Nya ǹ dín 27:18 - LAWA A BOO SONBORE

¹⁸ A lɛawaa, piɛ̃ lɛ bɛ́ tɔ́n bìn diɛ wɔ ganaa taãn-taãnɛ, ǹ nə́ mɛ la ǹ nə́ tà kuru ǹ goo lɛ a guĩ zuĩ mu li.

LAWA A BOO SONBORE 2011

¹⁸ A lɛawaa, piɛ̃ lɛ bɛ́ tɔ́n bìn diɛ wɔ ganaa taãn-taãnɛ, ǹ nə́ mɛ la ǹ nə́ tà kuru ǹ goo lɛ a guĩ zuĩ mu li.

Nya ǹ dín 27:18 ပူးပေါင်းရင်းမြစ်များ

Loen 107:27

Ǹ yii tii, ǹ nə́ tatalaa ka min na á yɔ mi á kã, ǹ nə́ sii din tumaa zɛnaa ǹ nə́ fɔ̃.

Zonaasi 1:5

Nyɛ́ɛ bòsonon lɛn kũ parsiini didie nə n lɛ dɛ a dì ganaa. Mànan mɛnɛn nə goã goo lɛ nɛ, ǹ nə́ bɛn waa ǹ nə́ ǹ zũ kɔ̀ mu lɛ li, màn mɛn bɛ́ toɛ goo lɛ puusə kɔ. Zonaasi sɛ gisĩ goo lɛ gɔ́ɔ̃-n tán á waa tán, á goã nyuù we taãn-taãnɛ.

Matiə 16:26

A là n ka wàa nɛ min kanaa gɔn màn tumaa yɛ, a din nyin wusoo a papaã. Hinlaa bɛ̀ min mɛn nyin papaã, ǹ dɛnaa n die wàa koe Lawa la a tɔn wusoo a yɛ?

Luku 12:23

A giala yiikoonaabaa á soɛ màn-bii ni, gɔ̀nɔn dɔ á soɛ mɔnaa nɛ.

Luku 16:8

Goledɛnaa lɛ dí mìilandɛnaa sii kɔkɔrɔ-zɛnaali kɛ lɛ para pɛ, a giala mà á dí nya ka yiridɛnaabaa nɛ. Sonbore, min mɛnɛn bɛ́ kanaa kɛ lɛ wɔn lɛa, bɛn man yiri boe ǹ sii zɛnaan gɔ́ɔ̃ nɛ ǹ dinin biin ni á la tɛ fúlu nɛn kɛn manɛ.

Nya ǹ dín 27:19

A lɛawaa sɔɔbaa ǹ wɔ pinaa, goo lɛ a dabaalin lɛn dininmaan nə́ tà kuru ǹ goo lɛ a gɔ́ɔ̃gɔ́ɔ̃ ǹ mànan waa, ǹ nə́ ǹ zũ mu li.

Nya ǹ dín 27:38

Wɔ bɛ́ wɔ́ màn bii wɔ́ nya, ǹ nə́ *belee lɛ sɛ waa ǹ nə́ zũ mu li, màn mɛn bɛ́ toɛ, tà kuru ǹ goo lɛ puusə kɔ.

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.