Nya ǹ dín 28:20 - LAWA A BOO SONBORE

²⁰ Bɛ lɛ a lɛa nɛ má lɛ dia ka la, ma tá a yɔrɔ pii ka nɛ, a giala, Izirayeli minin foo bɛ́ doa-n sii mɛn ganaa, fɔlɔ biɛn man masɛ ganaa bɛ lɛ a lɛa.»

LAWA A BOO SONBORE 2011

²⁰ Bɛ lɛ a lɛa nɛ má lɛ dia ka la, ma tá a yɔrɔ pii ka nɛ, a giala, Izirayeli minin foo bɛ́ doa-n sii mɛn ganaa, fɔlɔ biɛn man masɛ ganaa bɛ lɛ a lɛa.»

Nya ǹ dín 28:20 ပူးပေါင်းရင်းမြစ်များ

Zeremii 40:1

Zeremii na á goã yii-n ka zɔrɔka nɛ Zeruzalɛmu laanka Zudaa a kòso nɛn lɛn bii, ǹ doamaa bɛ nɛ ǹ nə ǹ mɛnɛn lɛn goa ǹ wo ǹ ne *Baabilonii. Sɛnɛ, bǎã-lɛduə̃lin goledɛnaa Nebuzaradan bɔ ǹ miã kòso nɛn bii á toa á woo Ramaa. Bɛ kio, Dɛnaa Lawa boo da ka Zeremii ni.

Nya ǹ dín 10:29

Bɛ lɛ a lɛa nɛ, a kɔnpɛ ka n nɔ̀n-diɛ nɛ, masɛ daa ka li bɛ̀ piã ǹ sii kɔ́n ná a ba masɛ gɔ̀nɔn-a wa. Sisia, man giɛ li ka masɛ a lɛ diamala ǹ mìi pɛ ma nɛ.»

Nya ǹ dín 10:33

A din bǎã-n gɔrɔ má minin dia giɛ n li. N dɔ́ minbaa zɛnaa, ń lɛ kɔ ń daa wɔsɛn li. Sisia, wɔsɛn tumaa bɛ́ n yɔrɔ-a, Dɛnaa màn mɛn kɔ n la mà n pɛ, wɔsɛn man die n too koe bɛ li.

Nya ǹ dín 21:33

Sɔraasin goledɛnaa lɛ tɔ́n nə n mɔrɔ Pooli ganaa á kũ, á pɛ mà ǹ fɔlɔ biɛ màn paa kaa a ganaa. Bɛ kio á tɔ́n nɔ̀n da la kɛnɛn: «Die n ka nsɛ nɛ, ma nə n wàa sii la?»

Nya ǹ dín 23:6

Pooli bɛ́ á dɔ̃ mà zaman lɛ a talɛɛ goon nə *Sadusɛɛ̃n lɛa, a talɛɛ goon kɛ dɔ n *Fariziɛ̃n lɛa, á n lɛ dɛ kiri-wɔlen lɛn bii: «Ma dɔɔ̃nɔn lɛn ganaa, ma dinmaa lɛ n Fariziɛ̃ lɛa, maa diin dɔn man nə́ goã a lɛa. Ma á ke wɔ foo doa ǹ sii mɛn boo diɛ ke lɛn, bɛ lɛ a lɛa nɛ, ǹ tá kiri kuri ma la. Bɛa foo-doa ǹ sii lɛ, biɛ̃ ǹ geren yii-kaa kɛ nɛ.»

Nya ǹ dín 24:15

Ma foo á doa-n Lawa ganaa, bɛa foo-doa kɛ lɛ tá ǹ dɔn dinin lon, min din tumaa, a sonboren laanka a baraan nɛ, ǹ tumaa yii á re kiɛ ǹ nə n bɔ gerebaa nɛ.

Nya ǹ dín 26:29

Pooli pɛ: «Ta gɔrɔ nɛ, ta a kio ne, Lawa die a zɛnaa, n din laanka maa pelo a too kɔmalon wolen kɛn lɛn tumaa nə n baa ka ma bɛ́ lɔn, a n bɔ fɔlɔ biɛn kɛn nɛ ma ganaa.»

Nya ǹ dín 28:17

Lɛawaa sɔɔ bɛ kio, Pooli lɛ dia Zuifun nyɛɛnaandɛnan la. Ǹ bɛ́ ǹ nə́ daa n lɛ sɔkɔn, á boon kɛn da ǹ nɛ: «Ma dɔɔ̃ngiĩn lɛn ganaa, ma sii la ma tɔrɔ minin la wa, ma wɔ digolon landa sii kɔ́n sàabaa wa, sɛnɛ, maǹ nə́ masɛ kũ ǹ nə́ ma da kòso-n Zeruzalɛmu, ǹ nə́ ma wɔ Rɔmu minin gɔn.

Efɛɛzi minin 3:1

Bɛ lɛ taman yii, masɛ Pooli n Lawa nyankoe ka a lɛa. Masɛ n kòso-n Yezu *Krita taman yii, maa dí nya kasɛn tɔrɔ kɔsɔn nɛ kɛ a lɛa.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 6:20

Man Boo Tii Kɔɔ̃n kɛ lɛ a sii yɔrɔ-bɔle lɛa, a laanɛ ma á kòso-n sisia. Ka Lawa nyankɔ mà ma boo la, ma a boo da ka foo tãbaa nɛ, ka ma bɛ́ kɔnboe ma zɛnaa lɔn.

Filipi minin 1:13

A na á n baa miɛ̃, goledɛnaa a kion gole kɛ a garadin ni, ka min kɔsɔn tumaa dɔ̃ kanna, mà maǹ nə́ ma da kòso-n, a giala mà man dí nyɛɛ Krita nɛ.

Kolɔɔsi minin 4:18

Masɛ dinmaa Pooli n fòo boo kɛ kiɛ̃, ka ma din gɔn nɛ. Ka yiri baran bɔ mà man kòso-n wa. Lawa a bǐɛ̃ die a goã kun ka nɛ.

Timote2 1:10

Wɔa Dɛnaa Yezu Krita bɛ́ á daa kanaa kəni, wɔ Lawa a bǐɛ̃baa gole lɛ yɛ. Boo Tii Kɔɔ̃n barka nɛ, wɔ á doɛ̃ wáa Yezu gɛ̀ pàã nya, á toa wɔ nyin nyabaã yɛ.

Timote2 2:9

Bɛa Boo Tii Kɔɔ̃n kɛ lɛ a lɛa nɛ, ma á nɔmiɛ, minin nə́ fɔlɔ biɛn kiɛ ma ganaa, ka man má sii la. Sɛnɛ, ǹ bɛ́ ǹ nə́ masɛ yii lɔn, Lawa a boo bɛ́ a yii-n miɛ̃ wa!

Filemɔn 1:10

ma nə n nyankoe Onezimu wɔ gɔn la. Onezimu mɛn bɛ́, ma bɛ́ kòso-n kànaa, má Lawa a boo pɛ nɛ, á si á golee Lawa li, á n ka maa nɛ bɛ́ lɔn sisia.

Filemɔn 1:13

Yezu a boo kɔɔ̃n kɛ lɛ a pɛ a lɛa nɛ, ma tá kòso-n, á kɔɔ̃n ma ganaa, ma Onezimu lɛ toa ma li kànaa, a n dɔ ma lɛ, n dòo.