Nya ǹ dín 24:25 - LAWA A BOO SONBORE

²⁵ Sɛnɛ, Pooli bɛ́ á yoo á boo diɛ sii pepere zɛnaa wɔ gɔn la, ka din-kuĩ ni, ka biɛ̃ ǹ kiri kɛ nɛ, nyɛ́ɛ Feliksi kũ. Á tɔ́n pɛ Pooli ni: «N lɛ tã bɔrɔ. Bɛ̀ ma biikoo kɔsɔ yɛ, ma á re n bíi.»

LAWA A BOO SONBORE 2011

²⁵ Sɛnɛ, Pooli bɛ́ á yoo á boo diɛ sii pepere zɛnaa wɔ gɔn la, ka din-kuĩ ni, ka biɛ̃ ǹ kiri kɛ nɛ, nyɛ́ɛ Feliksi kũ. Á tɔ́n pɛ Pooli ni: «N lɛ tã bɔrɔ. Bɛ̀ ma biikoo kɔsɔ yɛ, ma á re n bíi.»

Nya ǹ dín 24:25 ပူးပေါင်းရင်းမြစ်များ

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Kiin1 21:27

Akaabu bɛ́ á bɛa boon lɛn ma, á na a mɔnaan kũ á tɔtoɛ̃, á gɛ̀ koa ǹ mɔnaa wɔ a din-a, á n lɛ sɔɔ. A na á goã wɛɛ tán ka bɛa gɛ̀ koa ǹ mɔnaa lɛ nɛ a ganaa. A na á goã tɔ dɔ we ne sɛlɛlɛ nɛ.

Kiin2 22:19

a giala, boon lɛn nə́ dí nya n foo ne. Ma bɛ́ má màn mɛn pɛ bǎã kɛ lɛ laanka a minin wɔ paǹ li máa bɔ̀n tá re bǎã lɛ yii, koe dɔ bɔ bɔ-a, n bɛ́ ń bɛa boo lɛ ma, man nə́ n din gisĩ masɛ Dɛnaa Lawa yɔrɔ-a, n nə́ n mɔnaan tɔtoɛ̃, ń wuu pɛ ma yɔrɔ-a, ma dɔ tɔ́n nə n nyankɔ lɛ ma. Dɛnaa Lawa a da ǹ boo ne.

Ɛsidrasi 10:3

Ka da kanna, wɔ lɛ-kɔ wɔ wɔa Lawa lɛ nɛ, màn mɛn bɛ́ toɛ, lɔn mɛnɛn bɛ́ tɔrɔ kɔsɔ minin lɛa, wɔ bɛn loo kɔnlɛ ka ǹ nɛnyaanan nɛ, a kɔnpɛ ka maa dɛnaagiĩ Ɛsidrasi a doree ne, ka minin kɛn wɔ nɛ nyɛ́ɛbiɛ Lawa a gɔn waa ǹ boon manɛ. A die a n zɛnaa, a kɔnpɛ ka dí-pɛn sɛ́wɔ kɛ a boo ne.

Ɛsidrasi 10:9

Zudaa a giĩn laanka Bɛnzamɛn tɔrɔn giĩn nə́ tɔ́n nə n sɔkɔn Zeruzalɛmu, lɛawaa sɔɔ lɛ gɔ́ɔ̃ nɛ. Bɛ na á kɔnpɛ ka lɛ̀ a mui manangɔrɔbaa ǹ wɔ a lɛawaa fuəbaa ǹ wɔ pinaa nɛ. Zaman lɛ tumaa goã Lawa a kion lɛ lɛ-a, ǹ gɔ̀nɔn nə́ bìn diɛ sii lɛ gɔn, ka la kɛ dɔ nɛ, á goã kiɛ.

Zɔbu 29:14

Man má goã peperebaa we ma din-a ka dɔnkɛ bɛ́ lɔn. Maa peperebaa kɛ na á goã dɔnkɛ gole lɛa ma ganaa, zín màn lɛa ma mìi-a.

Loen 11:7

A giala Dɛnaa Lawa á pepere, sii pepere n kɔɔ̃n-a. Min peperen lɛn man die yii, yii laanka yii.

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 72:2

Toa a giã n zaman kɛ mìi la ka peperebaa nɛ, a kiri wɔ doobaan ganaa ka telebaa nɛ.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Suusun 16:12

Sii baraa tìĩ n boe ne kii nyin ni. Taãn nɛ, bɛ̀ n sii bǐɛ̃ zɛnaa, n kiibaa gòã n we tán.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 12:14

Sonbore, Lawa tá re nya ǹ dí tumaa a kiri we, ka sii mɛn tumaa bɛ́ durii ni, ta bǐɛ̃ nɛ, hinlaa baraa nɛ.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 16:5

Bɛ kio, kii pàã á re gole koe a bǐɛ̃baa taman yii. Bɛa kii bɔlɔgoondɛnaa kɛ lɛ Davida tɔrɔ lɛa, á re gána lɛ nyɛɛnaan boe ka peperebaa nɛ. A n die goɛ̃ kiri-wɔle lɛa, a n koe dí-pɛn lɛ, a nə́ n yiri koɛ peperebaa li.

Izayii 32:11

Lɔ din narɛɛ wolen lɛn, ka gɔ̀nɔn tá re bìn diɛ, kasɛn mɛnɛn bɛ́ n dinin koɛ ka yɔrɔ á re kɔsɛ! Ka n sɔlɔ, ka n gɔ̀nɔn kooro da, ka gɛ̀ koa ǹ mɔnaan wɔ.

Izayii 41:21

Kasɛn tɔrɔ kɔsɔn dìn lɛn, ka da kaa siin yɔrɔ pɛ, Dɛnaa Lawa a da ǹ boo ne; ka kaa zɛnaa ǹ siin nyaa, Zakɔba a kii na á pɛ.

Izayii 55:6

Ka ga Dɛnaa Lawa li, bɛ̀ á tɔn lɛ koe á yii. Ka a bii wɔ, bɛ̀ á tɔn kunun ka ganaa.

Izayii 61:8

Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Zeremii 22:3

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Zeremii 23:29

«Maa boo kɛ bie ka tɛ bɛ́ lɔn wa? A bie ka yele bɛ́ lɔn gɛ̀fu yui wa?» Dɛnaa Lawa a da ǹ boo ne.

Zeremii 36:16

A ǹ toa n too koe, nyɛ́ɛ kii a dí-nyali dadaran lɛn kũ. Ǹ nə́ ga kɔn ganaa, ǹ nə́ pɛ Baruku ni: «Yǎa wɔ kɛ tumaa kalɛɛ kii ni.»

Ezekieli 45:9

Dɛnaa Lawa n ke pii: Izirayeli a goledɛnan lɛn, kaa sii lɛ la yii ni. Ka n bɔ kakaarɛbaa laanka wurumubaa kɛ wɔlɔ li! Ka kɔ sonborebaa laanka peperebaa lɛ! Ka maa zaman lɛ a bɔ ma yii-n kɛ lɛ da! Ma din Dɛnaa Lawa a da ǹ boo ne.

Ozee 10:12

Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

Ozee 10:4

Boo n woe ǹ la. Maǹ lɛ kɔn we kɔn la, maǹ liɛ we soɛ la. Ǹsɛn gɔn, pepere-pɛ na á buu sèwòdɛnaa baa, ka nyankɔrɔ bɛ́ lɔn kantian bii ni wuru-n.

Ozee 7:5

Ǹ kii a zɔ́n pinaa, ǹ kiodɛnan man duvɛ̃ gigiã mii, bɛ̀ ǹ na a busu kɔ. Yaa wɔ minin ganaa wolen kɛn, kii dɔ na a wɔ kiɛ kun ka bɛn nɛ.

Amɔɔsi 5:24

Sɛnɛ ka toa kiri kiɛ̃ a zii li ka mu bɛ́ lɔn. Ka toa kaa sii pepere zɛnaa goã ka tà mu bɛ́ lɔn, a ná a nyɛɛ wa.

Amɔɔsi 6:12

Ka bin nə́ sùi yɛ baa sii gɛ̀fu la? Ka bin nə́ ǹ yɛ gɛ̀fu kɔsɛ ka diin kána nɛ? Wàa na a baa, ká taãn-pɛ sɛ bɔyaa ká baa sèwò lɛa, ká peperebaa bɔyaa ká baa kɔɔsɛ.

Abakuku 3:16

Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

Azee 1:2

– Dɛnaa Lawa Pàãyiidɛnaa n kɛ pii: «Tɔrɔn kɛn man pii mà Dɛnaa Lawa a kion lɛ a doe biikoo tɔn dɔ wa.»

Matiə 22:5

Sɛnɛ, ǹ wo min mɛnɛn bíi, bɛn nə da sii li wa, ǹ nə́ kiɛ̃ ǹ nə́ woo ǹ laadoo dín nya. Goon nə́ woo a wurun, goon nə́ woo a pii kɔ ǹ bǎã nɛ,

Zaã a sɛ́wɔ 16:8

Bɛ̀ á daa ǹ mɛn waáraa, kanaa minin kɛn zɛ̀rɛ bɛ́ ka màn mɛn nɛ, á die bɛ nyɛɛ ǹ nɛ. Á die ǹ sã nyɛɛ ǹ nɛ sii baraa wɔ gɔn la, ka Lawa a peperebaa laanka a kiri-kurii ni.

Nya ǹ dín 10:42

Á pɛ wɔsɛn man dɔn, mà wɔsɛn nə kɛ laakalaa zaman nɛ, mà Lawa lɛ na á ná a din lɛ bɔ yiikoonaan laanka geren kiri-kuruli lɛa.

Nya ǹ dín 17:13

Sɛnɛ, Tesaloniki a Zuifun lɛn dinin nə ma lɔn gɔrɔ, mà Pooli tá Lawa a boo pii Beere dɔ nɛ, ǹ nə́ daa walan dɔ nɛ, ǹ nə́ zaman lɛ sɔsɔmɔ ǹ nə́ ǹ lɔlɔkɔn.

Nya ǹ dín 17:2

A kɔnpɛ ka a lɛ-mui sii ni, Pooli woo Zuifun lɛn yaa, á *susu ǹ pii sɔɔ zɛnaa kɔn kio, bɛ̀ a Lawa a sɛ́wɔ gɔ́ɔ̃ ǹ boo pɛ ǹ nɛ.

Nya ǹ dín 17:32

Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.

Nya ǹ dín 2:37

Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Nya ǹ dín 24:15

Ma foo á doa-n Lawa ganaa, bɛa foo-doa kɛ lɛ tá ǹ dɔn dinin lon, min din tumaa, a sonboren laanka a baraan nɛ, ǹ tumaa yii á re kiɛ ǹ nə n bɔ gerebaa nɛ.

Nya ǹ dín 24:26

Kii lɛ na á goã taasɛ, mà Pooli á re asɛ lɛ pii ka wɔrɔ nɛ, bɛ lɛ nɛ á goã lɛ diɛ la gunyin damata, mà a da sùn baa kun ka asɛ nɛ.

Nya ǹ dín 26:28

Agripaa tɔ́n pɛ Pooli ni: «A na á goã boɛɛnɛ n ma bɔyaa n ma baa *Krita a min lɛa kəni?»

Nya ǹ dín 9:6

Sɛnɛ, yoo, n wɔ kiwi, n doamaa bɛ́ nɛ n sii mɛn zɛnaa, ǹ tá re bɛ pii n ni walan.»

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 14:12

Bɛa yɔrɔ kɛ lɛ la, didie n die n bɔlɔ pii Lawa-n biɛ̃.

Rɔmu minin 2:16

Bɛ̀ Lawa kiri kuru minbuiinin la ǹ mɛn pinaa, ka ǹ taasiɛ duriin ni, bɛ tumaa á re soe wɔlɔ fúlu ganaa. Yezu *Krita Boo Tii Kɔɔ̃n mɛn kɔ ma la mà ma pɛ, bɛ n pii miɛ̃.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Korɛnti2 6:2

A giala, Lawa din na á pɛ sɛ́wɔ nɛ: «Biikoo sonbore li, má n too kɔ n lon, kirisibaa pinaa, má daa n gú ganaa.» Á ke, sisia kəni, biikoo sonbore lɛ n ke, a minin kirisibaa pinaa lɛ dɔ n ke.

Galaasi minin 3:22

Sɛnɛ, Lawa a sɛ́wɔ pɛ, mà kanaa minbuiin tumaa n sii baraa pàã giulun. Màn mɛn bɛ́ toɛ, Lawa a lɛ-kɔ ǹ sii lɛ nə n zɛnaa goleemali wolen ne, ka golee Yezu Krita li barka nɛ.

Galaasi minin 5:23

foo-basiɛ̃ nɛ ka boomadinla nɛ. Dí-pɛn ba yɔ boe bɛa sii kɛ miã kɔ́n ganaa wa.

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.

Tiitii 1:8

Yǎa ǹ dɛnaa goɛ̃ tiin kũ doɛ̃ wole lɛa, á n sii sonbore narɛ. Yǎa á goɛ̃ mìiwedɛnaa lɛa, min pepere lɛa, Lawa wɔ lɛa, a boo la a n din kũ doɛ̃.

Ebrəə 12:21

Ǹ màn mɛn yɛ, bɛ na á goã nyɛ́ɛ da ǹ màn gole lɛa taãn-taãnɛ, yǎa Muizu din pɛ kɛnɛn: «Nyɛ́ɛ n ma ganaa, man bìn diɛ.»

Ebrəə 3:13

Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Ebrəə 6:2

*Batɛmun kɛn nɛ, gɔn da min mìi-n a Lawa nyankɔ nɛ, ka geren yii kaa laanka dɔlɔ nyabaã kɛ a boo diɛ nɛ.

Ebrəə 9:27

A n minbuiin nɛ gogoonmaa mìi ni, a gã gunyin goon toto, bɛ kio kiri dɔ a ganaa.

Zaaki 2:19

Táa n waa la mà Lawa n goon toto? Bɛ á siĩni! N dɔ bɛ́ n waa la lɔn, nɔ̀ɔnɔn dɔn man nə́ waa la miɛ̃, ǹ gɔ̀nɔn yii n bìn diɛ nyɛ́ɛ gɔn.

Piɛrɛ1 3:15

Sɛnɛ, ka toa *Krita goã kaa Dɛnaa lɛa, ka bǎã kɔ a dinsɔɔ̃ la ka foo ne. Ka n yɔrɔ bɔ biikoo tumaa li ka koa, foo-doa mɛn bɛ́ ka lon, bɛ̀ minin tá nɔ̀n diɛ ka la bɛ wɔ gɔn la, ka toa ka a yɔrɔ sonbore nyaa ǹ nɛ.

Piɛrɛ2 1:6

Ka n doa dɔn ka boo ma din la naa doɛ̃ ganaa, ka sii simaa naa boo ma din la ganaa, ka tɔn nyɛ́ɛ baa Lawa-n naa sii simaa kɛ ganaa.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 3:7

Maa nɛnyaanan lɛn, ka baran toa min kɔ́n ka yiri sã wa. N mɛn bɛ́ sii pepere zɛnɛɛ, n dinmaa dɔ n pepere ka Krita bɛ́ pepere lɔn.

Samayeli1 12:7

Sisia, ka kiɛ̃ ka da Dɛnaa Lawa yɔrɔ-a, Dɛnaa Lawa sii bǐɛ̃ mɛn tumaa zɛnaa ka dinin laanka ka digolon manɛ, ka bɛ nimi ǹ ni bɔrɔ, ǹ yɛ.