Nya ǹ dín 26:29 - LAWA A BOO SONBORE

²⁹ Pooli pɛ: «Ta gɔrɔ nɛ, ta a kio ne, Lawa die a zɛnaa, n din laanka maa pelo a too kɔmalon wolen kɛn lɛn tumaa nə n baa ka ma bɛ́ lɔn, a n bɔ fɔlɔ biɛn kɛn nɛ ma ganaa.»

LAWA A BOO SONBORE 2011

²⁹ Pooli pɛ: «Ta gɔrɔ nɛ, ta a kio ne, Lawa die a zɛnaa, n din laanka maa pelo a too kɔmalon wolen kɛn lɛn tumaa nə n baa ka ma bɛ́ lɔn, a n bɔ fɔlɔ biɛn kɛn nɛ ma ganaa.»

Nya ǹ dín 26:29 ပူးပေါင်းရင်းမြစ်များ

Kiin2 5:3

Ǹ kɔn pinaa, nɛlɔ lɛ pɛ a dɛnaalɔ lɛ-n kɛnɛn: «Á ke, bɛ̀ maa dɛnaagiĩ lɛ n boe la ke a wo Lawa a boo gii-dali kɛ li Samarii kiwi, a na a gɔ̀nɔn ki busu babaraa kɛ nyɛɛ a bɔ a ganaa.»

Bɔ bɛ̀rɛbaa nɛ 16:3

Izirayeli nɛnyaanan lɛn nə́ pɛ ǹ nɛ: «Á ke le! Wɔ bɛ́ siĩ soɛ̃, wɔ n màn dɔ bii wɔ n kiɛ̃ Ezipti gána nɛ ǹ mɛn waáraa, toa bɛ̀ Dɛnaa na á wɔ dɛ bɛa biikoo kɛ li. Á ke, ka soo ka zaman kɛ tumaa nɛ, ka daa wɔ-n don gɔ́ɔ̃ nɛ, wɔ n die giɛ̃ ka bòo ne!»

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 38:20

Sɛnɛ, Zeremii pɛ nɛ: «Haayii, ǹ ba re n we ǹ gɔn wa. N too kɔ Dɛnaa Lawa a boo kɛ li doɛ̃ ma á pii n ni. N sii tumaa á re bǐɛ̃ koe, n yii á re goɛ̃ koo.

Minin nimi 11:29

Muizu Zozoe lɛ si á pɛ: «N foo n wuu pii masɛ a lɛa? Ká toa bɛ̀ Dɛnaa Lawa din nə n Yiri kɛ gisĩ Izirayeli minin lɛn tumaa la, màn mɛn bɛ́ toɛ ǹ tumaa Lawa a boo gii-dalin baa.»

Zaã a sɛ́wɔ 5:34

Bɛ̀ ń yaa masɛ á bɛ pii, a bie ka masɛ laadoo na a ganaa, minbuiinin nə masɛ a siére baa wa. Sɛnɛ, man má ZAÃ boo da màn mɛn bɛ́ toɛ, ka dinin nə kirisibaa yɛ.

Nya ǹ dín 12:6

A na á goã ka biɛ̃ nɛ Erɔdi n die kiri kuri Piɛrɛ la. Bɛa tèlò kɛ lɛ nɛ, Piɛrɛ na á goã nyuù we sɔraasi min paa bii ni, fɔlɔ biɛ màn paa ná a ganaa, sɔraasin kɔsɔn dɔn nə́ doa-n kòso lɛ a kiɛnlɛ-a.

Nya ǹ dín 21:33

Sɔraasin goledɛnaa lɛ tɔ́n nə n mɔrɔ Pooli ganaa á kũ, á pɛ mà ǹ fɔlɔ biɛ màn paa kaa a ganaa. Bɛ kio á tɔ́n nɔ̀n da la kɛnɛn: «Die n ka nsɛ nɛ, ma nə n wàa sii la?»

Nya ǹ dín 25:14

Ǹ bɛ́ ǹ nə́ lɛawaa paa bɔ, Fɛstusu Pooli a sii lɛ boo da kii Agripaa nɛ: «Giĩ goon tá kànaa, má daa yaa Feliksi toa kòso-n.

Rɔmu minin 10:1

Dɔɔ̃nɔn lɛn, ma bɛ́ giɛ màn mɛn li taãn-taãnɛ, ma ná a nyan dɔ koe Lawa lon Zuifun lɛa, bɛ n ka kɛ nɛ, ǹ kirisibaa yɛ.

Korɛnti1 4:8

Kasɛn yiri ni, mà ka yiri bɛ́ màn mɛn ganaa, mà ka ǹ ká bɛ yɛ gɔrɔ! Ka pàãman baa! Ka kiin baa dinin, bɛ̀ wɔsɛn gòɛ̃ ná a ba a-n wa! A n kɔɔ̃n wɔ ganaa ka n baa miɛ̃, ń giɛ, wɔ dɔn tá kii biɛ kun ka nɛ!

Korɛnti1 7:7

Ka boo taãn nɛ, bɛ̀ masɛ wɔ a lɛa nɛ, man pii máa min tumaa goã ka masɛ bɛ́ lɔn, a lɔ ná a banban. Sɛnɛ, Lawa na á bǐɛ̃ baa min tumaa la, ka yɔrɔ totoro ne, á kɛ kɔ kɛ la, á kɔsɔ dɔ kɔ kɛ dɔ la.

Korɛnti2 11:1

Haya! Bɛ̀ má gàãnaabaa boɛɛn zɛnaa, ka sabarɛbaa ka si ka ganaa! Hiĩ, ka maa sii si ka ganaa!

Efɛɛzi minin 6:20

Man Boo Tii Kɔɔ̃n kɛ lɛ a sii yɔrɔ-bɔle lɛa, a laanɛ ma á kòso-n sisia. Ka Lawa nyankɔ mà ma boo la, ma a boo da ka foo tãbaa nɛ, ka ma bɛ́ kɔnboe ma zɛnaa lɔn.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.