Nya ǹ dín 3:20 - LAWA A BOO SONBORE

²⁰ Bɛa waáraa kəni, Dɛnaa Lawa á die là nyantoro biikoo koe ka la, Minin Nyin-sili mɛn boo nə n da kaa wɔ lɛa, á re bɛ diɛ ka la. Bɛa Nyin-sili kɛ lɛ, Yezu ni.

LAWA A BOO SONBORE 2011

²⁰ Bɛa waáraa kəni, Dɛnaa Lawa á die là nyantoro biikoo koe ka la, Minin Nyin-sili mɛn boo nə n da kaa wɔ lɛa, á re bɛ diɛ ka la. Bɛa Nyin-sili kɛ lɛ, Yezu ni.

Nya ǹ dín 3:20 ပူးပေါင်းရင်းမြစ်များ

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 24:3

Yezu bɛ́ giã-n tán *Olivie dan kele la, a kialandɛnan nə́ n zɔ̃ ǹ nə́ dɔ a li ǹ dininsɔɔ̃nɔn, ǹ nə́ nɔ̀n da la: – Bɛ n die n zɛnɛɛ biĩ? Sii mɛn dɔ n die nyɛɛ mà n wusoo a daa biikoo dɔ, mà kanaa a nya biikoo dɔ? Bɛ pɛ wɔsɛn manɛ.

Marki 13:26

Bɛa biikoo li, ka á re Min a Nɛgiĩ yii die labaran bii, ka pàã gole ne, ka gugurubaa nɛ.

Luku 19:11

Yezu bɛ́ á diri Zeruzalɛmu la, minin bɛ́ n too koe bɛa boon kɛn lɛn-a, ǹ nə́ taasɛ mà Lawa kiibaa lɛ n die die sisia gɔrɔ. Yezu boo giməə goon kɔsɔ da.

Luku 21:27

Bɛ kio kəni, ka á re Min a Nɛgiĩ yii die labara la, ka pàã gole laanka gugurubaa gole ne.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Nya ǹ dín 3:21

Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.

Tesaloniki2 2:2

wáa ka baran saa lɛlɛ ka n dinin yiri lɔlɔkɔn fufuu, ká nyɛ́ɛ baa ka Dɛnaa a daa pinaa na á dɔ wa. Min tá boe la a pɛ ka nɛ, ka a n Lawa a boo gii diɛ, min dɔ á diɛ ka nɛ, ka a n Lawa a boo laakalɛɛ, hinlaa ǹ da sɛ́wɔ kɔ ka la mà wɔsɛn man wɔ́ dia.

Tesaloniki2 2:8

Bɛa biikoo li, Lawa a Zɔ́ɔ lɛ á die n din nyɛɛ, sɛnɛ, bɛ̀ Dɛnaa Yezu soo lɔn gɔrɔ, a n die a din lɛ dii a yɔyɔrɛ ka a lɛ gɔ́ɔ̃ ǹ piɛ̃ nɛ, a toa a papaã duduu ka a din a gugurubaa kɛ a daa nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!