Nya ǹ dín 26:7 - LAWA A BOO SONBORE

⁷ Wɔsɛn tɔrɔ kiɛnlɛ fulupaa kɛ lɛ din tumaa dɔ foo n doa nɛ, mà bɛa lɛ-kɔ kɛ lɛ lɛ á re piɛ̃, bɛ lɛ nɛ ǹ tá n gù we yii, ǹ nə́ Lawa guguru koe tèlò laanka penleen ne. Kii Agripaa, bɛa foo-doa sii ganaa kɛ lɛ din dɔ a lɛa nɛ Zuifun tá ma zɛ̀rɛ biɛ.

LAWA A BOO SONBORE 2011

⁷ Wɔsɛn tɔrɔ kiɛnlɛ fulupaa kɛ lɛ din tumaa dɔ foo n doa nɛ, mà bɛa lɛ-kɔ kɛ lɛ lɛ á re piɛ̃, bɛ lɛ nɛ ǹ tá n gù we yii, ǹ nə́ Lawa guguru koe tèlò laanka penleen ne. Kii Agripaa, bɛa foo-doa sii ganaa kɛ lɛ din dɔ a lɛa nɛ Zuifun tá ma zɛ̀rɛ biɛ.

Nya ǹ dín 26:7 ပူးပေါင်းရင်းမြစ်များ

Ɛsidrasi 6:17

Maǹ nə́ dii gɔ̀lɔ̀ paabiɛ bɔ, sère gɔ̀lɔ̀ biɛpaa nɛ, ka sère ten biɛsii ni, Lawa a kion lɛ a kɔ Lawa la ǹ wɔ lɛa. Maǹ nə́ butumu fulupaa bɔ, Izirayeli tɔrɔn lɛn lɛ yii li, Izirayeli kuturu a sii baraan sawaa ǹ wɔ lɛa.

Ɛsidrasi 8:35

goawolen mɛnɛn lɛn nə bɔ walan ǹ nə́ daa, bɛn nə́ dii gɔ̀lɔ̀ fulupaa baa *wúlu màn tiɛ̃ lɛa, ǹ nə́ kɔ Izirayeli a Lawa lɛ la, Izirayeli din tumaa wɔ lɛa. Ǹ nə́ sère gɔ̀lɔ̀ pɔmanangɔrɔwensɔrɔ dɔ baa a lɛa, ka sère ten pɔsɔbaawensɔbaa nɛ, ka butumu fulupaa nɛ, sii baraan sawaa ǹ wɔ lɛa. A tumaa na á n kɔ Dɛnaa Lawa la, wúlu màn tiɛ̃ lɛa.

Loen 135:2

kasɛn mɛnɛn bɛ́ golee Dɛnaa Lawa a Kion, kasɛn mɛnɛn bɛ́ golee wɔa Lawa a Kion kɛa sumu-n.

Matiə 19:28

Yezu tɔ́n pɛ ǹ nɛ: – Masɛ n pii ka nɛ sonbore: Bɛ̀ Min a Nɛgiĩ giã a gugurubaa ǹ kii dankan la, kasɛn min fulupaa mɛn kɔ ma kio lɛ, ka dɔn tá re giɛ̃ kii dankanan la, ka kiri wɔ Izirayeli tɔrɔ fulupaa kɛ lɛ ganaa.

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Luku 22:30

Ka á re màn bii ka màn mi kun ka masɛ nɛ, maa kiibaa ǹ bǎã kɛ nɛ, ka á re giɛ̃ kii dankanan la, ka goã Izirayeli tɔrɔ fulupaa kɛ mìi la kun ka masɛ nɛ.»

Nya ǹ dín 20:31

Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

Nya ǹ dín 24:15

Ma foo á doa-n Lawa ganaa, bɛa foo-doa kɛ lɛ tá ǹ dɔn dinin lon, min din tumaa, a sonboren laanka a baraan nɛ, ǹ tumaa yii á re kiɛ ǹ nə n bɔ gerebaa nɛ.

Nya ǹ dín 26:2

– Kii Agripaa ganaa, ma foo á kɔɔ̃n pelo, ma golee n yɔrɔ-a, Zuifun bɛ́ ma zɛ̀rɛ biɛ ka siin mɛnɛn dinin tumaa nɛ, man bɔlɔ pɛ bɛn wɔ gɔn la.

Nya ǹ dín 26:3

A giala, n din tá wɔsɛn Zuifun landa siin tumaa doɛ̃ taãn-taãnɛ, ka wɔa liere kɔ ǹ siin ni. Ma nə n nyankoe n foo kũ n nə n too kɔ ma lon.

Nya ǹ dín 28:20

Bɛ lɛ a lɛa nɛ má lɛ dia ka la, ma tá a yɔrɔ pii ka nɛ, a giala, Izirayeli minin foo bɛ́ doa-n sii mɛn ganaa, fɔlɔ biɛn man masɛ ganaa bɛ lɛ a lɛa.»

Filipi minin 3:11

ma yiri n doa-n a ganaa, máa ma dɔ á re n boe gɛ̀ nɛ, ma goã ma yii n koo.

Tesaloniki1 3:10

Wɔ ǹ Lawa-nyankoe penleen laanka tèlò ne bɛ̀ wɔ n laa a ganaa, wáa a toa wɔ yii wusoo a kɔn yɛ, màn mɛn bɛ́ kaa golee Lawa li nyaabiɛ, wɔ boo la wɔ bɛ lɛ pã.

Timote1 5:5

Lɔ mɛn bɛ́ giɔɔrɔ lɛa taãnɛ, á giã a dinsɔɔ̃ lenlenm bɛ na á n foo doa Lawa ganaa, á n sii sii a ganaa. A n gòã-kũ diɛ Lawa lɛ ganaa, a ná a nyankoe penleen ka tèlò ne.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.