Nya ǹ dín 26:23 - LAWA A BOO SONBORE

²³ A na á n pɛ mà Minin Nyin-sili lɛ á re die, ǹ nɔmaa, ǹ dɛ a gã, sɛnɛ, a din nə die yii kaa wole binaa biɛ á n bɔ geren bii, a kirisibaa ǹ wɔlɔ fúlu bɔ Zuifu tɔrɔn laanka tɔrɔ kɔsɔn manɛ.»

LAWA A BOO SONBORE 2011

²³ A na á n pɛ mà Minin Nyin-sili lɛ á re die, ǹ nɔmaa, ǹ dɛ a gã, sɛnɛ, a din nə die yii kaa wole binaa biɛ á n bɔ geren bii, a kirisibaa ǹ wɔlɔ fúlu bɔ Zuifu tɔrɔn laanka tɔrɔ kɔsɔn manɛ.»

Nya ǹ dín 26:23 ပူးပေါင်းရင်းမြစ်များ

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Izayii 42:6

«Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 26:24

Min a Nɛgiĩ á re giɛ̃, ka a bɛ́ á n kiɛ̃ a wɔ gɔn la Lawa a boo-n lɔn. Sɛnɛ, min mɛn bɛ́ re Min a Nɛgiĩ we a zɔ́ɔn gɔn, bɛa dɛnaa wɔ n ka bɔ̀n nɛ! Bɛ̀ n dɛnaa din na a yɛ wa, bɛ á soɛ a ganaa!»

Matiə 27:53

ǹ nə́ soo ǹ nə́ ǹ bɔ yala-n. Yezu yii a kaa a bɔ geren bii kio, ǹ nə́ wɔ Zeruzalɛmu kiwi lɛ gɔ́ɔ̃ nɛ, min gigiã nə́ ǹ yɛ walan.

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Luku 24:26

Ka a doɛ̃, mà Nyin-sili lɛ doamaa nɛ, a bɛa fuu kɛ lɛ tumaa yɛ, a tɔn wo giã a din a gugurubaa ǹ bǎã kɛ-n wa?»

Luku 24:46

Á pɛ ǹ nɛ: «Màn mɛn nə n kiɛ̃ bɛ á ke: Minin Nyin-sili lɛ n die fuu yii, sɛnɛ, a gɛ̀ lɛawaa sɔɔbaa ǹ wɔ pinaa, a yii á re kiɛ a n bɔ geren bii.

Zaã a sɛ́wɔ 10:18

Min bie sii ma la wa dɛ. Man boe ma din ni ma á koe. Pàã tá ma lon ma bɔ ma din ni ma kɔ, pàã tá ma lon dɔn ma wusoo ma si. Maa Díi dí mɛn pɛ ma nɛ, a din lɛ n bɛ nɛ.»

Zaã a sɛ́wɔ 11:25

Yezu tɔ́n pɛ nɛ: «Masɛ din nə geren yii-kaali lɛa, ma din nə yiikoonaabaa lɛa. Bɛ̀ min mɛn golee masɛ li, ta ǹ dɛnaa na á gã, a yii n tɔn koo;

Nya ǹ dín 13:34

Lawa bɛ́ a ná a yii kaa á bɔ geren bii ke, a gere ná a bɔɔ̃ duduu wa, bɛ na á n zɛnaa á kɔnpɛ ka boo kɛ nɛ á n pɛ: «Masɛ lɛ kɔ Davida la ka màn sonboren mɛnɛn nɛ, ǹ nə́ taãn-taãn dɔn, man die bɛn koe ka la.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Nya ǹ dín 26:8

Wàa na á baa ǹ tá taasɛ, mà Lawa a boe la a geren yii kaa wa?

Nya ǹ dín 3:18

Sɛnɛ, Lawa din na á pɛ, mà asɛ lɛ kɔ ka Minin Nyin-sili mɛn nɛ, mà bɛ á re fuu yii. A boo gii-dalin tumaa saa lɛlɛ ǹ nə́ bɛ pɛ, mà Lawa na á toa ǹsɛn kɛn lɛn ná a lɛ pã ǹ sii zɛnaa.

Nya ǹ dín 3:24

Piɛrɛ pɛ: «Lawa a boo gii-dalin lɛn, a kũ Samayeli ganaa, a wo a kiodɛnan yaa, ǹ tumaa boo da pelo a biikoo kɛ lɛ a siin lɛn zɛnaa wɔ gɔn la.

Korɛnti1 15:3

Ma din daraa mɛn yɛ, man má bɛ lɛ kɔ ka la. Màn mɛn bɛ́ gole sii tumaa nɛ bɛ á ke. *Krita na á gã wɔa sii baraan lɛa, ka Lawa a sɛ́wɔ bɛ́ á pɛ lɔn.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Kolɔɔsi minin 1:18

A din nə Lawa a sɔmɔ kɛ mìi lɛa, Lawa a sɔmɔ mɛn bɛ́ a din gɔ̀nɔn lɛa. Bɛa gɔ̀nɔn kɛ lɛ nyin nə boe a din ni, a giala, a din nə min bibinaa lɛa, a yii kaa á n bɔ geren bii, a din nə bibinaa lɛa sii din tumaa gɔ́ɔ̃ nɛ.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.