Nya ǹ dín 26:16 - LAWA A BOO SONBORE

¹⁶ Sɛnɛ, yoo n golee n gòãn la, a giala, maa din nyaa n nɛ ǹ mìi n ke: Man má n bɔ má n koa maa dí-nyali lɛa. N yii sii mɛn yɛ, ka a gigiã kɔsɔn mɛnɛn dɔn bɛ́ ma tá re ǹ nyɛɛ n nɛ, man má n bɔ má n koa máa n tá re bɛn siére biɛ.

LAWA A BOO SONBORE 2011

¹⁶ Sɛnɛ, yoo n golee n gòãn la, a giala, maa din nyaa n nɛ ǹ mìi n ke: Man má n bɔ má n koa maa dí-nyali lɛa. N yii sii mɛn yɛ, ka a gigiã kɔsɔn mɛnɛn dɔn bɛ́ ma tá re ǹ nyɛɛ n nɛ, man má n bɔ má n koa máa n tá re bɛn siére biɛ.

Nya ǹ dín 26:16 ပူးပေါင်းရင်းမြစ်များ

Ezekieli 2:1

Bɛa dɛnaa lɛ tɔ́n pɛ ma nɛ: «Minbuiin a nɛ, yoo lon, n golee n gòãn la, a giala, man die boo diɛ n nɛ.»

Nya ǹ dín 1:17

Táa a dɔ na á goã kun ka wɔsɛn nɛ, a dɔ́ goã a dí gii nyɛɛ kun ka wɔ nɛ.

Nya ǹ dín 1:25

màn mɛn bɛ́ toɛ, Zudaasi bǎã mɛn toa walan á woo a din tɔ bǎã nɛ, bɛa dɛnaa bɛa dia dí-a wolebaa ǹ bǎã kɛ lɛ saa, a na a dí nya.»

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 21:19

A bɛ́ á fòo da ǹ nɛ á nya, Lawa dí mɛn tumaa nya a gɔn tɔrɔ kɔsɔn bii, Pooli bɛ laakalaa ǹ nɛ ka tɛrɛɛ nɛ.

Nya ǹ dín 22:10

Má nɔ̀n da: «Dɛnaa, ma doamaa nɛ ma wàa mɛn zɛnaa kəni?» Dɛnaa ma lɛ si: «Yoo, n wo Damaasi, Lawa dí mɛn koa n wɔ lɛa, ǹ tá re bɛ nyɛɛ n nɛ walan.»

Nya ǹ dín 23:11

Tèlò bɛ́ á kɔ, Dɛnaa nə́ n din nyaa Pooli ni, á pɛ nɛ: «N foo taã. Ń masɛ a siérebaa ǹ boo pɛ maa lɛa Zeruzalɛmu, n doamaa nɛ n bɛ lɛ miã zɛnaa Rɔmu dɔ nɛ.»

Nya ǹ dín 26:15

Má tɔ́n nɔ̀n da: «Dɛnaa, die n ka nsɛ nɛ?» Dɛnaa lɛ pɛ: «Masɛ Yezu ni, ma n fuu kɛ lɛ nyɛɛ masɛ din ni.

Nya ǹ dín 6:4

Wɔsɛn dininmaan kɛn tá re woe nyɛɛnɛ, wɔ n dinin kɔ Lawa nyankɔ la, ka Lawa a boo pɛ kɛ a dí ni.»

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 5:18

Bɛa sii kɛ tumaa n boe Lawa li, asɛ mɛn bɛ́ á wɔ kaa kun ka a din ni Krita pàã ganaa, á dí kɔ wɔ la, mà wɔ wɔ miãn kɔsɔn dɔn kaa kun ka asɛ nɛ.

Galaasi minin 1:12

Minbuiin nɛ bie á kɔ ma la wa, min kɔ́n dɔ bie á ma daraa ganaa wa. Sɛnɛ, Yezu Krita din na á ma yii toɛ̃ ka a doɛ̃ nɛ.

Galaasi minin 2:2

Lawa na á ma yii toɛ̃, á nyaa ma nɛ mà ma woo. Bɛ lɛ nɛ má woo. Ma bɛ́ má goã Boo Tii Kɔɔ̃n mɛn lakalɛɛ tɔrɔ kɔsɔn manɛ, má bɛ yɔrɔ pɛ ǹ nɛ. Nyɛɛnaandɛnan dininsɔɔ̃nɔn kɔn-yɛ goon bǎã dɔ nɛ, má a yɔrɔ pɛ. Ń giɛ ma dí mɛn nya lɛlɛ, ka sisia wɔ nɛ, bɛn baran goã kooro wa.

Efɛɛzi minin 3:3

Lawa lɛ kɔ, á sii nyaa ma nɛ, mà ma boo la ma a din a sii-durii yɔrɔ bɔ kɛ dɔ̃. Ma boon mɛnɛn kiɛ̃ kio sisia, bɛn man bɛ giala pii ka nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:25

Lawa din dí mɛn kɔ ma la, mà ma nya kaa lɛa, masɛ n má Lawa a sɔmɔ kɛ a dí-nyali baa bɛ lɛ taman yii. Lawa na á dí kɔ ma la, mà ma a din a boo kɛ pɛ, ma a lɛ pã.

Kolɔɔsi minin 1:7

Ka dinin Epafrasi mɛn bɛ́ wɔa giaára lɛa, á n wɔ miã dí-nyali dɔ lɛa, bɛ na á ka daraa bɛ ganaa. A n bɔlɔgoondɛnaa lɛa a dí kɛ nɛ, á nyɛɛ Krita nɛ kaa lɛa.

Tesaloniki1 3:2

má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Timote1 4:6

N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

Timote2 4:5

Sɛnɛ, nsɛ toa n boo n din la sii tumaa gɔ́ɔ̃ nɛ, n nɔmaa si n ganaa, n Boo Tii Kɔɔ̃n kɛ pɛ, n nə n Lawa a dí nya a yɔrɔ li sɔnbɔraanɛ.