Nya ǹ dín 5:26 - LAWA A BOO SONBORE

²⁶ Lawa a Kion-lɛduə̃lin goledɛnaa lɛ sɛ yoo gɔrɔ, á woo kun ka dí-nyalin ni, ǹ nə́ dia dí-a wolen lɛn kũ, ǹ nə́ daa ǹ nɛ. Sɛnɛ, ǹ nə ǹ nɔmaa wa, a giala, maǹ nə́ goã nyɛ́ɛ biɛ, mà zaman lɛ á die ǹsɛn dii ka kɔlɔ nɛ.

LAWA A BOO SONBORE 2011

²⁶ Lawa a Kion-lɛduə̃lin goledɛnaa lɛ sɛ yoo gɔrɔ, á woo kun ka dí-nyalin ni, ǹ nə́ dia dí-a wolen lɛn kũ, ǹ nə́ daa ǹ nɛ. Sɛnɛ, ǹ nə ǹ nɔmaa wa, a giala, maǹ nə́ goã nyɛ́ɛ biɛ, mà zaman lɛ á die ǹsɛn dii ka kɔlɔ nɛ.

Nya ǹ dín 5:26 ပူးပေါင်းရင်းမြစ်များ

Matiə 14:5

Erɔdi na á baa re ZAÃ dii, sɛnɛ, a na á goã nyɛ́ɛ biɛ gána lɛ a minin manɛ, a giala ǹ tumaa na á goã giɛ ZAÃ ganaa Lawa a boo gii-dali lɛa.

Matiə 21:26

Bɛ̀ wɔ́ pɛ mà minbuiinin man nə́ dia, wɔsɛn doamaa nɛ wɔ nyɛ́ɛ baa zaman lɛ nɛ, a giala min tumaa n giɛ ZAÃ ganaa Lawa a boo gii-dali lɛa.»

Matiə 26:5

Maǹ nə́ goã pii: «Wɔ doamaa bie wɔ kũ zɔ́n pinaa kɛ-n wa, bɛ bie wa, á die sii lɔlɔkɔn biɛ zaman lɛ bii.»

Matiə 26:58

Piɛrɛ ná a din bii lui Yezu ganaa, á kɔ lɛ, yǎa Lawa a wúlu-bɔlen kiã a sumu-n ka kɔ̃. Á wɔ sumu-n, á giã tán kun ka dí-nyalin ni, n yii diɛ sii lɛ a giala nyɔmɔɔ ǹ gɔn la.

Luku 20:19

Landa sii-daraalin laanka wúlu-bɔlen goledɛnan nə́ dɔ̃, mà Yezu na á boo giməə kɛ lɛ da ǹsɛn ganaa. Bɛ lɛ tamaa yii, maǹ nə́ goã giɛ li ǹ kũ bɛa bǎã kɛ lɛ nɛ, sɛnɛ, maǹ nə́ nyɛ́ɛ baa zaman nɛ.

Luku 20:6

Sɛnɛ, mà bɛ̀ ǹsɛn nə́ pɛ mà minin man nə́ dia, mà zaman nə die ǹsɛn dii ka kɔlɔ nɛ ǹsɛn nə gã, a giala, mà min tumaa waa la, mà ZAÃ na á goã Lawa a boo gii-dali goon lɛa.

Luku 22:2

Wúlu-bɔlen goledɛnan nɛ ka landa sii-daraalin man nə́ goã giɛ li ǹ Yezu kũ ka durii ni ǹ dɛ, a giala, maǹ nə́ goã nyɛ́ɛ biɛ zaman lɛ nɛ.

Luku 22:4

Á kiɛ̃ á woo kɔn yɛ ka wúlu-bɔlen goledɛnan nɛ, ka Lawa a kion a garadin goledɛnan nɛ Yezu kũ ǹ gɔn boo ganaa.

Nya ǹ dín 4:21

Ǹ nə́ wusoo doo ǹ nə́ n gòon pepere ǹ yii li, ǹ nə́ ǹ kaa. Ǹ dɔlɔ da ǹ mìi ni ǹ gòã kɔ́n yɛ wa. Ǹ nə́ nyɛ́ɛ baa zaman lɛ nɛ, a giala min tumaa na á goã Lawa tɔ boe sii kɛ a zɛnaa taman yii.

Nya ǹ dín 5:13

Sɛnɛ, min kooro kɛ kɔ́n yii wɔ á woo wɔ kunun ǹ ni wa, a da yaa minin lɛn dɔn manə ǹ tɔ bǐɛ̃ pii.

Nya ǹ dín 5:22

Sɛnɛ, dí-nyalin lɛn bɛ́ ǹ nə́ dɔ kòso lɛ nɛ, ǹ wo dia dí-a wolen lɛn yaa wa. Ǹ bɛ́ ǹ nə́ n bɔyaa, ǹ nə́ daa pɛ,

Nya ǹ dín 5:24

Ǹ bɛ́ ǹ nə́ boon kɛn ma, Lawa a Kion-lɛduə̃lin goledɛnaa laanka wúlu-bɔlen goledɛnan yiri nə́ n lɔlɔkɔn, ǹ ba doɛ̃ ǹ bɛ́ re màn mɛn taasɛ dia dí-a wolen kɛn papaã wɔ gɔn la doo wa.

Nya ǹ dín 5:25

Sɛnɛ, min goon daa pɛ ǹ nɛ: «Á ke, ka bɛ́ ka minin mɛnɛn kaa kòso-n lɛn, ǹ tá Lawa a Kion, ǹ nə́ minin darɛɛ.»