Nya ǹ dín 4:20 - LAWA A BOO SONBORE

²⁰ Piɛrɛ laanka ZAÃ pɛ: «Sonbore, wɔsɛn yii bɛ́ á màn mɛn yɛ, wɔsɛn too nə ǹ mɛn ma, wɔsɛn ba boe la wɔ n lɛ tã bɛ-a wa.»

LAWA A BOO SONBORE 2011

²⁰ Piɛrɛ laanka Zaã pɛ: «Sonbore, wɔsɛn yii bɛ́ á màn mɛn yɛ, wɔsɛn too nə ǹ mɛn ma, wɔsɛn ba boe la wɔ n lɛ tã bɛ-a wa.»

Nya ǹ dín 4:20 ပူးပေါင်းရင်းမြစ်များ

Samayeli2 23:2

Dɛnaa Lawa yiri a boo n ke soe ma lɛ-n, a din a boo kɛ lɛ n ma lɛwɔn la.

Zeremii 1:7

Sɛnɛ, Dɛnaa Lawa pɛ ma nɛ: «N nyan pɛ mà n yii á kiɛɛrɛ á la yii-n wa.» Ma bɛ́ re n diɛ bǎã mɛn tumaa nɛ, n tá re woe. Ma bɛ́ re boo mɛn diɛ n nɛ, n tá re woe bɛ pii.

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Zeremii 4:19

Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

Zeremii 6:11

Ma piɛ̃maa-n ka Dɛnaa Lawa a foo-busii ni. Ma a boe la ma kũ ma foo n doo wa. Bɛa foo-yoo lɛ sawaa nɛnyaanan la zii la, kɔnlɛ ka nɛ tenən tumaa nɛ. Ǹ tumaa tá re kòso nɛn biɛ, giĩn ni lɔn nɛ, min golen ne ka min zizin ni.

Ezekieli 3:11

Bɛ kio, ǹ minin mɛnɛn bɛ́ ǹ nə́ ǹ goa ǹ nə́ woo ǹ ne bɛ̀rɛbaa ǹ bǎã nɛ, wo dɔ bɛn li, n pɛ ǹ nɛ: «Dɛnaa Lawa n kɛ pii.» Ta ǹ tá n too koe, ta ǹ ba n too koe wa, Dɛnaa Lawa a da ǹ boo ne.

Amɔɔsi 3:8

Bɛ̀ yàra wɔɔsaa wɔ, nyɛ́ɛ na a die kuĩ wa? Bɛ̀ Dɛnaa Lawa boo da, die nə n piɛ̃ mà asɛ a bɛ pii wa?

Misee 3:8

Sɛnɛ, masɛ Misee, Dɛnaa Lawa yiri na á pàã gole kɔ ma la, ka peperebaa laanka foo tãbaa nɛ, màn mɛn bɛ́ toɛ, ma Zakɔba tɔrɔn kɛn Lawa bɔlɔ tii boo kɛ da ǹ nɛ, ma Izirayeli minin kɛn sii baraa kɛ pɛ ǹ nɛ.

Minin nimi 22:38

Balaamu tɔ́n Balaaki lɛ si kɛnɛn: «Á ke, má daa n li dɔn. Masɛ n die boe la ma wàa boo da? Bɛ̀ Lawa boo mɛn wɔ ma lɛ-n, man die bɛ lɛ pii.»

Minin nimi 23:20

Masɛ n má lɛ kɔ, má barka da zaman kɛ lɛ-a, a giala, Lawa din na á barka da ǹ ganaa. Ma bie re wusii man bɔlɔ baa wa.

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Nya ǹ dín 18:5

Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

Nya ǹ dín 2:32

Bɛa Yezu kɛ lɛ, Lawa ná a yii kaa á bɔ geren bii, wɔsɛn tumaa n bɛa siéren lɛa.

Nya ǹ dín 2:4

Lawa a Yiri Fu daa ǹ tumaa kũ, yǎa ǹ mɛ la ǹ nə́ bɔlɔ kɔsɔn pii, a n kɔnpii ka Yiri Fu lɛ din a boo wɔ ǹ lɛ-n nɛ.

Nya ǹ dín 22:15

Sonbore, n yii bɛ́ re siin mɛnɛn yii, n bɛ́ re ǹ mɛnɛn dɔn miɛ, n doamaa nɛ n bɛn siére baa bɛa dɛnaa kɛ lɛ a lɛa min tumaa yɔrɔ-a.

Nya ǹ dín 3:15

Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa.

Nya ǹ dín 5:32

Wɔsɛn dinin man bɛa siin kɛn lɛn siéren lɛa, wɔsɛn laanka Yiri Fu kɛ nɛ, Lawa din nə ǹ mɛn kɔ a bɔlɔ-silin la.»