Nya ǹ dín 28:30 - LAWA A BOO SONBORE

³⁰ Pooli kion goon saa á giã a nɛ yǎa lɛ̀ paa ka buri. Minin mɛnɛn tumaa goã die n yii koe a ganaa, a na á goã kɔn yii ka bɛn nɛ walan.

LAWA A BOO SONBORE 2011

³⁰ Pooli kion goon saa á giã a nɛ yǎa lɛ̀ paa ka buri. Minin mɛnɛn tumaa goã die n yii koe a ganaa, a na á goã kɔn yii ka bɛn nɛ walan.

Nya ǹ dín 28:30 ပူးပေါင်းရင်းမြစ်များ

Zeremii 37:21

Kii Sedekiasi tɔn pɛ mà ǹ Zeremii da bǎã-lɛduə̃lin sumu kɛ nɛ, ka buuru mɔ̀mɔ mìi goon kɔ la baraabaraa, buuru mɛn bɛ́ boe buuru-dalin bǎã kɛ nɛ yǎa bɛ̀ buuru nya kiwi lɛ nɛ. Bɛa yɔrɔ lɛ la, Zeremii goã bǎã-lɛduə̃lin sumu lɛ nɛ.

Zeremii 38:13

Bɛa minin lɛn nə́ tɔn Zeremii baã ǹ nə́ soo ne nyankɔrɔ zuzulu lɛ nɛ. Bɛ kio, Zeremii goã bǎã-lɛduə̃lin sumu lɛ nɛ.

Zaã a sɛ́wɔ 1:39

Yezu tɔ́n pɛ ǹ nɛ: «Ka daa, ka á re yii.» Ǹ nə́ woo, ǹ nə́ Yezu a giã ǹ bǎã yɛ, ǹ nə́ goã a li bɛa pinaa kɛ lɛ nɛ; ǹ bɛ́ woe bɛ̀ wasamiɛnɛ a biikoo a siibaa ǹ wɔ miã nɛ.

Nya ǹ dín 19:21

Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»

Nya ǹ dín 24:27

Lɛ̀ paa bɛ kio, Pɔrsiisi Fɛstusu daa Feliksi a bǎã saa. Feliksi bɛ́ giɛ li a Zuifun foo kɔɔ̃n kɔ ǹ sii zɛnaa, á Pooli toa kòso-n.

Nya ǹ dín 28:16

Wɔ bɛ́ wɔ́ dɔ Rɔmu kiwi, ǹ nə́ lɛ kɔ mà Pooli kion saa, sɛnɛ, sɔraasi goon na á goã a lɛduĩ.

Nya ǹ dín 28:29

A bɛ́ á bɛ da á nya, Zuifun lɛn nə́ yoo ǹ nə́ woo, bɛ̀ ǹ nə́ kɔn liere koe taãn-taãnɛ.

Nya ǹ dín 28:31

A na á goã Lawa a kiibaa ǹ dí kɛ a nyɛɛ boo diɛ, a n minin darɛɛ wɔa Dɛnaa Yezu *Krita a boo ganaa. A na á goã bɛa sii lɛ zɛnɛɛ a din gɔn wìi a lɛa, min ná a ba kurii a ganaa wa.

Rɔmu minin 15:32

Bɛa yɔrɔ kɛ la, man die doe ka li ka nyɛnyɛɛ gole ne, bɛ̀ Lawa golee li dɔn, ma á re susui yii ka bii.

Korɛnti2 11:23

Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 6:5

Ǹ nə́ ma dɛ, ǹ nə́ ma da kòso-n. Ǹ nə́ zaman gigiã gɔ́ɔ̃ tii, bɛ̀ ǹ nə ǹ kaa ma ganaa. Má lɛ kɔ dí kakan nyɛɛ ganaa. Má n din kurəə nyuù ganaa, ka màn-bii ni gunyin damata.

Filipi minin 1:13

A na á n baa miɛ̃, goledɛnaa a kion gole kɛ a garadin ni, ka min kɔsɔn tumaa dɔ̃ kanna, mà maǹ nə́ ma da kòso-n, a giala mà man dí nyɛɛ Krita nɛ.

Timote2 1:17

Sɛnɛ, a bɛ́ á dɔ Rɔmu lɔn gɔrɔ, a na á ga ma li taãn-taãnɛ, yǎa á ma yɛ.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.