹsɛn nə́ dɔ̃ mà a n kanaa minin kirisibaa wole lɛa sonbore.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 13:23

A kɔnpɛ a din a lɛ-kɔ nɛ, Lawa na á Izirayeli Minin Nyin-sili lɛ bɔ bɛa Davida kɛ lɛ tɔrɔ nɛ, bɛ n ka Yezu ni.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 2:36

Izirayeli minin tumaa doamaa nɛ ǹ dɔ̃ taãn-taãnɛ mà ǹ Yezu mɛn dere gɔn-a ke lɛn, mà Lawa na á bɛ lɛ baa minbuiin tumaa a Dɛnaa laanka a Nyin-sili lɛa.

Nya ǹ dín 2:38

Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

Nya ǹ dín 3:15

Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa.

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Nya ǹ dín 3:26

Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»

Nya ǹ dín 4:11

A nə n pii Yezu lɛ wɔ gɔn la kɛnɛn: «Kion-dɔlen nə n piã ka kɔlɔ mɛn nɛ, a din na á wusoo á kɛ-gùrù dɔ ǹ kɔlɔ baa»; ka dinin man bɛa kion-dɔlen kɛn lɛn lɛa, Yezu n kɔlɔ lɛ lɛa.

Korɛnti2 2:10

Bɛ̀ ka min a sã ǹ sii toa nɛ, masɛ dɔ n toɛ ǹ dɛnaa nɛ. A giala, bɛ̀ sii tan má n kɔnboe ma toa, man toɛ ka dinin lɛa *Krita yɔrɔ-a,

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Filipi minin 3:20

Sɛnɛ, bɛ̀ wɔsɛn wɔ paǹ li ni, wɔsɛn di kion nə Lawa a piɛ. Wɔa Dɛnaa Yezu Krita n boe walan die, wɔ kirisibaali lɛa, wɔ nə́ n yii diɛ la, ka wɔ foo tumaa nɛ.

Kolɔɔsi minin 1:14

A Nɛgiĩ lɛ barka nɛ, á wɔ si sii baraa la, á wɔa sãn toa wɔ nɛ.

Tiitii 1:4

Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.

Tiitii 2:10

Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Piɛrɛ2 2:20

Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 4:14

Wɔsɛn yii yɛ, wɔ na a siére pii, wáa Díi Lawa na á ná a Nɛgiĩ dia, mà a kanaa kirisibaali baa.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.