Nya ǹ dín 4:29 - LAWA A BOO SONBORE

²⁹ Dɛnaa Lawa, n din ga minin kɛn sisia a taasiɛ baraan kɛn ganaa. N dɔ wɔsɛn lɛ, wɔsɛn mɛnɛn bɛ́ n din a dí-nyalin lɛa, wɔsɛn nə n din a boo kɛ pɛ ka foo-doa gole ne.

LAWA A BOO SONBORE 2011

²⁹ Dɛnaa Lawa, n din ga minin kɛn sisia a taasiɛ baraan kɛn ganaa. N dɔ wɔsɛn lɛ, wɔsɛn mɛnɛn bɛ́ n din a dí-nyalin lɛa, wɔsɛn nə n din a boo kɛ pɛ ka foo-doa gole ne.

Nya ǹ dín 4:29 ပူးပေါင်းရင်းမြစ်များ

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Izayii 63:15

Dɛnaa Lawa, n toa lon n giã ǹ bǎã sonbore siĩn-siĩn kɛ nɛ, n ga sii kɛ ganaa die wɔ gialaa. N kɔn-narɛɛ gole ke wɔa paǹ li, bɛ á maa kəni? N pàã gole kɛ á maa? Wɔ yii ba n makara doɛ̃ laanka n bǐɛ̃baa kɛ ganaa wɔa paǹ li doo wa.

Busii pɛ 3:50

yǎa Dɛnaa Lawa nə n toɛ lon, a n yii kanɛɛ, a ma yɛ.

Busii pɛ 5:1

Sii mɛn wɔ yɛ, Dɛnaa Lawa yiri nyan bɔ-n wa. Ga, ǹ bɛ́ sìi mɛn diɛ wɔ ganaa, n bɛ dɔ̃.

Ezekieli 2:6

Nsɛ minbuiin a nɛ, n nyan nyɛ́ɛ baa ǹ nɛ wa, n nyan nyɛ́ɛ baa ǹ da ǹ boon dɔn man wa. N tá kunun ǹ ni kɛ n ka min na á giã koronkoron laanka nyan bii, ka min na á giã ton kɛ la sɔn doe. N nyan nyɛ́ɛ baa ǹ da ǹ boon man wa, n nyan nyɛ́ɛ baa ǹ yii-n duduu wa. A giala, piã-wɔlen manɛ.

Misee 3:8

Sɛnɛ, masɛ Misee, Dɛnaa Lawa yiri na á pàã gole kɔ ma la, ka peperebaa laanka foo tãbaa nɛ, màn mɛn bɛ́ toɛ, ma Zakɔba tɔrɔn kɛn Lawa bɔlɔ tii boo kɛ da ǹ nɛ, ma Izirayeli minin kɛn sii baraa kɛ pɛ ǹ nɛ.

Nya ǹ dín 13:46

Pooli laanka Barnabaasi pɛ ǹ nɛ ka foo tãbaa nɛ: – Lawa a boo kɛ lɛ doamaa nɛ a n pɛ ka dinin lɛn man bɔrɔ, sɛnɛ, ka bɛ́ ka n piã nɛ, ka ga ka dinin ganaa mà kasɛn doamaa bie ka nyin nyabaã kɛ-n wa, bɛ lɛ nɛ, wɔsɛn manə bɔyɛɛ wɔ n yɔrɔ da tɔrɔ kɔsɔn la.

Nya ǹ dín 14:3

Ka bɛ din yii ni, Pooli laanka Barnabaasi goã Ikoniɔmu kiwi ǹ nə́ biikoo kɔ́n zɛnaa. Ǹ foo bɛ́ doa-n Dɛnaa ganaa, ǹ nə́ Dɛnaa a boo kɛ pɛ ka foo tãbaa nɛ. Dɛnaa din toa ǹ nə́ kaãbaa ǹ sii sonbore zɛnaa, á nyaa ka bɛn nɛ, mà ǹ boo lɛ n sonbore lɛa.

Nya ǹ dín 19:8

Mui sɔɔ gɔ́ɔ̃ nɛ, Pooli na á goã we lɛsɔkɔn kion, bɛ̀ a boo da ka foo tãbaa nɛ *Lawa a kiibaa ǹ bǎã kɛ wɔ gɔn la. A na á goã n doɛ màn mɛn bɛ́ toɛ, a too kɔmalon wolen lɛn nə boo lɛ si taãn lɛa.

Nya ǹ dín 26:26

Ma bɛ́ boo diɛ ka kii Agripaa mɛn nɛ, ma á doɛ̃ taãn-taãnɛ, bɛ tá siin kɛn lɛn tumaa siére-a, ǹ kɔ́n ba durii-n la wa, a giala, bɛa siin kɛn lɛn bɛ́ ǹ bie ǹ nə́ n zɛnaa durii-n wa.

Nya ǹ dín 28:31

A na á goã Lawa a kiibaa ǹ dí kɛ a nyɛɛ boo diɛ, a n minin darɛɛ wɔa Dɛnaa Yezu *Krita a boo ganaa. A na á goã bɛa sii lɛ zɛnɛɛ a din gɔn wìi a lɛa, min ná a ba kurii a ganaa wa.

Nya ǹ dín 4:13

Zuifun sii yɔrɔ-bɔlen lɛn bɛ́ ǹ nə́ Piɛrɛ laanka ZAÃ a foo doa kɛ yɛ, ǹ yiri gisĩ a nɛ, mà ǹ ba màn kɔ́n lɛa wa, mà ǹ daraa gole dɔ din wɔ wa, bɛ kaãbaa da ǹ-a parsiini. Maǹ nə́ goã ǹ doɛ̃ Yezu a koa-kun wolen lɛa.

Nya ǹ dín 4:21

Ǹ nə́ wusoo doo ǹ nə́ n gòon pepere ǹ yii li, ǹ nə́ ǹ kaa. Ǹ dɔlɔ da ǹ mìi ni ǹ gòã kɔ́n yɛ wa. Ǹ nə́ nyɛ́ɛ baa zaman lɛ nɛ, a giala min tumaa na á goã Lawa tɔ boe sii kɛ a zɛnaa taman yii.

Nya ǹ dín 4:31

Ǹ bɛ́ ǹ nə́ Lawa nyankɔ ǹ nə́ nya, ǹ lɛ bɛ́ soe-n kɔn bǎã mɛn nɛ, bɛa bǎã lɛ bìn da, Lawa a Yiri Fu gisĩ ǹ tumaa la. Ǹ nə́ Lawa a boo da ka foo-doa nɛ.

Nya ǹ dín 9:27

Barnabaasi tɔ́n kũ á da kun ka a din ni, á woo ne dia dí-a wolen lɛn li. Sooli bɛ́ zii tɔ we, Dɛnaa bɛ́ á n din nyaa nɛ, á boo da-n lɔn, Sooli bɛ́ á dɔ Damaasi kiwi doo, a Yezu tɔ kɛ laakalaa ka foo-tãbaa-n lɔn, Barnabaasi bɛ yɔrɔ pɛ dia dí-a wolen lɛn manɛ.

Nya ǹ dín 9:28

A kũ bɛ ganaa, ǹ nə́ lɛ kɔ Sooli ganaa. Zeruzalɛmu kiwi lɛ nɛ, á goã Yezu boo diɛ ka foo-tãbaa nɛ, mà a din nə Dɛnaa lɛ lɛa.

Korɛnti1 14:13

Bɛ lɛ nɛ, min mɛn bɛ́ bɔlɔ soree pii, bɛ doamaa nɛ a Lawa nyankɔ, mà a boo la a na a giala pɛ doɛ̃.

Korɛnti2 3:12

Bɛa foo-doa kɛ lɛ miã bɛ́ ma lon, bɛ lɛ n ke ma á waa-n ma din la.

Filipi minin 1:14

Wɔ dɔɔ̃nɔn mɛnɛn nə goã ma yii kòso-n, ǹ gigiã foo tãbaa yɛ Dɛnaa pàã ganaa, bɛ́ toa ǹ yii wɔ n nə́ n gù we yii Lawa a boo laakalaa li, nyɛ́ɛ ná a ba ǹ ganaa wa.

Tesaloniki1 2:2

Ǹ nə́ fuu nyaa wɔ nɛ Filipi kiwi bɔrɔ, ǹ nə́ sɔ kakaa wɔ la, ka á bɛ doɛ̃. Sɛnɛ bɛ lɛ kio, wɔa Lawa wusoo á foo tãbaa kɔ wɔ la, mà yǎa wɔ a Boo Tii Kɔɔ̃n kɛ pii ka nɛ, haalɛ ta wɔa zɔ́ɔn ba nɛn wa.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!