Nya ǹ dín 3:23 - LAWA A BOO SONBORE

²³ Min woo min ba re n too koe bɛa Lawa a boo gii-dali kɛ lɛ lon wa, bɛ á re n boe a n bɔ zaman lɛ bii.»

LAWA A BOO SONBORE 2011

²³ Min woo min ba re n too koe bɛa Lawa a boo gii-dali kɛ lɛ lon wa, bɛ á re n boe a n bɔ zaman lɛ bii.»

Nya ǹ dín 3:23 ပူးပေါင်းရင်းမြစ်များ

Lawa a wúlu-bɔlen 23:29

Bɛ̀ min mɛn nə́ n piã sɛn, a ná a n lɛ sɔɔ bɛa lɛawaa kɛ lɛ miã li wa, ka bɛa dɛnaa bɔ ka bɔ kun ka a tɔrɔ minin ni.

Marki 16:16

Bɛ̀ min mɛn golee li, ka *batɛmu da a ganaa, Lawa á re bɛa dɛnaa kirisibiɛ. Bɛ̀ min mɛn golee li wa, Lawa á re dɔlɔ boe bɛa dɛnaa ganaa.

Zaã a sɛ́wɔ 12:48

Bɛ̀ min mɛn nə́ n piã ka masɛ nɛ, a ná a lɛ kɔ maa boo kɛ dɔ-a wa, bɛa dɛnaa a kiri-wɔle tan. Ma boo mɛn da, bɛ lɛ n die kiri kuri la kanaa a nya pinaa.

Zaã a sɛ́wɔ 8:24

Bɛ lɛ na á toa, má pɛ ka nɛ, máa ka tá re giɛ̃ ka kaa sii baraan nɛ ka mìi ni. Masɛ bɛ́ min mɛn lɛa, bɛ̀ ka a ma doɛ̃ bɛ lɛa wa, ka á re giɛ̃ ka kaa sii baraan nɛ ka mìi ni.»

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Timəə dí-pɛn 18:19

Maa boon mɛnɛn lɛn bɛ́, Lawa a boo gii-dali lɛ á re ǹ pii ka ma tɔ nɛ, bɛ̀ min mɛn nə n too kɔ bɛn li wa, ma á re a dɔlɔ boe bɛa dɛnaa ganaa.

Ebrəə 10:39

Min mɛnɛn bɛ́ kanɛɛ bɛ̀ ǹ papaã, wɔsɛn ba bɛn kɔnɔn lɛa doo wa. Sɛnɛ, wɔsɛn man golee Lawa li, wɔ á kirisibiɛ bɛa yɔrɔ kɛ lɛ la.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.