Nya ǹ dín 23:9 - LAWA A BOO SONBORE

⁹ Sɛ-pɛ gole wɔ bǎã lɛ nɛ. Fariziɛ̃n lɛn mɛnɛn bɛ́ landa sii-daraalin dɔn lɛa, bɛn kɔnɔn nə́ yoo ǹ nə́ paraa, ǹ nə́ sonbore kɔ Pooli la: «Wɔsɛn yii ba zɛ̀rɛbaa ǹ sii kɔ́n-a giĩ kɛ ganaa wa. Kɔntan nɔ̀ɔn sonbore hinlaa lon a dia dí-a wole kɔ́n na á boo da nɛ.»

LAWA A BOO SONBORE 2011

⁹ Sɛ-pɛ gole wɔ bǎã lɛ nɛ. Fariziɛ̃n lɛn mɛnɛn bɛ́ landa sii-daraalin dɔn lɛa, bɛn kɔnɔn nə́ yoo ǹ nə́ paraa, ǹ nə́ sonbore kɔ Pooli la: «Wɔsɛn yii ba zɛ̀rɛbaa ǹ sii kɔ́n-a giĩ kɛ ganaa wa. Kɔntan nɔ̀ɔn sonbore hinlaa lon a dia dí-a wole kɔ́n na á boo da nɛ.»

Nya ǹ dín 23:9 ပူးပေါင်းရင်းမြစ်များ

Suusun 16:7

Bɛ̀ min a giã ǹ gɔn kaa Dɛnaa Lawa foo la, a n kiɛ kun ka a zɔ́ɔn dinin ni.

Zeremii 26:16

Gána nyɛɛnaandɛnan lɛn laanka zaman lɛ tumaa tɔn kɛ pɛ Lawa a wúlu-bɔlen lɛn manɛ ka Lawa a boo gii-dalin lɛn nɛ: «Giĩ kɛ doamaa bie ka gɛ̀-n wa. Sonbore, a na á boo da wɔ nɛ ka Dɛnaa Lawa, wɔa Lawa tɔ nɛ.»

Marki 2:16

*Fariziɛ̃n landa sii-daraalin nə́ Yezu yɛ màn bii kun ka sii baraa-zɛnaalin laanka wusuru-silin ni, ǹ nə́ tɔ́n pɛ a kialandɛnan lɛn manɛ: «Wàa na á baa ka á màn bii kun ka wusuru-silin ni ka sii baraa-zɛnaalin gialakunun kɛn nɛ?»

Luku 23:22

Pilati wusoo a gunyin sɔɔbaa ǹ wɔ nɛ, á pɛ ǹ nɛ: «Giĩ kɛ lɛ na á wàa sii baraa zɛnaa? Masɛ sii yɛ a ganaa á n gɛ̀ dɔlɔ boe wa. Man die pii ǹ duwəə, ǹ nə n gɔn bɔ a ganaa.»

Luku 23:4

Pilati pɛ wúlu-bɔlen goledɛnan lɛn manɛ ka zaman lɛ nɛ mà asɛ dɔlɔ bɔ min-a ǹ sii kɔ́n yɛ giĩ kɛ ganaa wa.

Luku 5:30

Fariziɛ̃n lɛn, sanparɛ a landa sii-daraalin kɛn nə́ goã boo zuzuũ diɛ, bɛ̀ ǹ nə́ pii Yezu a kialandɛnan manɛ: «Wàa na á baa ka á màn bii, ka n màn mii kun ka wusuru-silin ni, ka sii baraa-zɛnaalin gialakunun kɛn nɛ?»

Zaã a sɛ́wɔ 12:29

Zaman mɛn nə goã walan ǹ nə́ bɛa boo lɛ ma, bɛn mà la a ginii wuu ni. Min tɛn dɔ mà lon a dia dí-a wole kɔ́n na á boo da nɛ.

Nya ǹ dín 11:17

Bɛa minin kɛn lɛn ǹ nə́ golee Dɛnaa Yezu *Krita li, bɛ̀ Lawa din ná a bǐɛ̃baa ǹ màn kɔ ǹ la, ká a bɛ́ á kɔ wɔsɛn dɔn la lɔn, masɛ Piɛrɛ n die lɛa, ma tɔn Lawa kurəə bɛa zɛnaa ganaa?

Nya ǹ dín 22:6

Man má goã maa zii tɔ we woe, ma bɛ́ má diri Damaasi la, wasa a tá baã bii waáraa kɛ miã, bǎã goon ne, wɔlɔ fúlu gole bɔ lon á daa n kɔ ma lɛ.

Nya ǹ dín 22:7

Má bɔ má n tɔ tán, má lɛn goon ma boo diɛ ma nɛ: «Sooli, wàa na á baa n tá fuu nyɛɛ masɛ nɛ?»

Nya ǹ dín 23:29

Má yɛ máa giĩ lɛ a zɛ̀rɛbaa ǹ mìi n doa nɛ ǹ dinin Zuifun landa siin ganaa, sɛnɛ, sã ǹ sii kɔ́n ba a nɛ, á n da kòso-n hinlaa gɛ̀ boe wa.

Nya ǹ dín 23:8

Sadusɛɛ̃n sɛn man pii, mà sonbore, mà geren yii-kaa banban, mà lon a dia dí-a wolen banban, mà nɔ̀ɔnɔn dɔn banban. Sɛnɛ, Fariziɛ̃n sɛn mà sonbore, mà bɛa sii kɛ lɛ laanka bɛa mànan kɛn lɛn tumaa tan.

Nya ǹ dín 25:25

Ma kɔn nə sii yɛ a ganaa màn mɛn nə́ gɛ̀ dɔlɔ boe wa. Sɛnɛ, a bɛ́ á pɛ mà a sii nə n yɔrɔ bɔ kii gole gole kɛ li, man die diɛ walan le.

Nya ǹ dín 26:31

Ǹ bɛ́ soe ǹ nə́ pɛ kɔn nɛ: «Giĩ kɛ sii la màn mɛn nə́ gɛ̀ dɔlɔ hinlaa da kòso-n boe wa.»

Nya ǹ dín 27:23

Sonbore, tèlò-n, masɛ bɛ́ Lawa mɛn wɔ lɛa, man dí nyɛɛ nɛ, bɛa lon a dia dí-a wole goon ná a n din nyaa ma nɛ.

Nya ǹ dín 5:39

Sɛnɛ, bɛ̀ a n boe Lawa li, ka a boe la ka sii kɛ laanka dí kɛ papaã wa. Ka yiri bɔ ka dinin li, ka baran ga zia li Lawa li wa.» Kiri-wɔlen lɛn nə́ lɛ kɔ Gamalieli a doroo lɛ ganaa.

Nya ǹ dín 9:4

Á boo-diɛ lɛ ma pii ni: «Sooli, wàa na á baa n tá fuu nyɛɛ masɛ nɛ.»

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Samayeli1 12:5

Á pɛ ǹ nɛ doo: «Dɛnaa Lawa n kaa siére lɛa. Lawa kii mɛn bɔ, a dɔ n siére lɛa pelo kɛ lɛ nɛ, ka màn kɔn yɛ ma gɔn wa.» Ǹ ná a lɛ si: «A n miɛ̃ lɛn.»

Samayeli1 24:17

Davida bɛ́ á bɛa boo lɛ da Sayulu ni, á nya ǹ mɛn waáraa, Sayulu pɛ: «Maa nɛgiĩ Davida, kɛ nə n din sɔ yala lɛa?» Sayulu nə́ n lɛ da wuu ni kɔsɛkɔsɛ.