Nya ǹ dín 27:24 - LAWA A BOO SONBORE

²⁴ Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

LAWA A BOO SONBORE 2011

²⁴ Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

Nya ǹ dín 27:24 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Siin Giala 19:29

Lawa bɛ́ bǎã lɛ a kiwin lɛn bɔ̀n biɛ ǹ mɛn waáraa, á n yiri koa Abrahamu li, á Lɔti bɔ á bɔ koe lɛ bii. Lɔti goã giã-n bǎã mɛn nɛ, á bɛa kiwin lɛn tã.

Siin Giala 30:27

Laban tɔ́n pɛ nɛ: «Bɛ̀ ma sii tá kɔɔ̃nɛ n ganaa, n nə n too kɔ ma lon. Maa mànan nə́ nyaa ma nɛ, mà n din a lɛa nɛ, Dɛnaa barka wɔ ma nɛ.

Siin Giala 39:23

Kòso kion-lɛduə̃li lɛ dí mɛn toa Zozɛfu gɔn, a din goã giɛ ǹ kɔn walan doo wa, a giala, mà Dɛnaa goã kun Zozɛfu ni. A bɛ́ á goã dí woo dí nyɛɛ, Dɛnaa goã a tumaa bǐɛ̃ koe a gɔn.

Siin Giala 39:5

A bɛ́ á Zozɛfu saa á da a kion, á koa a mànan tumaa mìi la lɔn, Dɛnaa barka da Eziptin giĩ lɛ a kion ganaa, Zozɛfu taman yii. Bɛa barka damaa lɛ a zín dɔ a gɔn mànan tumaa ganaa, a kion gɔ́ɔ̃ wɔn nɛ, ka a wuru gɔ́ɔ̃ wɔn nɛ.

Siin Giala 46:3

Lawa tɔ́n pɛ nɛ: «Masɛ n Lawa lɛa, n di bɛ́ á goã Lawa mɛn guguru koe. Ezipti gána a woo baran nyɛ́ɛ da n ganaa wa, a giala, ma á re n tɔrɔn mɔnɛɛ walan.

Kiin1 17:13

Yilii tɔ́n pɛ nɛ: – N baran nyɛ́ɛ baa wa! Wo piɛ, n màn mɛn pɛ, bɛ lɛ zɛnaa. Sɛnɛ màn mɛn bɛ́ n lon, mɔ̀mɔ boɛɛn da ka bɛ-n bɔrɔ n da kɔ ma la, bɛ kio n tá re n din laanka n nɛ wɔ diɛ.

Kiin2 6:16

Yiliizee ná a lɛ si: «N baran nyɛ́ɛ baa wa! Min mɛnɛn bɛ́ kun ka wɔsɛn nɛ, bɛn tá mɔnaa nɛ ǹ nə́ la kɛn manɛ kunun ǹ ni.»

Zɔbu 35:8

N baraabaa kɛ lɛ n basaã koe n din miãn dininsɔɔ̃nɔn manɛ, n peperebaa kɛ lɛ a là n doe n din miã minbuiinin ganaa.

Busii pɛ 3:57

Ma bɛ́ ma lɛ dia n la, n nə́ n zɔ̃ n dɔ, n pɛ ma nɛ: «Nyɛ́ɛ nyan nə n kũ wa.»

Misee 5:7

Zakɔba tɔrɔn mɛnɛn yii goã koo, ǹ tá re giɛ̃ gána kɔsɔn minin bii, ǹ tá re giɛ̃ tɔrɔ gigiã kɔsɔn bii, kaka ka yàra bɛ́ lɔn don mànan bii, ka yàra ten bɛ́ lɔn sèren bii. Bɛ̀ á bɔ bǎã mɛn nɛ, a n màn kuĩ a wɔwoɛ̃ kɔn, min dɔ a boe la á sii la wa.

Matiə 10:18

Masɛ tɔ taman yii, ǹ tá re woe ka nɛ tɔrɔ kɔsɔn pàãdɛnan laanka kiin yɔrɔ-a ka n bɔlɔ pɛ. Bɛ lɛ n die toɛ ka siére baa bɛn laanka ǹ minin yɔrɔ-a.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Zaã a sɛ́wɔ 11:9

Yezu tɔ́n pɛ ǹ nɛ: «Biikoo fulupaa bie lɛawaa goon gɔ́ɔ̃-n wa? Sii din tumaa laanka a biikoo ne. Bɛ̀ min nə tɔ we penleen ke, a ba n gòã niɛ̃ wa, a giala, a yii á wɔlɔ ganaa.

Nya ǹ dín 19:21

Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»

Nya ǹ dín 23:11

Tèlò bɛ́ á kɔ, Dɛnaa nə́ n din nyaa Pooli ni, á pɛ nɛ: «N foo taã. Ń masɛ a siérebaa ǹ boo pɛ maa lɛa Zeruzalɛmu, n doamaa nɛ n bɛ lɛ miã zɛnaa Rɔmu dɔ nɛ.»

Nya ǹ dín 25:11

Bɛ̀ ma zɛ̀rɛ-n sonbore, bɛ̀ má sii la sonbore, sii mɛn bɛ́ gɛ̀ dɔlɔ boe ka bɛ da ma mìi ni, ma ba n piɛ̃ ka gɛ̀-n wa. Sɛnɛ, minin kɛn bɛ́ masɛ zɛ̀rɛ biɛ ka siin mɛnɛn nɛ, bɛ̀ ǹ ba sonbore lɛa wa, min kɔ́n doamaa bie a ma kɔ ǹ la wa. Bɛ lɛ taman yii, man giɛ li Rɔmu a kii gole gole lɛ sii kɛ lɛ a yɔrɔ-bɔle baa.»

Nya ǹ dín 27:31

Pooli pɛ sɔraasin laanka ǹ mìilandɛnaa lɛ nɛ: «Bɛ̀ minin kɛn nə giã goo lɛ gɔ́ɔ̃-n wa, ka ba boe la ka la wa.»

Nya ǹ dín 27:37

Wɔ tumaa a kaa kun na á goã min biɛ paa ka pɔsɔbaa ka sɔrɔ (276) tà kuru ǹ goo lɛ gɔ́ɔ̃ nɛ.

Nya ǹ dín 27:42

Sɔraasin lɛn mà ǹ daa ǹsɛn nə́ kòso nɛn lɛn dɛ, mà bɛ bie wa mà ǹ tá re mu biɛ ǹ baa si.

Nya ǹ dín 27:44

Gialakunun kɛn tá re dii gɔn-sɛlɛɛn la hinlaa tà kuru ǹ goo lɛ a yiyiɛ lɛkoron la. Wɔ tumaa dɔ́ woo dɔ tán lɛ la ka yɔrɔ kɛ lɛ nɛ, bɛ̀ màn kɔ́n ná a pɔrɔ wɔ ganaa wa.

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Filemɔn 1:22

Ma nə n nyankoe dɔn gɔrɔ, n kion yɔrɔ bɔ n koa ma nɛ, a giala ma á taasɛ, máa Lawa á re kaa nyankɔ lɛ sii, a toa ǹ ma bɔ kòso-n, ǹ ma da, màn mɛn bɛ́ toɛ, ma da ka li.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.