Nya ǹ dín 28:8 - LAWA A BOO SONBORE

⁸ Ǹ di na a goã lon wa, gɔ̀nɔn-wɛɛ̃ laanka gɔ́ɔ̃-kuri na á goã a ganaa. Pooli woo a mìi la, á n gɔn da la á Lawa nyankɔ nɛ, a ná a kaka kɔ.

LAWA A BOO SONBORE 2011

⁸ Ǹ di na a goã lon wa, gɔ̀nɔn-wɛɛ̃ laanka gɔ́ɔ̃-kuri na á goã a ganaa. Pooli woo a mìi la, á n gɔn da la á Lawa nyankɔ nɛ, a ná a kaka kɔ.

Nya ǹ dín 28:8 ပူးပေါင်းရင်းမြစ်များ

Matiə 10:1

Yezu ná a kialandɛnaa fulupaa bíi á nɔ̀ɔn babaraa loo ǹ pàã kɔ ǹ la, á busu tɔrɔ din tumaa nya ǹ pàã kɔ ǹ la.

Matiə 10:8

Ka busulən busu nya, ka geren yii kaa, ka gɔ̀nɔn busu babaraa dɛnan busu nya, ka nɔ̀ɔnɔn loo ka ǹ bɔ minin ganaa. Ka n ka yɛ kooro, ka dɔn nə kɔ kooro.

Matiə 12:13

Yezu tɔ́n pɛ giĩ lɛ nɛ: «N gɔn lɛ bɔ kɔn.» Á bɔ kɔn, á wusoo á bǐɛ̃ kɔ siĩni ka a gɔn lɛ a goon kɛ bɛ́ lɔn.

Matiə 9:18

Yezu bɛ́ bɛa boon lɛn diɛ, Zuifun goledɛnaa goon nə́ daa kaa tán-a a yɔrɔ-a, á pɛ nɛ: «Maa nɛlɔ na á gã sisia sisia. Sɛnɛ, daa, n nə n gɔn da la, n Lawa nyankɔ nɛ, a yii á die kiɛ.»

Marki 16:18

Ta ǹ nə́ miɛ̃ kũ ka ǹ gɔn nɛ, ta ǹ nə́ sèwò màn mi, bɛa re màn kɔ́n zɛnɛɛ ǹ nɛ wa. Ǹ tá re ǹ gɔn diɛ busulən la ǹ Lawa nyankɔ ǹ nɛ, bɛn tá re kaka koe.»

Marki 5:23

A ná a nyankɔ parsiini, á pɛ: «Maa nɛlɔ n die giɛ̃. Ma nə n nyankoe n da n gɔn da la, n Lawa nyankɔ nɛ, màn mɛn bɛ́ toɛ a kaka kɔ a yii goã koo.»

Marki 6:5

Yezu na á n gɔn da busulən kɔnɔn la walan, á ǹ kaka kɔ. Bɛ̀ á n bɔ bɛ nɛ, a boo la á kaãbaa ǹ sii kɔ́n zɛnaa walan wa.

Marki 7:32

Minin kɔnɔn nə́ daa giĩ goon kɔ la, too tere-a nɛ, ka bɛ dɔ nɛ, boo diɛ n kaka a ganaa. Ǹ nə́ Yezu nyankɔ mà a n gɔn da la a Lawa nyankɔ nɛ.

Luku 13:13

Á n gɔn da la. A din bǎã-n gɔrɔ, lɔ lɛ wusoo á n tele ka perepere. Á yoo á n Lawa tɔ boe.

Luku 4:40

Wasa a yii sã kio, busulən nə goã min mɛnɛn tumaa li, busu tɔrɔ gigiã nə́ ǹ ganaa, ǹ nə́ daa ǹ nɛ Yezu li. Á n gɔn da ǹ gogoonmaa la, á ǹ busu nya.

Nya ǹ dín 28:7

Gána lɛ a min yii guguru-a tɔ n Pubulusu, bɛa wurun man nə́ goã kunu bǎã lɛ ganaa. Bɛ́ wɔ kũ á woo wɔ nɛ a piɛ wɔ giã walan, á wɔ kũ doɛ̃ sɔnbɔraanɛ yǎa lɛawaa sɔɔ.

Nya ǹ dín 28:9

Bɛ kio, gána lɛ a min mɛn tumaa goã busulə lɛa, bɛn man nə́ goã die Pooli li, bɛ̀ ǹ gogoonmaa kaka kɔ.

Nya ǹ dín 9:40

Piɛrɛ pɛ mà min tumaa soo. A din nə́ mɛ a musin la, á Lawa nyankɔ. Bɛ kio á n yɔrɔ dia gere lɛ la, á pɛ: «Tabita, yoo lon.» Lɔ lɛ nə́ n yii bũ, á bɛ́ á Piɛrɛ yɛ lɔn gɔrɔ, á yoo á giã a giala la.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Korɛnti1 12:9

A din Yiri Fu lɛ n goleemali koe min la, a din dɔ n busu nya ǹ pàã koe min kɔsɔ la.